TOP STORIES TODAY
  May 23, 2013
ഹെഡ്‌ലിയെയും റാണയെയും വിട്ടുകിട്ടാന്‍ ഇന്ത്യ ആവശ്യപ്പെട്ടേക്കും
വാഷിങ്ടണ്‍ : മുംബൈ ആക്രമണക്കേസില്‍ കുറ്റക്കാരാണെന്ന് കണ്ടെത്തിയ ഡേവിഡ് ഹെഡ്‌ലിയെയും തഹാവുര്‍ റാണയെയും വിട്ടുകിട്ടണമെന്ന് ഇന്ത്യ, അമേരിക്കയോട് ആവശ്യപ്പെട്ടേക്കും. തീവ്രവാദപ്രവര്‍ത്തനത്തിന് ശിക്ഷിക്കപ്പെട്ട് അമേരിക്കയിലാണ് ഇപ്പോള്‍ ഇരുവരുമുള്ളത്. അമേരിക്ക സന്ദര്‍ശിക്കുന്ന ആഭ്യന്തരമന്ത്രി സുശീല്‍കുമാര്‍ ഷിന്‍ഡെയുടെ നേതൃത്വത്തിലുള്ള സംഘമാണ് ഇതുസംബന്ധിച്ച ചര്‍ച്ചകള്‍ നടത്തുന്നത്.

എന്നാല്‍, ഇക്കാര്യത്തില്‍ ഇരുഭാഗത്തുനിന്നും ഔദ്യോഗികമായ അറിയിപ്പുകളൊന്നും ലഭിച്ചിട്ടില്ല. ഷിന്‍ഡെ, ഈ വിഷയം യു.എസ്. അറ്റോര്‍ണി ജനറല്‍ എറിക് ഹോള്‍ഡറുമായുള്ള ചര്‍ച്ചയില്‍ ഉന്നയിക്കുമെന്ന് അമേരിക്കന്‍സന്ദര്‍ശനം നടത്തുന്ന ഇന്ത്യന്‍സംഘത്തിലെ പ്രതിനിധി അറിയിച്ചു. ഇരുരാജ്യങ്ങള്‍ക്കിടയിലുമുള്ള തീവ്രവാദം സംബന്ധിച്ച കേസുകളും മറ്റുകാര്യങ്ങളും പരിഹരിക്കാന്‍ ഇരുഭാഗത്തെയും ആഭ്യന്തര മന്ത്രാലയങ്ങള്‍ ഒരുമിച്ച് പ്രവര്‍ത്തിക്കാമെന്ന് ചര്‍ച്ചയില്‍ ധാരണയായി.

ഹെഡ്‌ലിയെ ചോദ്യംചെയ്യാന്‍ ഇന്ത്യയ്ക്ക് അവസരം ലഭിച്ചിരുന്നെങ്കിലും റാണ, ഹെഡ്‌ലിയുടെ അമേരിക്കയിലുള്ള ഭാര്യ ഷാസിയ, അവരുടെ രണ്ട് പെണ്‍സുഹൃത്തുക്കള്‍ എന്നിവരെ ചോദ്യംചെയ്യാന്‍ അമേരിക്ക അനുവദിച്ചിരുന്നില്ല. ഇവരെയെല്ലാം ചോദ്യംചെയ്താല്‍ കൂടുതല്‍ വിവരങ്ങള്‍ പുറത്തുവരുമെന്നാണ് ഇന്ത്യ കരുതുന്നത്. എഫ്.ബി.ഐ. ഡയറക്ടര്‍ മുള്ളറുമായും ഷിന്‍ഡെ കൂടിക്കാഴ്ച നടത്തി. ഇന്ത്യന്‍ അന്വേഷണ ഏജന്‍സികളും യു.എസ്. കുറ്റാന്വേഷണ ഏജന്‍സികളുമായുള്ള ബന്ധം കൂടുതല്‍ മെച്ചപ്പെടുത്താന്‍ ചര്‍ച്ചയില്‍ ധാരണയായി.

നേരത്തേ, ഇന്ത്യ-അമേരിക്ക ആഭ്യന്തരസുരക്ഷാ ചര്‍ച്ച യില്‍ ഷിന്‍ഡെ നയിച്ച ഇന്ത്യന്‍സംഘം പങ്കെടുത്തു. ചര്‍ച്ചയില്‍ അമേരിക്കയെ നയിച്ചത് ആഭ്യന്തര സുരക്ഷാ സെക്രട്ടറി ജാനറ്റ് നാപൊളിറ്റാനോയാണ്. തീവ്രവാദപ്രവര്‍ത്തനങ്ങളെ സഹായിക്കുന്ന പശ്ചാത്തലസൗകര്യങ്ങള്‍ ഇല്ലാതാക്കാന്‍ മറ്റുരാജ്യങ്ങളോട് ഇരുവരും സംയുക്ത പ്രസ്താവനയില്‍ അഭ്യര്‍ഥിച്ചു.

Other News in this section
ബാര്‍ത്തലോമിയോ ക്രിസ്റ്റഫോറിനെ കുറിച്ച് ഗൂഗിള്‍ ഡൂഡിള്‍
ബാര്‍ത്തോലമീയോ ക്രിസ്റ്റഫോറി ആരാണെന്നറിയുന്നവര്‍ ചുരുക്കമായിരിക്കും പക്ഷേ അദ്ദേഹം ഈ ലോകത്തിന് സമ്മാനിച്ചത് എന്തെന്നറിയുമോ വിരല്‍ തുമ്പുകള്‍ പ്രണയം പാടുന്ന പിയാനോ.. ബാര്‍ത്തോലമീയോയുടെ 360ആം പിറന്നാളാണിന്ന് അനശ്വരനാകാനുള്ള മനുഷ്യന്റെ ആഗ്രഹമാണത്രേ യുദ്ധങ്ങളുണ്ടാക്കിയത്.. ചോരയില്‍ മുക്കിയെഴുതിയ ചരിത്രങ്ങള്‍ മാത്രമല്ല പക്ഷേ അനശ്വരമായി നിലനില്‍ക്കുക.. കരവാള്‍ ..
ഉണ്ണിക്കുട്ടന്‍' ഇവിടെയുണ്ട് ; രക്ഷാപ്രവര്‍ത്തനത്തില്‍ കൈത്താങ്ങായി
യാത്രാനുഭവങ്ങള്‍ പങ്കിട്ടും യാത്രകള്‍ സ്വപ്നം കണ്ടും മോഹന്‍ലാല്‍
വെള്ളി ആഭരണങ്ങളുടെ ശില്‍പ്പിക്ക് ആദരം
കുടിയേറ്റക്കാരിക്ക് നടുക്കടലില്‍ സുഖപ്രസവം
ഹലോ 'മിക്‌സ്'...സ്വാഗതം
സെറിബ്രല്‍ പാള്‍സിയിലും തളരേണ്ട; 'നടപ്പുസഹായി' തയ്യാര്‍
റോഡ് സുരക്ഷിതമാക്കാന്‍ പോലീസിന് വാട്‌സ്ആപ്പും
കോട്ടയത്ത് ഇനി ആകാശത്തേരിലേറാം...

Latest news

- -

 

 

 

 

 

 

 

 

 

- -