TOP STORIES TODAY
  Apr 04, 2013
പാക് അതിര്‍ത്തി കടന്ന ബാലിക സമ്മാനങ്ങളുമായി തിരിച്ചെത്തി
ബിക്കാനേര്‍: അതിര്‍ത്തികടന്ന് പാകിസ്താനിലേക്കുപോയ പൂജയ്ക്ക് പാക് പട്ടാള മാമന്‍മാരുടെ വക പുതിയ ഉടുപ്പും ചെരിപ്പും മിഠായികളും. കുട്ടിയെ കണ്ടെത്താന്‍ ബി.എസ്.എഫും പാകിസ്താന്‍ അതിര്‍ത്തിസേനയും സഹകരിച്ചത് ഇരു രാജ്യങ്ങളും തമ്മില്‍ പുലര്‍ത്തേണ്ട സൗഹൃദത്തിന് മാതൃകയുമായി.

തിങ്കളാഴ്ച വൈകിട്ടാണ് രാജസ്ഥാനിലെ അതിര്‍ത്തി ഗ്രാമമായ ഖജുവാലയിലെ തന്റെ വീട്ടില്‍ നിന്ന് ഏഴുവയസ്സുകാരിയായ പൂജ പുറത്തിറങ്ങിപ്പോയത്; നടന്ന് ചെന്നെത്തിയത് പാകിസ്താനിലും. പൂജ അതിര്‍ത്തി കടന്നുപോയിരിക്കുമെന്ന സംശയത്തില്‍ അച്ഛന്‍ ബി.എസ്.എഫിനെ വിവരമറിയിച്ചു. കാല്‍പ്പാടുകള്‍ പിന്തുടര്‍ന്ന ബി.എസ്.എഫ്. ഇക്കാര്യം സ്ഥിരീകരിച്ചു. തുടര്‍ന്ന് പാകിസ്താന്റെ അതിര്‍ത്തിസേനയെ വിവരമറിയിച്ചു. കുട്ടിയെ കണ്ടെത്തിയ പാക് സേന നീല്‍കാന്ത് ചെക്‌പോസ്റ്റില്‍ വച്ച് ബി.എസ്.എഫിന് കൈമാറി.

അയല്‍രാജ്യത്തിന്റെ അതിര്‍ത്തി കാക്കുന്നവര്‍ നല്‍കിയ സമ്മാനങ്ങളുമായി പൂജ തിരിച്ചെത്തിയ സന്തോഷം പങ്കിടാന്‍ ഖജുവാല നിയമസഭാംഗം വിശ്വനാഥ് മേഘവാളും പഞ്ചായത്ത് പ്രസിഡന്‍റും നാട്ടുകാരും വീട്ടിലെത്തിയിരുന്നു.

Other News in this section
അശാന്തിയുടെ മണ്ണില്‍നിന്ന് അവര്‍ മടങ്ങിയെത്തി
നെടുമ്പാശ്ശേരി: കലാപഭൂമിയില്‍നിന്ന് ജീവനോടെ നാട്ടില്‍ മടങ്ങി എത്താനായതിന്റെ ആശ്വാസത്തിലാണ് ലിജോ ജോര്‍ജും ജേക്കബ് കോരയും റൂബന്‍ ജേക്കബ് ചാണ്ടിയും. അവിടത്തെ മലയാളികളുടെ ദുരിതം വിവരിക്കുമ്പോള്‍ ഇവരുടെ വാക്കുകള്‍ മുറിയുന്നു: ''യെമനിലെ സ്ഥിതി ഭീതിദമാണ്. ഓരോ ദിവസം കഴിയുന്തോറും കലാപം രൂക്ഷമായിക്കൊണ്ടിരിക്കുന്നു''. യെമനില്‍നിന്ന് തിങ്കളാഴ്ച രാവിലെയാണ് ഈരാറ്റുപേട്ട ..

Latest news

Ad