OBITUARY
  Jan 22, 2013
പൊഴിക്കരയില്‍ കാണാതായ യുവാവിന്റെ മൃതദേഹം കണ്ടെത്തി
പാറശ്ശാല: പൂവാര്‍ പൊഴിക്കരയില്‍ കുളിക്കാനിറങ്ങിയപ്പോള്‍ കാണാതായ യുവാവിന്റെ മൃതദേഹം തിങ്കളാഴ്ച കണ്ടെത്തി.
കൊല്ലങ്കോട് കണ്ണനാകം പനവിള നങ്കയത്തുവീട്ടില്‍ രവീന്ദ്രന്‍ നായരുടെയും ലളിതകുമാരിയുടെയും മകന്‍ രതീഷ്‌കുമാര്‍ (23) ആണ് മരിച്ചത്. ഞായറാഴ്ച ഉച്ചയ്ക്ക് പൊഴിക്കരയില്‍ കുളിക്കാനെത്തിയ ആറംഗസംഘത്തില്‍ നിന്ന് രതീഷ്‌കുമാറിനെ കാണാതായിരുന്നു. കാണാതായ മറ്റൊരാളെ വിവരമറിഞ്ഞെത്തിയ മത്സ്യതൊഴിലാളികള്‍ രക്ഷപ്പെടുത്തി.

സ്ഥലത്തെത്തിയ ഫയര്‍ഫോഴ്‌സ് സംഘം ആഴമേറിയ സ്ഥലത്ത് തിരച്ചില്‍ നടത്താന്‍ പ്രയാസപ്പെട്ടിരുന്നു. തുടര്‍ന്ന് നാട്ടുകാരും മത്സ്യത്തൊഴിലാളികളും ചേര്‍ന്ന സംഘമാണ് തിരച്ചില്‍ നടത്തിയത്. തിങ്കളാഴ്ച രാവിലെ മൃതദേഹം കണ്ടെത്തി. പാറശ്ശാല താലൂക്ക് ആസ്പത്രിയില്‍ പോസ്റ്റുമോര്‍ട്ടത്തിനുശേഷം മൃതദേഹം ബന്ധുക്കള്‍ക്ക് വിട്ടുകൊടുത്തു.

എന്‍ജിനീയറിങ് പൂര്‍ത്തിയാക്കിയ രതീഷ് കാട്ടാക്കടയില്‍ ഒരു സ്വകാര്യസ്ഥാപനത്തില്‍ ജോലിനോക്കി വരുകയായിരുന്നു. പൊഴിക്കരയില്‍ മൂന്നുമാസങ്ങള്‍ക്കുമുന്‍പ് നടന്ന അപകടത്തില്‍ രണ്ട് എന്‍ജിനീയറിങ് വിദ്യാര്‍ഥികള്‍ മുങ്ങിമരിച്ചിരുന്നു. അതേ സ്ഥലത്താണ് ഇപ്പോഴും ദുരന്തമുണ്ടായത്. മണലെടുത്ത വന്‍കുഴികളാണ് അപകടകാരണമായത്.
Other News in this section
ഭര്‍ത്താവിന്റെ ശവസംസ്‌കാരത്തിന് പിന്നാലെ ഭാര്യയും മരിച്ചു
മുതുകുളം: മൂന്നുദിവസം മുമ്പ് മരിച്ച ഭര്‍ത്താവിന്റെ ശവസംസ്‌കാരത്തിന് പിന്നാലെ ഭാര്യയും മരിച്ചു. ചിങ്ങോലി മുല്ലശ്ശേരില്‍ (ചക്കന്‍കണ്ടത്തില്‍) ഗംഗാധരന്‍ (68), ഭാര്യ രമണി (55) എന്നിവരാണ് മരിച്ചത്. വിമുക്തഭടനായ ഗംഗാധരന്‍ തിങ്കളാഴ്ച ഉച്ചയ്ക്ക് രണ്ടുമണിയോടെയാണ് മരിച്ചത്. ശവസംസ്‌കാരം വ്യാഴാഴ്ച 11ന് വീട്ടുവളപ്പില്‍ നടന്നു. ഇതിന് പിന്നാലെ രമണിയെ അസുഖത്തെ തുടര്‍ന്ന് തിരുവല്ലയിലെ ..

Latest news