OBITUARY
  May 23, 2013
കാര്‍ തോട്ടിലേക്ക് മറിഞ്ഞ് മൂന്നുപേര്‍ മരിച്ചു
തിരുവനന്തപുരം: വട്ടപ്പാറ കണക്കോട് പതിനാറാം കല്ലില്‍ സ്‌കോര്‍പ്പിയോ കാര്‍ നിയന്ത്രണം വിട്ട് തോട്ടിലേക്ക് മറിഞ്ഞ് ഒരു സ്ത്രീ അടക്കം മൂന്നുപേര്‍ മരിച്ചു. ആറുപേര്‍ക്ക് പരിക്കേറ്റിട്ടുണ്ട്.കാഞ്ഞിരംകുളം ഊറ്ററ ക്ഷേത്രത്തിന് സമീപം സത്യദേവന്റെ കുടുംബമായിരുന്നു കാറിലുണ്ടായിരുന്നത്.

തൃശ്ശൂരില്‍ ഇന്റര്‍വ്യൂ കഴിഞ്ഞ് മടങ്ങുകയായിരുന്നു ഇവര്‍.വ്യാഴാഴ്ച പുലര്‍ച്ചെ 2 മണിയോടെയാണ് അപകടം. ഒമ്പതുപേരാണ് കാറിലുണ്ടായിരുന്നത്. നെടുമങ്ങാട് ഫയര്‍ഫോഴ്‌സും വട്ടപ്പാറ പോലീസും സ്ഥലത്തെത്തി കാര്‍ വെട്ടിപ്പൊളിച്ചാണ് യാത്രക്കാരെ പുറത്തെടുത്തത്. പരിക്കേറ്റവര്‍ തിരുവനന്തപുരം മെഡിക്കല്‍കോളേജില്‍ ചികിത്സയിലാണ്.
Other News in this section
ഗൃഹനാഥന്‍ കിണറ്റില്‍വീണ് മരിച്ചു
എടപ്പാള്‍: മധ്യവയസ്‌കന്‍ വീട്ടുപറമ്പിലെ കിണറ്റില്‍ വീണുമരിച്ചു. വട്ടംകുളം ചേകന്നൂര്‍ അങ്ങാടിക്ക് സമീപമുള്ള കോട്ടായത്ത്് സുന്ദരന്‍ (വേലായുധന്‍55) ആണ് വ്യാഴാഴ്ച രാത്രി ആള്‍മറയില്ലാതെ കാടുമൂടിക്കിടന്ന കിണറ്റില്‍ വീണത്. രാത്രിയായിട്ടും ഇദ്ദേഹത്തെ കാണാത്തതിനേത്തുടര്‍ന്ന് ബന്ധുക്കള്‍ നടത്തിയ തിരച്ചിലില്‍ കിണറ്റില്‍ ചെരിപ്പുകള്‍ കണ്ടെത്തുകയായിരുന്നു. തുടര്‍ന്ന് ..

Latest news