OBITUARY
  Nov 28, 2012
റവലൂഷണറി നേതാവ് കുഞ്ഞിരാമന്‍ അന്തരിച്ചു
വടകര: അവിഭക്ത കമ്യൂണിസ്റ്റ് പാര്‍ട്ടിയുടെ ഒഞ്ചിയം മേഖലയിലെ സജീവ സംഘാടകനും റവലൂഷണറി മാര്‍ക്‌സിസ്റ്റ് പാര്‍ട്ടിയുടെ തലമുതിര്‍ന്ന നേതാക്കളിലൊരാളുമായ വള്ളിക്കാടിലെ തയ്യിക്കുനിയില്‍ കുഞ്ഞിരാമന്‍ (കുഞ്ഞാട്ടന്‍-85) അന്തരിച്ചു. ബാലസംഘത്തിലൂടെ 14-ാം വയസ്സില്‍ രാഷ്ട്രീയപ്രവര്‍ത്തനം തുടങ്ങിയ ഇദ്ദേഹം അവിഭക്ത കമ്യൂണിസ്റ്റ് പാര്‍ട്ടിയുടെ വടകരമണ്ഡലം അംഗമായിരുന്നു. മുട്ടുങ്ങല്‍ വില്ലേജ് സെക്രട്ടറിയുമായി. പുഞ്ചപ്പാലത്തിനുസമീപത്തെ ഇദ്ദേഹത്തിന്റെ വീട്ടില്‍ പി. കൃഷ്ണപിള്ള ഒളിവില്‍ താമസിച്ചപ്പോള്‍ എല്ലാ സഹായവും ചെയ്ത് ഒളിവില്‍ കഴിയവേ കൃഷ്ണപിള്ള എഴുതിയ ലേഖനങ്ങള്‍ ദേശാഭിമാനിയിലെത്തിയത് ഇദ്ദേഹം വഴിയാണ്.

1949-ല്‍ കമ്യൂണിസ്റ്റ് പാര്‍ട്ടി നിരോധിക്കപ്പെട്ടപ്പോള്‍ അറസ്റ്റിലായി. ജയിലില്‍ മര്‍ദനത്തിനുമിരയായി.ഒഞ്ചിയത്ത് റവലൂഷണറി രൂപവത്കരിച്ച കാലം മുതല്‍ അതിന്റെ സജീവ പ്രവര്‍ത്തകനാണ്. ടി.പി. ചന്ദ്രശേഖരനുമായി അടുത്തബന്ധം പുലര്‍ത്തിയിരുന്നു. ഭാര്യ: ദേവി. മക്കള്‍: പ്രേമന്‍, പ്രമോദ്, പ്രസീത, പ്രസാദ്. മരുമകന്‍: അശോകന്‍. ശവസംസ്‌കാരം ബുധനാഴ്ച 12-ന് വീട്ടുവളപ്പില്‍.
Other News in this section
എം.ബി.ബി.എസ് വിദ്യാര്‍ഥിനി ട്രെയിനില്‍ നിന്ന് വീണ് മരിച്ചു
കരുവാരകുണ്ട്: വിവാഹനിശ്ചയം കഴിഞ്ഞ എം.ബി.ബി.എസ് വിദ്യാര്‍ഥിനി തീവണ്ടിയില്‍നിന്ന് വീണ് മരിച്ചു. കരുവാരകുണ്ട് ഭവനംപറമ്പിലെ അമൃത ഭവനില്‍ ഡോ. രാമകൃഷ്ണന്റെ മകള്‍ അമൃത (27) ആണ് ബംഗളുരുവിനടുത്ത റായ്ച്ചൂരില്‍ അപകടത്തില്‍ മരിച്ചത്. റായ്ച്ചൂര്‍ സ്‌റ്റേഷനില്‍ തിങ്കളാഴ്ച പുലര്‍ച്ചെ തീവണ്ടി ഇറങ്ങുന്നതിനിടെ കാല്‍വഴുതി പ്ലാറ്റ്‌ഫോമിനും തീവണ്ടിക്കുമിടയില്‍ വീഴുകയായിരുന്നു. അപകടസ്ഥലത്തുതന്നെ ..
നിര്‍മ്മാണത്തിലിരിക്കുന്ന കെട്ടിടത്തില്‍നിന്നുവീണ് ജോലിക്കാരന്‍ മരിച്ചു
പാമ്പുകടിയേറ്റ് ചികിത്സയിലായിരുന്ന വിദ്യാര്‍ത്ഥി മരിച്ചു
തൊട്ടില്‍ക്കയറില്‍ കുരുങ്ങി വിദ്യാര്‍ഥിനി മരിച്ചു
നഴ്‌സിങ് വിദ്യാര്‍ഥിനിയെ ഹോസ്റ്റലില്‍ മരിച്ച നിലയില്‍ കണ്ടെത്തി
മത്സ്യവില്‍പ്പനക്കാരന്‍ മിനിലോറിയിടിച്ച് മരിച്ചു

Latest news