OBITUARY
  Nov 28, 2012
മൈസൂരില്‍ മലയാളിയുവാവ് മരിച്ചു
മൈസൂര്‍: കുടുംബത്തോടൊപ്പം നഗരത്തില്‍ വിനോദസഞ്ചാരത്തിനെത്തിയ കോഴിക്കോട് സ്വദേശിയായ യുവാവ് ലോഡ്ജ് മുറിയില്‍ മരിച്ചു. പേരാമ്പ്ര ആക്കുക്കണ്ടി വീട്ടില്‍ കുട്ട്യാലിയുടെയും ആമിനയുടെയും മകനായ എ.കെ. സാജു (35) ആണ് മരിച്ചത്.

ഒരാഴ്ചമുമ്പ് ഗള്‍ഫില്‍നിന്നെത്തിയ സാജുവും കുടുംബവും തിങ്കളാഴ്ചയാണ് മൈസൂരിലെത്തിയത്. ചൊവ്വാഴ്ച രാവിലെ വിളിച്ചിട്ടും എഴുന്നേല്‍ക്കാതെ വന്നപ്പോള്‍ ലോഡ്ജിലെ ജീവനക്കാരും ബന്ധുക്കളും ചേര്‍ന്ന് ആസ്പത്രിയിലെത്തിച്ചെങ്കിലും മരിച്ചിരുന്നു. ഹൃദയാഘാതമാണ് മരണകാരണമെന്ന് കരുതുന്നു. കേരള മുസ്‌ലിം ജമാ അത്ത് പള്ളിയില്‍ നടന്ന മരണാനന്തരചടങ്ങുകള്‍ക്കുശേഷം മൃതദേഹം നാട്ടിലേക്ക് കൊണ്ടുപോയി. ഫര്‍ക്കീനയാണ് ഭാര്യ.
Other News in this section
കെ.സി. കിടങ്ങൂര്‍ അന്തരിച്ചു
അങ്കമാലി: സ്വാതന്ത്ര്യസമര സേനാനിയും ആദ്യകാല രാഷ്ട്രീയ പ്രവര്‍ത്തകനും സാഹിത്യകാരനുമായ കെ.സി. കിടങ്ങൂര്‍ (അഗസ്റ്റിന്‍-83) അന്തരിച്ചു. രണ്ടുവര്‍ഷമായി കാന്‍സര്‍ രോഗത്തെത്തുടര്‍ന്ന് ചികിത്സയിലായിരുന്നു. തിങ്കളാഴ്ച ഉച്ചയ്ക്ക് 12.30 ന് അങ്കമാലി ലിറ്റില്‍ഫ്ലൂവര്‍ ആസ്പത്രിയിലായിരുന്നു അന്ത്യം. വിമോചന സമരത്തിന് നേതൃത്വം നല്‍കിയ നേതാക്കളിലൊരാളാണ്. 150-ഓളം ട്രേഡ് യൂണിയനുകള്‍ക്ക് ..

Latest news