OBITUARY
  Dec 23, 2012
വൈദ്യുത പോസ്റ്റില്‍ കയറിയ തൊഴിലാളി ഷോക്കേറ്റ് മരിച്ചു
മണര്‍കാട്:വൈദ്യുത പോസ്റ്റില്‍ അറ്റകുറ്റപ്പണിക്ക് കയറിയ തൊഴിലാളി വൈദ്യുതാഘാതമേറ്റ് തല്‍ക്ഷണം മരിച്ചു.
പുതുപ്പള്ളി റബ്ബര്‍ബോര്‍ഡ് ഭാഗം പട്ടശ്ശേരില്‍ തമ്പിയുടെ മകന്‍ അനീഷ് പി.തമ്പി(28) ആണ് മരിച്ചത്. ശനിയാഴ്ച രാവിലെ പത്തരയോടെ മണര്‍കാട് കണിയാംകുന്നിന് സമീപമായിരുന്നു അപകടം. വൈദ്യുതിബന്ധം വിച്ഛേദിച്ചശേഷം പോസ്റ്റില്‍ കയറി അറ്റകുറ്റപ്പണി നടത്തുന്നതിനിടെ ഷോക്കടിക്കുകയായിരുന്നു. ഉടന്‍തന്നെ നാട്ടുകാര്‍ ചേര്‍ന്ന് മണര്‍കാട് സെന്‍റ് മേരീസ് ആസ്പത്രിയിലെത്തിച്ചെങ്കിലും രക്ഷിക്കാനായില്ല. പാമ്പാടി, കോട്ടയം എന്നിവിടങ്ങളില്‍നിന്ന് അഗ്‌നിശമനസേനയും മണര്‍കാട് പോലീസും സംഭവസ്ഥലത്തെത്തിയിരുന്നു. അപകടത്തെക്കുറിച്ച് പോലീസ് ഇലക്ട്രിക്കല്‍ ഇന്‍സ്‌പെക്ടറിന്റെ റിപ്പോര്‍ട്ട് ആവശ്യപ്പെട്ടു. രണ്ടുമാസം മുമ്പായിരുന്നു അനീഷിന്റെ വിവാഹം. അമ്മ: മണിയമ്മ. ഭാര്യ: പിങ്കി. തുമ്പേന്‍പറമ്പില്‍ കൊല്ലാട്. ശവസംസ്‌കാരം ഞായറാഴ്ച 12ന് വീട്ടുവളപ്പില്‍.
Other News in this section
അയല്‍വീട്ടില്‍നിന്ന് വെള്ളമെടുക്കുന്നതിനെച്ചൊല്ലി തര്‍ക്കം: യുവാവ് കുത്തേറ്റുമരിച്ചു
ആലക്കോട്: അയല്‍വാസിയുടെ വീട്ടുവളപ്പില്‍നിന്ന് വെള്ളമെടുക്കുന്നതിനെ ച്ചൊല്ലിയുണ്ടായ തര്‍ക്കത്തില്‍ യുവാവ് കുത്തേറ്റുമരിച്ചു. ആലക്കോട് തിമിരിക്കടുത്ത ചെക്കിച്ചേരി വയലിലെ കളപ്പുഴക്കാട്ട് രാജന്റെയും ശശികലയുടെയും മകന്‍ ശരത്കുമാര്‍ (27)ആണ് മരിച്ചത്. കോടോപ്പള്ളിയിലെ നന്ദനം റബ്ബര്‍ നഴ്‌സറി ഉടമയാണ് രാജന്‍. അയല്‍വാസി പുത്തന്‍പുരയില്‍ ജോസഫ് എന്ന ജോസിനെതിരെ പോലീസ് ..

Latest news

Ad