OBITUARY
  Apr 04, 2013
കൊടുവള്ളി ചെറുപുഴയില്‍ യുവാവ് മുങ്ങിമരിച്ചു
താമരശ്ശേരി: കൊടുവള്ളി കരുവന്‍പൊയിലിലെ ചെറുപുഴയില്‍ മണല്‍വാരിയതുമൂലം രൂപപ്പെട്ട കയത്തില്‍ യുവാവ് മുങ്ങിമരിച്ചു. കട്ടിപ്പാറ പഞ്ചായത്തിലെ ചമല്‍ പൂവന്‍മലയില്‍ മൊയ്തീന്‍കുട്ടിയുടെയും ആമിനയുടെയും മകന്‍ മിദ്‌ലാജ് (22) ആണ് മരിച്ചത്. പുഴയുടെ വെളുത്തേടത്ത് കടവില്‍ കുളിക്കാനിറങ്ങിയപ്പോഴായിരുന്നു അപകടം.കെട്ടിടനിര്‍മാണത്തൊഴിലാളിയായ മിദ്‌ലാജ് കരുവന്‍പൊയിലില്‍ പണികഴിഞ്ഞ് കൂട്ടുകാരോടൊപ്പം പുഴയില്‍ കുളിക്കുന്നതിനിടെ വെള്ളത്തില്‍ മുങ്ങിപ്പോവുകയായിരുന്നു.

കൂടെയുണ്ടായിരുന്നവരും നാട്ടുകാരുംചേര്‍ന്ന് ഉടന്‍ പുറത്തെടുത്ത് മെഡിക്കല്‍ കോളേജ് ആസ്പത്രിയിലെത്തിച്ചെങ്കിലും മരിച്ചു. ബുധനാഴ്ച ഉച്ചയ്ക്ക് രണ്ടരയോടെയായിരുന്നു സംഭവം. സഹോദരന്‍ മുസാഫിര്‍.

Latest news