OBITUARY
  Mar 24, 2013
ലോറിക്കടിയില്‍ കിടന്നുറങ്ങിയ ഡ്രൈവര്‍ ലോറികയറി മരിച്ചു
മൂവാറ്റുപുഴ: ലോറിക്കടിയില്‍ കിടന്നുറങ്ങുകയായിരുന്ന മറ്റൊരു ലോറിയുടെ ഡ്രൈവര്‍ വണ്ടി പിന്നോട്ടെടുത്തപ്പോള്‍ ചക്രം തലയില്‍ കയറി മരിച്ചു. ഈറോഡ് വടപളനി വെസ്റ്റ് സ്ട്രീറ്റില്‍ ശെന്തില്‍കുമാര്‍ (44) ആണ് മരിച്ചത്.

വണ്ടിക്കടിയില്‍ ആള്‍ ഉറങ്ങിക്കിടന്നതറിയാതെ വാഹനമെടുത്തതാണ് അപകടത്തിനിടയായത്. മൂവാറ്റുപുഴ മുനിസിപ്പല്‍ മൈതാനിക്കകത്ത് പാര്‍ക്ക് ചെയ്തിരുന്ന ലോറിയാണ് അപകടത്തിനിടയാക്കിയത്. ശനിയാഴ്ച വൈകീട്ട് നാലിനായിരുന്നു അപകടം.

രാജസ്ഥാനില്‍ നിന്ന് ഓറഞ്ച് കയറ്റി വന്ന ശെന്തില്‍കുമാര്‍ ഇ.ഇ.സി. മാര്‍ക്കറ്റില്‍ ലോഡിറക്കിയശേഷം അടുത്തുള്ള മൈതാനിയില്‍ മറ്റൊരു ലോറിക്കടിയില്‍ വിശ്രമിക്കുകയായിരുന്നു. ശെന്തില്‍കുമാറിന്റെ ലോറിയില്‍ പൈനാപ്പിള്‍ കയറ്റുകയായിരുന്നു ഈ സമയം. തണലത്ത് കിടന്ന ലോറിക്കടിയില്‍ സെന്തില്‍കുമാര്‍ കിടന്നത് ഡ്രൈവര്‍ അറിഞ്ഞില്ല.

മൂവാറ്റുപുഴ പോലീസ് ലോറി കസ്റ്റഡിയിലെടുത്തു. മൃതദേഹം മൂവാറ്റുപുഴ താലൂക്കാസ്പത്രി മോര്‍ച്ചറിയില്‍.
Other News in this section
ബൈക്കപകടത്തില്‍ പരിക്കേറ്റ ഒരാള്‍കൂടി മരിച്ചു
ഉളിക്കല്‍: നെല്ലിക്കാംപൊയില്‍ വളവില്‍ ടിപ്പര്‍ ലോറിയും ബൈക്കും കൂട്ടിയിടിച്ചുണ്ടായ അപകടത്തില്‍ പരിക്കേറ്റ് ചികിത്സയിലായിരുന്നു ഒരു യുവാവുകൂടി മരിച്ചു. നെല്ലിക്കാംപൊയില്‍ ഏഴൂര്‍ പാറയ്ക്കലിലെ കാരിക്കൂട്ടത്തില്‍ രഞ്ജിത്ത് (സൂര്യന്‍28) ആണ് മരിച്ചത്. കഴിഞ്ഞ ചൊവ്വാഴ്ചമുതല്‍ രഞ്ജിത്ത് പരിയാരം മെഡിക്കല്‍ കോളേജ് ആസ്പത്രിയില്‍ ചികിത്സയിലായിരുന്നു. അപകടത്തില്‍ സുഹൃത്ത് ..

Latest news