OBITUARY
  Jan 31, 2013
മത്സ്യത്തൊഴിലാളി കുഴഞ്ഞുവീണുമരിച്ചു
ചാവക്കാട്: കടലില്‍ മത്സ്യബന്ധനത്തില്‍ ഏര്‍പ്പെട്ടിരിക്കെ മത്സ്യത്തൊഴിലാളി കുഴഞ്ഞുവീണു മരിച്ചു. കന്യാകുമാരി വാണിയംകുടി സ്വദേശി പരേതനായ ലീനയ്യയുടെ മകന്‍ ആന്റണി (44)യാണ് മരിച്ചത്. ചൊവ്വാഴ്ച രാത്രി വൈപ്പിന്‍ സ്വദേശി സുരേഷിന്റെ അര്‍ഷിത ബോട്ടില്‍ വൈപ്പിനില്‍നിന്ന് കടലില്‍ പോയതായിരുന്നു. ഏറെ ദൂരം സഞ്ചരിച്ച് കടലില്‍ വല വലിച്ചുകൊണ്ടിരിക്കെ തളര്‍ച്ചയനുഭവപ്പെട്ട ആന്റണിയെ സഹപ്രവര്‍ത്തകര്‍ കരക്കെത്തിക്കുകയായിരുന്നു. ബ്ലാങ്ങാട് തീരത്ത് എത്തിയ ഇവരെ എടക്കഴിയൂര്‍ ലൈഫ്‌കെയര്‍ പ്രവര്‍ത്തകര്‍ ചാവക്കാട് മുതുവട്ടൂരിലെ ആസ്പത്രിയില്‍ എത്തിച്ചെങ്കിലും മരിച്ചു. മരണം സ്ഥിരീകരിച്ചതിനെ തുടര്‍ന്ന് ബോട്ട് കൊച്ചിയിലേക്ക് മടങ്ങി. നാട്ടിലായിരുന്ന ആന്റണി ഇന്നലെയാണ് തിരിച്ച് ജോലിയില്‍ പ്രവേശിച്ചത്. ഭാര്യ: കല. മക്കള്‍; വിബിന്‍, ആര്‍ത്തി, അരുണ്‍.
Other News in this section
അമേരിക്കയില്‍ മലയാളിസഹപ്രവര്‍ത്തകയെ വെടിവച്ചുകൊന്ന് തീക്കോയി സ്വദേശി ജീവനൊടുക്കി
ഈരാറ്റുപേട്ട: അമേരിക്കയിലെ ഹൂസ്റ്റണില്‍ ബെന്‍ ടോബ് ജനറല്‍ ഹോസ്പിറ്റലിലെ ഫാര്‍മസി ജീവനക്കാരനായ തീക്കോയി സ്വദേശി ഒപ്പം ജോലിചെയ്തിരുന്ന മലയാളിയുവതിയെ വെടിവച്ചുകൊന്ന ശേഷം സ്വയം വെടിവച്ച് ജീവനൊടുക്കി. ഈരാറ്റുപേട്ട തീക്കോയി സ്വദേശി ജോര്‍ജ് തോമസ് വള്ളിക്കാപ്പില്‍(58) ആണ് കൂടെ ജോലിചെയ്യുന്ന ഫാര്‍മസിസ്റ്റായ റീന അജിത് കോശിയെ(38) വെടിവച്ചുകൊന്നത്. ബുധനാഴ്ച ഉച്ചകഴിഞ്ഞായിരുന്നു ..

Latest news