OBITUARY
  Apr 04, 2013
പയസ്വിനി നദിയില്‍ രണ്ടു വിദ്യാര്‍ഥിനികള്‍ മുങ്ങി മരിച്ചു
മംഗലാപുരം: പയസ്വിനി നദിയില്‍ അമ്മമാരോടൊപ്പം പോയ രണ്ടു വിദ്യാര്‍ഥിനികള്‍ മുങ്ങിമരിച്ചു. സംപാജെ വില്ലേജില്‍ ദൊഡഡ്കയിലാണ് അപകടം നടന്നത്. ദൊഡഡ്കയിലെ യൂനുസിന്റെയും അയിഷാമയുടേയും മകള്‍ നിഷാന (13), മുഹമ്മദിന്റെയും ഫാത്തിമയുടെയും മകള്‍ മൊയിനാസ് (12) എന്നിവരാണ് മരിച്ചത്.

അമ്മമാര്‍ നദിയില്‍ അലക്കിക്കൊണ്ടിരിക്കെ കുട്ടികള്‍ നദീതീരത്ത് കളിക്കുകയായിരുന്നു. അതിനിടെ ഇരുവരും കാല്‍ വഴുതി നദിയിലേക്ക് വീണു. അമ്മമാര്‍ നിലവിളിച്ച് ആളുകള്‍ ഓടിക്കൂടി. അവരാണ് കുറേ സമയത്തിനു ശേഷം മൃതദേഹങ്ങള്‍ മുങ്ങിയെടുത്തത്. മരിച്ച ഇരുവരും ദൊഡഡ്ക ഗവ. പ്രൈമറി സ്‌കൂള്‍ വിദ്യാര്‍ഥിനികളാണ്.
Other News in this section
ബസ്സില്‍നിന്ന് തെറിച്ചുവീണ് മരിച്ചു
കൊയിലാണ്ടി: ഓടിക്കൊണ്ടിരുന്ന ബസ്സില്‍നിന്ന് തെറിച്ചുവീണ് യാത്രക്കാരന്‍ മരിച്ചു. മേലൂര്‍ മുണ്ടാടത്ത് ലക്ഷ്മിനിവാസില്‍ സുരേഷ് ബാബു (49) ആണ് മരിച്ചത്. ബുധനാഴ്ച രാത്രി എട്ടുമണിയോടെ ചെങ്ങോട്ടുകാവ് മേല്‍പ്പാലത്തിന് സമീപത്താണ് സംഭവം. ഗതാഗതക്കുരുക്കായതിനാല്‍ ബസ്സില്‍നിന്ന് ഇറങ്ങിനിന്ന സുരേഷ് ബാബു ബസ് മുന്നോട്ടെടുത്തപ്പോള്‍ കയറാന്‍ ശ്രമിച്ചപ്പോള്‍ തെറിച്ചുവീണ് ..

Latest news