OBITUARY
  Dec 23, 2012
ബൈക്കപകടത്തില്‍ എന്‍ജിനീയറിങ് വിദ്യാര്‍ത്ഥി മരിച്ചു
കൊച്ചി: ബൈക്ക് പോസ്റ്റിലിടിച്ച് എന്‍ജിനീയറിങ് വിദ്യാര്‍ത്ഥി മരിച്ചു. അരൂര്‍ കൊറ്റിലക്കാട്ട് വീട്ടില്‍ റെനിയുടെ മകന്‍ തരുണ്‍ (18) ആണ് മരിച്ചത്. കൂടെയുണ്ടായിരുന്ന സുഹൃത്ത് പരിക്കേല്‍ക്കാതെ രക്ഷപ്പെട്ടു. ശനിയാഴ്ച പുലര്‍ച്ചെ മൂന്നരയോടെ രവിപുരത്ത് വച്ചായിരുന്നു അപകടം. സേലം എ. എം. ഐ എന്‍ജിനീയറിങ് കോളേജിലെ ഒന്നാം വര്‍ഷ വിദ്യാര്‍ത്ഥിയായ തരുണ്‍ ക്രിസ്മസ് അവധിക്ക് നാട്ടിലേക്ക് വരും വഴിയാണ് അപകടത്തില്‍പ്പെട്ടത്. എറണാകുളത്ത് ട്രെയിനില്‍ വന്നിറങ്ങിയശേഷം സുഹൃത്തിനൊപ്പം ബൈക്കില്‍ വീട്ടിലേക്ക് പോകുകയായിരുന്നു. ഇവര്‍ സഞ്ചരിച്ചിരുന്ന ബൈക്ക് നിയന്ത്രണം വിട്ട് പോസ്റ്റില്‍ ഇടിക്കുകയായിരുന്നെന്ന് സിറ്റി ട്രാഫിക് പോലീസ് പറഞ്ഞു. നിഷയാണ് തരുണിന്റെ അമ്മ. സഹോദരി തനു.
Other News in this section
കാറും ലോറിയും കൂട്ടിയിടിച്ച് യുവതി മരിച്ചു
സുല്‍ത്താന്‍ബത്തേരി: കാറും ടിപ്പര്‍ ലോറിയും കൂട്ടിയിടിച്ച് യുവതി മരിച്ചു. ഭര്‍ത്താവിന് ഗുരുതരമായി പരിക്കേറ്റു.ബത്തേരി വിനായക ആസ്പത്രിയിലെ ഫാര്‍മസിസ്റ്റ് പഴേരി പുളിക്കല്‍ അലവിയുടെ ഭാര്യ റസിയ (22) ആണ് മരിച്ചത്. കാറോടിച്ചിരുന്ന ഭര്‍ത്താവ് അലവി (25) യെ കോഴിക്കോട് ആസ്പത്രിയില്‍ പ്രവേശിപ്പിച്ചു. ബുധനാഴ്ച രാവിലെ 6.30ന് ബത്തേരിക്കടുത്ത് ദൊട്ടപ്പന്‍കുളത്താണ് അപകടം. ദൊട്ടപ്പന്‍കുളത്തെ ..

Latest news