LOCAL NEWS
  Jul 31, 2013
തകര്‍ന്ന റോഡുകള്‍ നന്നാക്കിത്തുടങ്ങി ജില്ലയില്‍ റോഡുകള്‍ക്ക് 10 കോടി
കൊല്ലം: ജില്ലയില്‍ മഴയില്‍ തകര്‍ന്ന റോഡുകളുടെ അറ്റകുറ്റപ്പണി തുടങ്ങി. കുഴിയടയ്ക്കല്‍ ഉള്‍പ്പെടെയുള്ള അടിയന്തര ജോലികള്‍ കഴിഞ്ഞദിവസം ആരംഭിച്ചു. മഴ തോര്‍ന്ന സാഹചര്യത്തില്‍ ടെന്‍ഡറിലെയും മറ്റും സാങ്കേതിക പ്രശ്‌നങ്ങള്‍ മൂലമുള്ള തടസ്സങ്ങള്‍ ഉണ്ടാകാതെയാണ് റോഡുപണി. റോഡ് നന്നാക്കാന്‍ പൊതുമരാമത്ത് വിഭാഗം ജില്ലയില്‍ 10 കോടി രൂപ ചെലവിടും. ദേശീയപാതാ വിഭാഗവും റോഡ് നന്നാക്കല്‍ ആരംഭിച്ചു. അടിയന്തര പരിഗണന നല്‍കി പണി ആരംഭിച്ചതായി ഉദ്യോഗസ്ഥര്‍ അറിയിച്ചു. ആവശ്യമായ ഫണ്ട് ഉടന്‍ ലഭ്യമാക്കാനാണ് നിര്‍ദ്ദേശം. ലഭിക്കുന്ന ടെന്‍ഡര്‍പരിശോധിച്ച് റോഡ് പണിക്ക് ഉടനടി നിര്‍ദ്ദേശം നല്‍കുകയാണെന്ന് പൊതുമരാമത്ത് വിഭാഗം അറിയിച്ചു. നടപടിക്രമങ്ങളിലെ കാലതാമസം പണിയെ ബാധിക്കരുതെന്നാണ് നിര്‍ദ്ദേശം. ടെന്‍ഡര്‍ നടപടികള്‍ പൂര്‍ത്തിയാക്കിയവയുടെ പണി അിയന്തരമായി ആരംഭിക്കുകയായിരുന്നു. ബാക്കി ടെന്‍ഡറുകളില്‍ വരും ദിവസങ്ങളില്‍ തീരുമാനമാകും. കഴിഞ്ഞദിവസം കൊല്ലം റസ്റ്റ് ഹൗസില്‍ റോഡ്‌സ് വിഭാഗത്തിന്റെ ഉന്നത ഉദ്യോഗസ്ഥരുടെ യോഗം ചേര്‍ന്നിരുന്നു. സ്ഥിതിഗതികള്‍ വിലയിരുത്തിയ യോഗം റോഡുകള്‍ ഉടനടി നന്നാക്കാന്‍ നിര്‍ദ്ദേശിച്ചു. രണ്ടുമാസമായി പെയ്ത മഴയില്‍ ജില്ലയിലെ മിക്ക റോഡുകളും തകര്‍ന്നു. ദേശീയപാതകളിലെയും പി. ഡബ്ല്യൂ.ഡി. റോഡുകളിലെയുമൊക്കെ അവസ്ഥ ഒന്നാണ്. മഴവെള്ളം കെട്ടിക്കിടന്ന കുഴികളില്‍ വാഹനങ്ങള്‍ വീണ് നിരവധിപേര്‍ക്ക് അപകടം ഉണ്ടായി. വെയില്‍വന്ന് വെള്ളം വറ്റിയപ്പോഴാണ് റോഡിലെ കുഴികളുടെ ആഴം അറിയാനായത്. ദേശീയപാതയില്‍ ഒരിക്കലും റോഡ് നേരെയാകാത്ത സ്ഥലമാണ് കല്ലുംതാഴത്ത് ബൈപ്പാസ് ചേരുന്നിടം. കവലമുതല്‍ പാര്‍ത്ഥാ തിയേറ്ററിന് മുന്നിലൂടെ സനാ ഓഡിറ്റോറിയത്തിനടുത്തുവരെയുള്ള ഭാഗത്ത് റോഡില്ലാത്ത അവസ്ഥയായിരുന്നു. ഇവിടുണ്ടാകുന്ന ഗതാഗതത്തിരക്കില്‍ വാഹനനിര രണ്ടാം കുറ്റിയിലേക്കും മൂന്നാം കുറ്റിയിലേക്കും നിങ്ങാറുണ്ട്. റോഡിലെ കുഴികള്‍ ജില്ലയില്‍ മിക്കയിടത്തും ഗതാഗതം താറുമാറാക്കി. മണിക്കൂറുകളാണ് ഇതുലമുണ്ടാകുന്ന ഗതാഗതക്കുരുക്ക്.
Other News in this section
പത്ത് രൂപ അധികം നല്കിയാല്‍ പമ്പാ സര്‍വ്വീസ് വിളിപ്പുറത്ത്‌
ചെങ്ങന്നൂര്‍: കെ.എസ്.ആര്‍.ടി.സി. ഡിപ്പോയില്‍ ശബരിമല തീര്‍ത്ഥാടകരുടെ സംഘങ്ങള്‍ക്ക് പമ്പാ സര്‍വ്വീസിന് 10 ദിവസം മുമ്പ് സീറ്റ് ബുക്കു ചെയ്യാം. കുറഞ്ഞത് 50 ടിക്കറ്റെങ്കിലും എടുത്തിരിക്കണം. ചെങ്ങന്നൂര്‍ ഡിപ്പോയുടെ 10 കി.മീറ്റര്‍ ചുറ്റളവില്‍ പറയുന്ന സ്ഥലത്ത് ബസ്സെത്തി ഈ തീര്‍ത്ഥാടകരെ കയറ്റി കൊണ്ടു പോകും. ഈ സേവനത്തിനായി ബുക്ക് ചെയ്യുന്നവര്‍ ഒരു ടിക്കറ്റിന് 10 രൂപ അധിക ചാര്‍ജ് ..
രക്തദാനത്തിന്റെ മഹത്ത്വം വിളിച്ചോതി സഹൃദയയിലെ വിദ്യാര്‍ത്ഥികള്‍
സുവിതസംഗമവും 100 അമ്മമാര്‍ക്ക് പെന്‍ഷനും
മാവേലിക്കര മേഖലയില്‍ 'ഞായറാഴ്ച ബാറുകള്‍' വ്യാപകമാകുന്നു
മഞ്ചേരി മെഡിക്കല്‍കോളേജ്: നന്നാക്കല്‍ പൂര്‍ത്തിയായപ്പോള്‍ പേ വാര്‍ഡില്‍നിന്ന് രോഗികള്‍ പുറത്ത്‌
വിദ്യാര്‍ഥിനിയെ അധ്യാപകന്‍ പീഡിപ്പിക്കാന്‍ ശ്രമിച്ചതായി പരാതി
അപകടക്കുഴിയില്‍ ചാടാതിരിക്കാന്‍ നാട്ടുകാര്‍ വക മുന്നറിയിപ്പ്‌

Latest news