OBITUARY
  Nov 28, 2012
റവലൂഷണറി നേതാവ് കുഞ്ഞിരാമന്‍ അന്തരിച്ചു
വടകര: അവിഭക്ത കമ്യൂണിസ്റ്റ് പാര്‍ട്ടിയുടെ ഒഞ്ചിയം മേഖലയിലെ സജീവ സംഘാടകനും റവലൂഷണറി മാര്‍ക്‌സിസ്റ്റ് പാര്‍ട്ടിയുടെ തലമുതിര്‍ന്ന നേതാക്കളിലൊരാളുമായ വള്ളിക്കാടിലെ തയ്യിക്കുനിയില്‍ കുഞ്ഞിരാമന്‍ (കുഞ്ഞാട്ടന്‍-85) അന്തരിച്ചു. ബാലസംഘത്തിലൂടെ 14-ാം വയസ്സില്‍ രാഷ്ട്രീയപ്രവര്‍ത്തനം തുടങ്ങിയ ഇദ്ദേഹം അവിഭക്ത കമ്യൂണിസ്റ്റ് പാര്‍ട്ടിയുടെ വടകരമണ്ഡലം അംഗമായിരുന്നു. മുട്ടുങ്ങല്‍ വില്ലേജ് സെക്രട്ടറിയുമായി. പുഞ്ചപ്പാലത്തിനുസമീപത്തെ ഇദ്ദേഹത്തിന്റെ വീട്ടില്‍ പി. കൃഷ്ണപിള്ള ഒളിവില്‍ താമസിച്ചപ്പോള്‍ എല്ലാ സഹായവും ചെയ്ത് ഒളിവില്‍ കഴിയവേ കൃഷ്ണപിള്ള എഴുതിയ ലേഖനങ്ങള്‍ ദേശാഭിമാനിയിലെത്തിയത് ഇദ്ദേഹം വഴിയാണ്.

1949-ല്‍ കമ്യൂണിസ്റ്റ് പാര്‍ട്ടി നിരോധിക്കപ്പെട്ടപ്പോള്‍ അറസ്റ്റിലായി. ജയിലില്‍ മര്‍ദനത്തിനുമിരയായി.ഒഞ്ചിയത്ത് റവലൂഷണറി രൂപവത്കരിച്ച കാലം മുതല്‍ അതിന്റെ സജീവ പ്രവര്‍ത്തകനാണ്. ടി.പി. ചന്ദ്രശേഖരനുമായി അടുത്തബന്ധം പുലര്‍ത്തിയിരുന്നു. ഭാര്യ: ദേവി. മക്കള്‍: പ്രേമന്‍, പ്രമോദ്, പ്രസീത, പ്രസാദ്. മരുമകന്‍: അശോകന്‍. ശവസംസ്‌കാരം ബുധനാഴ്ച 12-ന് വീട്ടുവളപ്പില്‍.
Other News in this section
ഛായാഗ്രാഹകന്‍ അശോക് കുമാര്‍ അന്തരിച്ചു
ചെന്നൈ: തെന്നിന്ത്യന്‍ സിനിമയിലെ പ്രമുഖ ഛായാഗ്രാഹകന്‍ അശോക് കുമാര്‍ (70) ചെന്നൈയില്‍ അന്തരിച്ചു. ഏതാനും മാസങ്ങളായി രോഗബാധിതനായിരുന്നു.ഉത്തരേന്ത്യയില്‍ വേരുകളുള്ള അശോക് കുമാര്‍ അഗര്‍വാള്‍ മലയാളം ഉള്‍പ്പെടെ വിവിധ ഭാഷകളിലായി നൂറിലേറെ ചിത്രങ്ങളില്‍ ഛായാഗ്രാഹകനായി പ്രവര്‍ത്തിച്ചിട്ടുണ്ട്. 'നെഞ്ചത്തെ കിള്ളാതെ' എന്ന തമിഴ് ചലച്ചിത്രത്തിലെ ഛായാഗ്രഹണത്തിന് 1980-ല്‍ ദേശീയ ..
യുവാവിന്റെ മൃതദേഹം തെങ്ങില്‍ കെട്ടിയിട്ട നിലയില്‍
കത്തിക്കുത്തില്‍ സി.പി.എം. നേതാവിന്റെ ഡ്രൈവര്‍ മരിച്ചു
തിളച്ച മോരുകറിയില്‍ വീണ് പൊള്ളലേറ്റ യുവാവ് മരിച്ചു
തെങ്ങില്‍ കയറിയ ആള്‍ തേനീച്ചയുടെ കുത്തേറ്റ് മരിച്ചു
വിജയ്യുടെ ഫ്ലൂക്‌സ്‌ബോര്‍ഡില്‍ പാലഭിഷേകം നടത്തിയ യുവാവ് കാല്‍വഴുതി വീണ് മരിച്ചു

Latest news