TOP STORIES TODAY
  Mar 24, 2013
'ഹാങ്ങിങ് ബോട്ടില്‍ ഗാര്‍ഡനു'മായി തോമസ്

കല്പറ്റ: തൂങ്ങിക്കിടക്കുന്ന പൂന്തോട്ടവും പഴവര്‍ഗ ചെടികളുമായി പുത്തൂര്‍ വയലിലെ പുളിക്കായത്ത് പി.വി. തോമസ് ശ്രദ്ധേയനാവുന്നു. 'ഹാങ്ങിങ് ബോട്ടില്‍ ഗാര്‍ഡന്‍' എന്ന് തോമസ് വിളിക്കുന്നതാണ് ഈ പൂന്തോട്ടം.

സ്‌ട്രോബറി, പഴങ്ങള്‍, പത്തുമണിച്ചെടി, പുതിന എന്നിങ്ങനെ എന്തും കുപ്പിയില്‍ കൃഷിചെയ്യാമെന്ന് ഇതിനകം തോമസ് തെളിയിച്ചുകഴിഞ്ഞു. ഇലച്ചെടികളായ ഏതിനവും ഇതില്‍ നടാമെന്നതാണ് പ്രത്യേകത.

പാഴായ കുപ്പികളാണ് ഇതിന് ഉപയോഗിക്കുന്നത്. കൊക്കോകിറ്റും വെര്‍മികമ്പോസ്റ്റും കുപ്പികളില്‍ നിറച്ചശേഷം ചെടികള്‍ നടന്നു. സാധാരണ മണ്ണില്‍ നടുന്നതില്‍നിന്ന് വളരെ വേഗത്തില്‍ ഇത് വളരും. പഴയ അല്പം വലിപ്പമുള്ള കുപ്പിയും ചകിരിച്ചോറും മാത്രമാണ് വേണ്ടത്. ചാണകം ആവശ്യമെങ്കില്‍ ഇടാം. എന്നാല്‍, മണ്ണ് ഉപയോഗിക്കരുത്.

ഒരു കുപ്പിയുടെ താഴെ മറ്റൊന്നെന്ന രീതിയില്‍ തൂക്കിയിട്ടാണ് 'പൂന്തോട്ടം' നിര്‍മിച്ചിട്ടുള്ളത്. ഇതുകൊണ്ടുള്ള ഒരു ഗുണം ഏറ്റവും മുകളിലത്തെ കുപ്പിയില്‍ വെള്ളം ഒഴിച്ചാല്‍ മതി എന്നതാണ്. മറ്റുള്ളതിലേക്ക് വെള്ളം തനിയെ എത്തും. ജലനഷ്ടം ഒഴിവാക്കാന്‍ സാധിക്കുകയും ചെയ്യും. 12 കുപ്പികളാണ് തുടക്കമെന്ന നിലയില്‍ തോമസ് 'പൂന്തോട്ട' മാക്കിയിട്ടുള്ളത്. ഇത് വിജയമായ സ്ഥിതിക്ക് കൂടുതല്‍ കുപ്പികള്‍ ഉപയോഗിക്കാനുള്ള ശ്രമത്തിലാണ്.

വിവിധ തരം ചെടികളും പഴവര്‍ഗങ്ങളും ഈ പരീക്ഷണത്തിന് ഉപയോഗിക്കാനും തോമസ് ആലോചിക്കുന്നു. ടെറസ്സിന്റെ മുകളില്‍ നിന്നും തൂക്കിയിടാനും കര്‍ട്ടനുപകരം ഉപയോഗിക്കാനും അലങ്കാര ചെടികള്‍ ഇങ്ങനെ ചെയ്താല്‍ സാധിക്കും. ഇതിനുപുറമേ നിരവധി പച്ചക്കറികളും കാപ്പി, കവുങ്ങ്, തെങ്ങ്, ഏലം എന്നിങ്ങനെ വൈവിധ്യമായ കൃഷികളും തോമസിന്റെ തോട്ടത്തിലുണ്ട്. എമു, താറാവ്, കോഴി എന്നിവയും ഇദ്ദേഹത്തിന്റെ ഫാമില്‍ വളരുന്നു.
Other News in this section
വീണ്ടും ചിയേഴ്‌സ്...
കൊച്ചി: ഒരു സ്വപ്‌നം പോലെയായിരുന്നു. വിശ്വസിക്കാന്‍ പലര്‍ക്കും ആദ്യം കഴിഞ്ഞില്ല. ടി.വി.യില്‍ വന്ന വാര്‍ത്ത പലവട്ടം നോക്കി. കേള്‍ക്കുന്നത് സത്യമോയെന്നായി പലരും. കേട്ടതും കണ്ടതും സത്യമെന്ന പരമാര്‍ഥം മനസ്സിലാക്കിയവരില്‍ ആഹ്ലാദവും ആവേശവും ഒരുമിച്ച് കുടിയേറിയ കാഴ്ചയായിരുന്നു പിന്നീട്. കേട്ടപാതി ബാറുകള്‍ക്ക് മുന്നിലേക്ക് ഓടിയവരുമുണ്ട്. മണിക്കൂറുകള്‍ ബിവറേജസിന്റെ ..
പട്ടം സെന്റ്‌മേരീസില്‍ 100 ഇരട്ടക്കുട്ടികളുടെ അപൂര്‍വ സംഗമം
കേരരക്ഷയ്ക്ക് സഞ്ചരിക്കുന്ന ആസ്പത്രിയുമായി തങ്കച്ചന്‍
ബഹിരാകാശത്തേക്ക് മനുഷ്യന്‍; ഐ.എസ്.ആര്‍.ഒ. ദൗത്യം ഡിസംബറില്‍ തുടങ്ങുംം
നിക്ക് ആകാശത്തിലൂടെ നടക്കും, ഇത്തവണ കണ്ണുകെട്ടി
വിദ്യാര്‍ഥികളുടെ ചെണ്ടുമല്ലി പൂവിട്ടു; തുക കൂട്ടുകാരുടെ ചികിത്സക്ക്‌
മുഖ്യമന്ത്രി ഇടപെട്ടു; മോഹനനും കുടുംബത്തിനും സഹായമായി

Latest news