LOCAL NEWS
  Jul 31, 2013
ഭാഗ്യദേവതയെത്തിയിട്ടും ഭാവമാറ്റമില്ലാതെ ബാബു


മുതുകുളം (കായംകുളം): ജീവിത ദുഃഖത്തിന് വിരാമമിട്ട് മരംകയറ്റ തൊഴിലാളിയായ ബാബുവിന് (42) ഭാഗ്യദേവതയുടെ കടാക്ഷമെത്തിയിട്ടും അമിതാഹ്ലാദമില്ല. തുടങ്ങിവെച്ച വീടുപണി പൂര്‍ത്തീകരിക്കുക, മകളെ നല്ല നിലയില്‍ പഠിപ്പിക്കുക തുടങ്ങിയ ആശങ്കകള്‍ നിറഞ്ഞുനില്‍ക്കെയാണ് നിനച്ചിരിക്കാതെ സംസ്ഥാന ഭാഗ്യക്കുറി ധനശ്രീയുടെ ഒന്നാം സമ്മാനം 65 ലക്ഷം രൂപ കണ്ടല്ലൂര്‍ വടക്ക് കടയ്ക്കല്‍ തെക്കതില്‍ (വിഷ്ണുഭവനം) വീട്ടിലെത്തിയത്.

തിങ്കളാഴ്ച വൈകിട്ടാണ് കായംകുളം സ്റ്റാര്‍ ലക്കി ഏജന്‍സിയുടെ വില്പനക്കാരനായ മധുവില്‍നിന്ന് പുല്ലുകുളങ്ങര ജങ്ഷനില്‍വെച്ച് ഡി.യു.306190 നമ്പരുള്ള ലോട്ടറി വാങ്ങിയത്. ചൊവ്വാഴ്ച വൈകിട്ട് അഞ്ചരയോടെ മധു വീട്ടിലെത്തിയാണ് ഒന്നാം സമ്മാനം ലഭിച്ച വിവരം അറിയിച്ചത്.

പഞ്ചായത്തില്‍നിന്ന് ആദ്യഗഡു 20,000 രൂപ ധന സഹായം കിട്ടിയതിനെത്തുടര്‍ന്ന് ആകെയുള്ള അഞ്ചുസെന്‍റിലുണ്ടായിരുന്ന പഴയ കുടുംബവീട് ഇടിച്ചുകളഞ്ഞ് പുതിയതിന്റെ പണി തുടങ്ങി. മഴയത്ത് വീടിന് ചുറ്റും വെള്ളക്കെട്ടായതോടെ ജോലി താല്‍ക്കാലികമായി നിര്‍ത്തിവച്ചിരിക്കുകയാണ്. അടുത്തുതന്നെ താമസിക്കുന്ന അച്ഛനോടൊപ്പമാണ് ഇപ്പോള്‍ ബാബുവും കുടുംബവും കഴിയുന്നത്. മരംകയറ്റ തൊഴിലാളിയായ ബാബു ഉത്സവ സീസണില്‍ ചെണ്ടമേളത്തിനും പോകാറുണ്ട്. സുശീലയാണ് ബാബുവിന്റെ ഭാര്യ. മകന്‍ വിഷ്ണു പറവൂര്‍ ജങ്ഷനില്‍ ഓട്ടോ ഓടിക്കുകയാണ്. മകള്‍ വിദ്യ മുതുകുളം കെ.വി.സംസ്‌കൃത ഹയര്‍ സെക്കന്‍ഡറി സ്‌കൂളിലെ പ്ലസ്ടു വിദ്യാര്‍ഥിയാണ്. സമ്മാനര്‍ഹമായ ലോട്ടറി കണ്ടല്ലൂര്‍ 1410-ാം നമ്പര്‍ ഫാര്‍മേഴ്‌സ് ബാങ്കിലെത്തി കൈമാറി.

ഈ വര്‍ഷത്തെ വിഷു ബമ്പര്‍ 2 കോടിയും നൂറ്റൊന്ന് പവനും ലഭിച്ചത് സമീപ ഗ്രാമമായ മുതുകുളത്ത് കൃഷ്ണഭവനില്‍ കെ.പൊന്നമ്മയ്ക്കാണ്.

Other News in this section
സൗജന്യ റേഷന്‍: നാലുമാസമായിട്ടും റേഷന്‍ കടക്കാര്‍ക്ക് പണം നല്‍കിയില്ല
ആലപ്പുഴ: മഴക്കെടുതിമൂലം ദുരിതമനുഭവിച്ചവര്‍ക്ക് സൗജന്യ റേഷന്‍ നല്‍കിയതിന്റെ പണം നാലുമാസമായിട്ടും സര്‍ക്കാര്‍ റേഷന്‍ കടക്കാര്‍ക്ക് നല്‍കിയില്ല. ചേര്‍ത്തല, കുട്ടനാട്, കാര്‍ത്തികപ്പള്ളി, മാവേലിക്കര, ചെങ്ങന്നൂര്‍ താലൂക്ക് സപ്ലൈ ഓഫീസുകളുടെ പരിധിയിലുള്ള റേഷന്‍ വ്യാപാരികള്‍ക്കാണ് പണം ലഭിക്കാത്തത്. അമ്പലപ്പുഴ താലൂക്കില്‍ സപ്ലൈകോയില്‍നിന്ന് നേരിട്ട് ഭക്ഷ്യധാന്യം നല്‍കുന്നതിനാല്‍ ..
രാമായണ മഹാസത്രവേദിയില്‍ ഞായറാഴ്ച എത്തിയത് കാല്‍ലക്ഷത്തോളം ഭക്തര്‍
വീടുകള്‍ കുത്തിത്തുറന്ന് ഒമ്പതുപവനും പണവും അപഹരിച്ചു
തീര്‍ഥാടകവാഹനം റോഡില്‍ കുടുങ്ങി; ഗതാഗതം നിയന്ത്രിച്ച് അയ്യപ്പന്മാര്‍
സഹകരണചട്ട ഭേദഗതി; ജീവനക്കാര്‍ സെക്രട്ടേറിയറ്റിന് മുന്നില്‍ സത്യാഗ്രഹം നടത്തി
പരിശോധനയില്ല: മലയോര മേഖലയില്‍ വ്യാജ ചികിത്സകര്‍ കൂടുന്നു; ഒരാഴ്ചയ്ക്കിടെ പിടിയിലായത് രണ്ടുപേര്‍

Latest news