TOP STORIES TODAY
  Jun 21, 2013
പ്രളയം: ഉത്തരാഖണ്ഡില്‍ കുടുങ്ങിയവരെ കണ്ടെത്താന്‍ ഗൂഗിളും

സമീപകാല ചരിത്രത്തില്‍ ഇന്ത്യ സാക്ഷിയായ ഏറ്റവും വലിയ പ്രളയദുരിതത്തില്‍പെട്ടവര്‍ക്ക് തുണയാകാന്‍ ഗൂഗിളിന്റെ ആപ്ലിക്കേഷനും. ഉത്തരാഖണ്ഡില്‍ മലയിടിഞ്ഞും റോഡ് തകര്‍ന്നും വിദൂര ഹിമാലയന്‍ മേഖലകളില്‍ കുടുങ്ങിയവര്‍ക്ക് ഗൂഗിളിന്റെ 'പേഴ്‌സണ്‍ ഫൈന്‍ഡര്‍ ആപ്ലിക്കേന്‍' ( Person Finder app ) ആണ് സഹായമാകുന്നത്.

കാണാതായവരുടെ വിവരങ്ങള്‍ ബന്ധുക്കള്‍ക്കും സുഹൃത്തുക്കള്‍ക്കും പങ്കുവെയ്ക്കാനും, ഒറ്റപ്പെട്ട മേഖലകളില്‍ അകപ്പെട്ടു പോയവര്‍ക്ക് തങ്ങളെവിടെയാണെന്ന് ബാഹ്യലോകത്തെ അറിയിക്കാനും ഈ ആപ്പ് അനുഗ്രഹമാവുകയാണ്. ഈ ആപ്ലിക്കേഷന്റെ സഹായത്തോടെ ഇതിനകം 150 പേരെ കണ്ടെത്താനായെന്നാണ് റിപ്പോര്‍ട്ട്.

രക്ഷാപ്രവര്‍ത്തനത്തില്‍ സഹായിക്കാന്‍ http://google.org/personfinder/2013-uttrakhand-floods/ എന്ന ഉത്തരാഖണ്ഡ് 'പേഴ്‌സണ്‍ ഫൈന്‍ഡര്‍' പേജും ഗൂഗിള്‍ തുറന്നിട്ടുണ്ട്. ആ പേജിലെത്തി വിവരങ്ങള്‍ ചേര്‍ക്കാനാകും.

ലോകത്തിന്റെ വിവിധ ഭാഗങ്ങളില്‍ പ്രകൃതിദുരന്തങ്ങളും ഭീകാരാക്രമണങ്ങളും ഉണ്ടായ വേളയില്‍ ഗൂഗിളിന്റെ ഈ ആപ്ലിക്കേഷന്‍ വലിയ സേവനം ചെയ്തിട്ടുണ്ട്. 2011 ല്‍ ജപ്പാനില്‍ 8.9 തീവ്രത രേഖപ്പെടുത്തിയ ഭൂകമ്പത്തിന്റെ ഭാഗമായി വന്‍ സുനാമി ദുരന്തമുണ്ടായപ്പോഴും, സമീപകാലത്ത് അമേരിക്കയില്‍ ബോസ്റ്റണ്‍ മാരത്താണ്‍ ബോംബിങിലും ഈ ആപ്ലിക്കേഷന്‍ തുണയ്‌ക്കെത്തി.

2010 ല്‍ ഹെയ്ത്തി ഭൂകമ്പത്തില്‍ ആയിരങ്ങള്‍ ദുരിതത്തില്‍പെട്ടപ്പോള്‍, അവരെ സഹായിക്കാനായി Google.org യുടെ ഗൂഗിള്‍ ക്രൈസിസ് റെസ്‌പോണ്‍സ് വിഭാഗമാണ് 'ഗൂഗിള്‍ പേഴ്‌സണ്‍ ഫൈന്‍ഡര്‍' എന്ന പദ്ധതി ആരംഭിച്ചത്. അതിന്റെ ഫലമായി രൂപപ്പെടുത്തിയതാണ് പേഴ്‌സണ്‍ ഫൈന്‍ഡര്‍ ആപ്ലിക്കേഷന്‍.
Other News in this section
അക് ബിര്‍ കൊക്കക്കോള അഥവാ വൈ ദിസ് കൊലവെറി ഡി...
വൈ ദിസ് കൊല വെറി ഡി... മൂന്നുവര്‍ഷം മുമ്പ് '3' എന്ന സിനിമക്കുവേണ്ടി തയ്യാറാക്കിയ ഗാനം സിനിമ പുറത്തിറങ്ങുന്നതിനു മുമ്പേ ഹിറ്റായി. തമിഴ് ഹീറോ ധനുഷ്, അദ്ദേഹത്തിന്റെ ഭാര്യയും സംവിധായികയുമായ ഐശ്വര്യ, ശ്രുതി ഹാസന്‍ തുടങ്ങിയവരുടെ സാന്നിധ്യത്തില്‍ സ്റ്റുഡിയോവില്‍ പാടി റെക്കോര്‍ഡു ചെയ്യുന്ന രംഗമാണ് ആ പാട്ട് കേള്‍ക്കുമ്പോള്‍ ഓര്‍മ്മ വരിക. നമ്മളെല്ലാം യൂട്യൂബില്‍ കണ്ട് ഷെയര്‍ ..
മരണത്തിലൂടെ എണ്‍പതുകാരി നല്‍കിയ വലിയസന്ദേശം
ചോദ്യം ചെയ്യുന്നവരെ പൂട്ടിയിടുന്നത് അനീതി- രൂപേഷിന്റെ മകള്‍
ആര്‍.എസ്.എസ്. മോഡല്‍ കുറുവടിയുമായി സി.പി.എം. വോളന്റിയര്‍സേന വരുന്നു
നേപ്പാളിനു മടുത്തു, ഇന്ത്യയില്‍ നിന്നുള്ള ചാനല്‍പ്പടയെ
ഉണ്ണിക്കുട്ടന്‍' ഇവിടെയുണ്ട് ; രക്ഷാപ്രവര്‍ത്തനത്തില്‍ കൈത്താങ്ങായി
തൃശ്ശൂര്‍ പൂരത്തില്‍ ആനകളെ ക്രൂരമായി പീഡിപ്പിച്ചു
'ആകാശ്' ഇനി കരസേനയുടെ കരുത്ത്‌
രൂപേഷ്: ക്രിക്കറ്റും ഫുട്‌ബോളും വിട്ട് മാവോവാദത്തിലേക്ക്

Latest news

- -

 

 

 

 

 

 

 

 

 

- -