TOP STORIES TODAY
  Jun 06, 2013
ആദിമമനുഷ്യര്‍ പുല്ല് തിന്നിരുന്നുവെന്ന് കണ്ടെത്തല്‍
ന്യൂയോര്‍ക്ക്: ആദിമ മനുഷ്യര്‍ തങ്ങളുടെ ഭക്ഷണം ഇലകള്‍ക്കും പഴവര്‍ഗങ്ങള്‍ക്കുമപ്പുറം വികസിപ്പിച്ചിരുന്നുവെന്ന് കണ്ടെത്തല്‍. ആഫ്രിക്കയില്‍ 34 ലക്ഷം വര്‍ഷങ്ങള്‍ക്കുമുമ്പ് ജീവിച്ചിരുന്ന മനുഷ്യന്റെ പൂര്‍വികരെന്ന് വിശ്വസിക്കപ്പെടുന്നവര്‍ പുല്ലും പുല്ലിനു സമാനമായ ചെടികളും ഭക്ഷിച്ചിരുന്നുവെന്നാണ് കണ്ടെത്തിയത്.

ഇവരുടെ പല്ലിലെ ഇനാമല്‍ സൂക്ഷ്മമായി പരിശോധിച്ചതില്‍ നിന്നാണ് ഇത് വ്യക്തമായത്. യു.എസ്സിലെ 'യൂണിവേഴ്‌സിറ്റി ഓഫ് ഉറ്റ'യിലെ ഗവേഷകന്‍ തുറെ സെര്‍ലിങ്ങും സംഘവുമാണ് പുതിയ കണ്ടുപിടിത്തം നടത്തിയത്. പുതിയ ഭക്ഷണസ്വഭാവങ്ങള്‍ ഉടലെടുത്തത് പുതിയ വാസസ്ഥലങ്ങള്‍ തേടുന്നതിലേക്ക് ഇവരെ നയിച്ചു.

ഇക്കാലത്ത് ജീവിച്ചിരുന്ന മനുഷ്യന്റെ പൂര്‍വികര്‍ കാട്ടിലെ മറ്റ് ജീവിവര്‍ഗങ്ങളുടെ ഭക്ഷണക്രമീകരണം തന്നെയാണ് പിന്തുടര്‍ന്നുപോന്നിരുന്നതെന്ന ഇതുവരെയുള്ള വിശ്വാസത്തെ സെര്‍ലിങ്ങും സംഘവും നിരാകരിക്കുകയാണ്. മനുഷ്യന്‍ എന്ന ജീവിവര്‍ഗത്തിന്റെ പൂര്‍വകാല മാറ്റങ്ങള്‍ കൂടുതല്‍ സൂക്ഷ്മമായും വ്യക്തമായും മനസ്സിലാക്കാന്‍ ഈ കണ്ടുപിടിത്തം സഹായിക്കുമെന്നാണ് കണക്കുകൂട്ടല്‍.
Other News in this section
ഭരത് ഭൂഷണ്‍ അന്റാര്‍ട്ടിക്കയിലേക്ക്; പിന്നെ തുറന്നെഴുതും
തിരുവനന്തപുരം: ചീഫ്‌സെക്രട്ടറിയുടെ പൊള്ളുന്ന കസേരയില്‍ നിന്ന് ഭരത് ഭൂഷണ്‍ പോകുന്നത് അന്റാര്‍ട്ടിക്കയിലെ കൊടും തണുപ്പിലേക്ക്. അതുകഴിഞ്ഞാല്‍ തുറന്നുപറച്ചിലിന്റെ ചൂടുള്ള ഒരു സര്‍വീസ് സ്റ്റോറിയുടെ പണിപ്പുരയിലേക്ക് കടക്കും. പാവപ്പെട്ട വിദ്യാര്‍ഥികളെ പഠിപ്പിക്കുക എന്നൊരു വലിയ ആഗ്രഹവും മനസ്സിലുണ്ട് - ശനിയാഴ്ച വിരമിച്ച അദ്ദേഹം 'മാതൃഭൂമി' യോട് പറഞ്ഞു. അന്റാര്‍ട്ടിക്കയിലെ ..

Latest news

Ad