TOP STORIES TODAY
  Mar 24, 2013
കൃഷിപ്പണിക്ക് ആളെക്കിട്ടാന്‍ അലയണ്ട; ഹരിതസേന സഹായത്തിനെത്തും

തൊടുപുഴ: കൃഷിപ്പണികള്‍ക്ക് ആളെ കിട്ടുന്നില്ല. അമിതകൂലി വാങ്ങുന്നു എന്നിങ്ങനെയുള്ള കര്‍ഷകരുടെ പരാതികള്‍ക്ക് പരിഹാരമാകുന്നു. കര്‍ഷകരെ സഹായിക്കാന്‍ ഇനി മുതല്‍ ഹരിതസേനാംഗങ്ങള്‍ കൃഷിയിടങ്ങളിലേക്കിറങ്ങുന്നു. കാര്‍ഷികമേഖലയുമായി ബന്ധപ്പെട്ട് എല്ലാ ജോലികളും ഇവര്‍ ചെയ്യും. കൂലി നിശ്ചയിക്കുന്നത് ബ്‌ളോക്ക് പഞ്ചായത്ത് നേതൃത്വത്തിലുള്ള കമ്മിറ്റി. കൂലിപ്പണം ട്രഷറിയിലാണ് അടയ്‌ക്കേണ്ടത്.ഇതിനായി മണ്ണുത്തി കാര്‍ഷിക സര്‍വ്വകലാശാലയുടെ നേതൃത്വത്തില്‍ 15 പേര്‍ക്ക് 20 ദിവസത്തെ പരിശീലനമാണ് നല്‍കുന്നത്. ഇവര്‍ ഇനിയും മറ്റുള്ളവര്‍ക്ക് പരിശീലനം നല്‍കും. സംസ്ഥാന കൃഷിവകുപ്പിന്റെ കീഴില്‍ ആവിഷ്‌ക്കരിച്ച അഗ്രോ സര്‍വ്വീസ് സെന്ററിന്റെ ഭാഗമായാണ് ഹരിതസേന എന്നിറിയപ്പെടുന്ന സംഘം പ്രവര്‍ത്തന സജ്ജമാകുന്നത്.ട്രാക്ടര്‍, ട്രില്ലര്‍ തുടങ്ങി കാടുവെട്ടുന്ന യന്ത്രംവരെ ഉള്‍പ്പെടുന്ന നാല്‍പ്പതോളം കാര്‍ഷികയന്ത്രങ്ങളുടെ പിന്‍ബലത്തോടെയാണ് ഹരിതസേന പ്രവര്‍ത്തിക്കുന്നത്. ഇവര്‍ക്ക് നിശ്ചിത കേന്ദ്രങ്ങളുണ്ടാവും. കൃഷിപ്പണിക്ക് ഇവരെ ആവശ്യമുള്ളവര്‍ കേന്ദ്രത്തിലെത്തി ബുക്ക് ചെയ്യണം.

തരിശുകിടക്കുന്ന സ്ഥലങ്ങള്‍ ഉള്‍പ്പെടെ നിലം ഒരുക്കല്‍, വിതയ്ക്കല്‍, നടീല്‍ തുടങ്ങി വിളവെടുപ്പുവരെ ഇവര്‍ ചെയ്യും. 32 ലക്ഷം രൂപയാണ് ഒരു സര്‍വ്വീസ്‌സെന്ററിന്റെ ചെലവ്. ഇതില്‍ 25 ലക്ഷം രൂപയും കാര്‍ഷിക യന്ത്രങ്ങള്‍ വാങ്ങാന്‍ വിനിയോഗിക്കും. 20 ദിവസം നീളുന്ന പരിശീലനത്തില്‍ കാര്‍ഷിക യന്ത്രങ്ങളുടെ വിനിയോഗം, പ്രവര്‍ത്തിപ്പിക്കാന്‍ പഠിപ്പിക്കല്‍, നടീല്‍ രീതികള്‍, വിളവെടുപ്പ്, സംഭരണം, സംസ്‌കരണം എന്നിവ ഉള്‍പ്പെടുത്തിയിട്ടുണ്ട്.ഇടുക്കി ജില്ലയില്‍ രണ്ട് സെന്ററുകളാണ് ഇപ്പോള്‍ അനുവദിച്ചിരിക്കുന്നത്. ഇതില്‍ തൊടുപുഴ ബ്‌ളോക്ക് പഞ്ചായത്തിന്റെ കീഴിലുള്ള സെന്ററാണ് ഇപ്പോള്‍ സജ്ജമായിരിക്കുന്നത്.തൊടുപുഴ ഗ്രീന്‍ ഫോഴ്‌സിന്റെ പാസ്സിങ്ങ് ഔട്ട് പരേഡില്‍ തൊടുപുഴ ബ്‌ളോക്ക് പഞ്ചായത്ത് പ്രസിഡന്റ് ലീലാമ്മ ജോസ് സല്യൂട്ട് സ്വീകരിച്ചു. ഗ്രാമപ്പഞ്ചായത്ത് പ്രസിഡന്റ് പി.എസ്.ജേക്കബ് അധ്യക്ഷത വഹിച്ചു. ജിമ്മി മറ്റത്തിപ്പാറ, ആന്റണി കണ്ടിരിക്കല്‍ എന്നിവര്‍ പ്രസംഗിച്ചു.
Other News in this section
മുളഭംഗിയില്‍ മനംമയങ്ങി ഉദ്യാനനഗരം
ബെംഗളൂരു: മുളയ്ക്ക് ഇത്രയും ഭംഗിയുണ്ടോ...? മുളയുടെ വിവിധഭാഗങ്ങള് ഉപയോഗിച്ച് തീര്ത്ത കരകൗശലവസ്തുക്കളില്‍ കണ്ണുടക്കുമ്പോള് ആരും ഇങ്ങനെ ചിന്തിച്ചു പോകും. ശാന്തി നഗറിലെ ശാന്തിറോഡ് സ്റ്റുഡിയോ ഗാലറിയില് ആരംഭിച്ച മുള കൊണ്ടുള്ള കരകൗശല ഉത്പന്നങ്ങളുടെ പ്രദര്ശനവിപണന മേളയ്ക്ക് കാലികപ്രസക്തി കൂടിയുണ്ട്. ഗ്രീന് സിറ്റിയെന്ന വിളിപ്പേരുള്ള ബാംഗ്ലൂരിലെ പ്രകൃതിയോടിണങ്ങിയ ..
'സാന്ത്വന'ത്തിന് മാജിതയുടെ കൂട്ട്; നവദമ്പതിമാര്‍ക്ക് അനുഗ്രഹവുമായി നാട്‌
കള്ളന് മനം മാറ്റം: ഉസ്താദിന് ബൈക്ക് തിരികെ കിട്ടി, ക്ഷമാപണക്കത്തോടെ
അടുക്കളമാലിന്യം; ആശങ്ക ഒഴിവാക്കാം, വരുന്നു... വി.പി.യുടെ ബയോകമ്പോസ്റ്റ് ബിന്‍
ടാക്‌സിയില്‍ അന്ധരെത്തേടി കെന്നഡി; വഴിയില്‍ ഉപേക്ഷിക്കുന്ന കാഴ്ചയില്ലാത്തവര്‍ക്കും ഇനി തോഴന്‍
ആകാശവാണി മലയാള വാര്‍ത്തകള്‍ ഇനി എസ്.എം.എസ്. വഴിയും
ധ്രുവഗവേഷണ കപ്പല്‍ ഇന്ത്യ സ്വന്തമാക്കുന്നു

Latest news