OBITUARY
  Nov 28, 2012
തൃശ്ശൂര്‍ റൗണ്ടില്‍ ബൈക്കില്‍ ബസ്സിടിച്ച് യുവതി മരിച്ചു
തൃശ്ശൂര്‍: സ്വരാജ് റൗണ്ടില്‍ നായ്ക്കനാലില്‍ അമിതവേഗത്തില്‍ വന്ന ബസ് ബൈക്കിലിടിച്ച് ഭര്‍ത്താവിനൊപ്പം സഞ്ചരിച്ച യുവതി മരിച്ചു. മണ്ണത്ത് ലെയിനില്‍ ഉഷാ നിവാസില്‍ രാജേഷിന്റെ ഭാര്യ അനിത (30)യാണ് മരിച്ചത്.

ചൊവ്വാഴ്ച രാവിലെ 9.40 ഓടെയായിരുന്നു അപകടം. ചേര്‍പ്പ് റൂട്ടില്‍ ഓടുന്ന വടക്കുംനാഥന്‍ ബസ്സാണ് ബൈക്ക് യാത്രക്കാരെ ഇടിച്ചത്. ബൈക്ക് ഓടിച്ച രാജേഷിന് കൈയ്ക്കും കാലിനും പരിക്കുണ്ട്. രണ്ടാം ക്ലാസുകാരനായ മകനെ സ്‌കൂളില്‍ വിട്ട് ക്ഷേത്ര ദര്‍ശനത്തിന് പോകുമ്പോഴായിരുന്നു അപകടം. റോഡില്‍ ചോരയില്‍ കുളിച്ചു കിടന്ന അനിതയെ നാട്ടുകാരും മറ്റുയാത്രക്കാരും ചേര്‍ന്ന് ആസ്പത്രിയിലെത്തിച്ചെങ്കിലും മരിച്ചു. അപകടമുണ്ടാക്കിയ ബസ്സിലെ ഡ്രൈവറും മറ്റു ജീവനക്കാരും ഓടി രക്ഷപ്പെട്ടു. ട്രാഫിക് പോലീസ് സ്ഥലത്തെത്തിയാണ് ബസ് മാറ്റിയത്. മെഡിക്കല്‍കോളേജില്‍ പോസ്റ്റുമോര്‍ട്ടം നടത്തിയ മൃതദേഹം വൈകിട്ടോടെ വീട്ടിലെത്തിച്ചു. ബസ് ജീവനക്കാര്‍ക്കെതിരെ പോലീസ് കേസെടുത്തിട്ടുണ്ട്. രാഹുല്‍ (7) ഏകമകനാണ്.
Other News in this section
മീറ്റിനിടെ പോലീസുകാരന്‍ കുഴഞ്ഞുവീണു മരിച്ചു
തൃശ്ശൂര്‍: പോലീസ് മീറ്റിനിടെ സിവില്‍ പോലീസ് ഓഫീസര്‍ കുഴഞ്ഞുവീണ് മരിച്ചു. എറണാകുളം വൈപ്പിന്‍ ഓച്ചന്തുരുത്ത്് സ്വദേശി വേണാട്ട് ഹൗസില്‍ സേവ്യറിന്റെ മകന്‍ ജോര്‍ജ്ജ് (29) ആണ് മരിച്ചത്. തൃശ്ശൂര്‍ കെ.എ.പി. ഒന്നാം ബറ്റാലിയനിലെ സിവില്‍ പോലീസ് ഓഫീസറാണ് ജോര്‍ജ്ജ് . ചൊവ്വാഴ്ച രാവിലെ 8.15നാണ് സംഭവം. രാമവര്‍മ്മപുരം പോലീസ് അക്കാദമി ഗ്രൗണ്ടില്‍ നടന്ന 10000 മീറ്റര്‍ നടത്തമത്സരത്തില്‍ ..

Latest news