OBITUARY
  Mar 24, 2013
ലോറിയും കാറും കൂട്ടിയിടിച്ച് സഹോദരങ്ങളടക്കം മൂന്നുപേര്‍ മരിച്ചു
കായംകുളം: ദേശീയപാതയില്‍ രാമപുരത്ത് ലോറിയും കാറും കൂട്ടിയിടിച്ച് കാറിലുണ്ടായിരുന്ന സഹോദരങ്ങളടക്കം മൂന്നുപേര്‍മരിച്ചു. ഒരാളെ ഗുരുതര പരുക്കുകളോടെ ആശുപത്രിയില്‍ പ്രവേശിപ്പിച്ചു.

കൊല്ലം ശക്തികുളങ്ങര കവറാട്ട് കിഴക്കതില്‍ സുനില്‍കുമാര്‍(44) സഹോദരി കൊല്ലം വള്ളിക്കീഴ് കൈരളി നഗര്‍-141-ല്‍ ആസാദിന്റെ ഭാര്യ ഷീല(48), സുനില്‍കുമാറിന്റെ ഭാര്യാസഹോദരന്‍ ചവറ പുതുക്കാട് ഭദ്രാലയത്തില്‍ വിശ്വഭദ്രന്‍(35) എന്നിവരാണ് മരിച്ചത്.

സുനിലിന്റെ മറ്റൊരു സഹോദരി കൊല്ലം മുളങ്കാടകം നാണിയില്‍ ഹരിഹരന്റെ ഭാര്യ ഷീജ(40) യെയാണ് ഗുരുതര പരിക്കുകളോടെ എറണാകുളത്തെ സ്വകാര്യ ആശുപത്രിയില്‍ പ്രവേശിപ്പിച്ചത്.

എറണാകുളത്തെ സ്വകാര്യ ആശുപത്രിയില്‍ ചികിത്സയില്‍ കഴിയുന്ന ആസാദിനെ കാണാന്‍ പോകുമ്പോള്‍ ശനിയാഴ്ച രാവിലെ 7 നായിരുന്നു അപകടം. ഗ്യാസ് സിലിന്‍ഡറുമായി കൊല്ലത്തേക്കു പോകുകയായിരുന്ന ലോറി കാറിലിടിക്കുകയായിരുന്നു. ലോറിയുടെ ഡ്രൈവര്‍ ഉറങ്ങിപ്പോയതാണ് അപകടത്തിന് കാരണമെന്ന് പോലീസ് പറഞ്ഞു.

ലോറിയില്‍നിന്നിറങ്ങിയോടി കരീലക്കുളങ്ങര സ്‌റ്റേഷനില്‍ കീഴടങ്ങിയ ലോറിഡ്രൈവര്‍ പുനലൂര്‍ ഇളമ്പല്‍ മുകുളുവിളയില്‍ ഷിജു തന്നെയാണ് ഇക്കാര്യം പോലീസിനോട് പറഞ്ഞത്.

അപകടത്തില്‍ പൂര്‍ണമായും തകര്‍ന്ന കാറിനുള്ളില്‍ കുടുങ്ങിക്കിടന്നവരെ നാട്ടുകാരും ഫയര്‍ഫോഴ്‌സും പോലീസും ചേര്‍ന്ന് കാര്‍ വെട്ടിപ്പൊളിച്ചാണ് പുറത്തെടുത്തത്. വിശ്വഭദ്രനും സുനില്‍കുമാറും സംഭവസ്ഥലത്തു തന്നെ മരിച്ചു. ആശുപത്രിയിലേക്കു കൊണ്ടുപോകുംവഴിയാണ് ഷീല മരിച്ചത്.

വെളുപ്പിന് അഞ്ചുമണിയോടെ കൊല്ലത്തുനിന്ന് യാത്ര തിരിച്ച അമ്മയും ബന്ധുക്കളും എവിടെയെത്തിയെന്നറിയാന്‍ ഷീലയുടെ മക്കള്‍ ഫോണ്‍ വിളിച്ചിരുന്നു. മൊബൈല്‍ ഫോണ്‍ എടുത്ത പോലീസ് അപകടവിവരമാണ് മക്കളെ അറിയിച്ചത്.

ഷീലയുടെ മക്കള്‍. ആഷിക്ക്, അഖില്‍. സുനില്‍ കുമാറിന്റെ ഭാര്യ.സീന.

ലോറി ഡ്രൈവര്‍ ഷിജുവിനെ പോലീസ് അറസ്റ്റു ചെയ്തു.



Other News in this section
മുണ്ടേരിക്കടവില്‍ ഒഴുക്കില്‍പ്പെട്ട് രണ്ട് യുവാക്കള്‍ മരിച്ചു
ചക്കരക്കല്‍(കണ്ണൂര്‍): മുണ്ടേരിക്കടവില്‍ പുഴയില്‍ മീന്‍പിടിക്കാനിറങ്ങിയ രണ്ട് യുവാക്കള്‍ ഒഴുക്കില്‍പ്പെട്ട് മരിച്ചു.ചേലേരി ദാലില്‍ പള്ളിക്ക് സമീപം കോവുമ്മല്‍ മുഹമ്മദ് ഹാജിയുടെ മകന്‍ മുത്തലിബ്(28), മൊട്ടക്കല്‍ ഹൗസില്‍ ഇബ്രാഹിമിന്റെ മകന്‍ യു.കെ.ഇസ്മയില്‍(26) എന്നിവരാണ് മരിച്ചത്. ശനിയാഴ്ച വൈകിട്ട് മൂന്നിനാണ് സംഭവം. ഇരുവരും മുണ്ടേരിക്കടവ് പാലത്തിന് സമീപത്ത് പുഴയില്‍ ..

Latest news