ജപ്പാന്റെ നാടുവാഴിക്കാലത്തെ പോരാളികളുടെ വംശത്തില്‍ പെട്ടവരാണ് സാമുരായികളും നിഞ്ചകളും. രാജകീയ ഭടന്മാരുടെ അന്തസ്സും ആഭിജാത്യവുമുള്ളവരായിരുന്നു സാമുരായികള്‍ പക്ഷേ ഇരുട്ടിന്റെ മറവില്‍ കൊലപാതകങ്ങള്‍ നടത്തുന്നവരും രഹസ്യാന്വേഷണങ്ങള്‍ നടത്തുന്നവരുമായിരുന്നു നിഞ്ചകള്‍. ജപ്പാനിലെ ആയോധനമുറകള്‍ പരിപൂര്‍ണ്ണമായി സ്വായത്തമാക്കുന്ന നിഞ്ചകള്‍ കണ്ണുകളൊഴികെയുള്ള ശരീരഭഗങ്ങള്‍ മറച്ചാണ് പ്രവൃത്തികളിലേര്‍പ്പെടുക. ചാരപ്രവൃത്തിക്ക് പുറമേ കൊലപാതകത്തിനും യുദ്ധത്തിനും വാള്‍പ്പയറ്റിലും നിഞ്ചകള്‍ പ്രഗല്‍ഭരാണ്. നിഞ്ചകളുടെ ജീവിതം പ്രമേയമാക്കി ഒട്ടേറെ സിനിമകളും നോവലുകളും പുറത്തുവന്നിട്ടുണ്ട്. കട്ടാന എന്ന വാളും യുമി എന്ന അമ്പും ബോഹിയ എന്ന തീതുപ്പുന്ന വില്ലും ഷാരുഖേന്‍ എന്ന പേരിട്ട് വിളിക്കുന്ന വ്യത്യസ്തമായ വാളുമുള്ള ഇവര്‍ ആയുധങ്ങള്‍ കൊള്ളാതിരിക്കുന്നതിനായി പടച്ചട്ട ധരിക്കുന്നു. തങ്ങളുടെ അറിവും വൈദഗ്ദ്ധ്യവും പിന്‍തലമുറക്ക് വാമൊഴിയായാണ് ഇവര്‍ പകര്‍ന്നുനല്‍കുന്നത്. ജപ്പാനില്‍ നിഞ്ചകളുടെ യുഗം അവസാനിക്കുകയാണെന്നാണ് പുതിയ വിവരം. വിരലിലെണ്ണാവുന്ന നിഞ്ചകള്‍ മാത്രമേ അവശേഷിക്കുന്നുവുള്ളൂവെന്ന് പഠനങ്ങള്‍ കാണിക്കുന്നു. ജിനിച്ചി കാവാക്കാമി ജപ്പാനിലെ തലമുതിര്‍ന്ന നിഞ്ചകളിലൊരാളാണ്. തങ്ങളുടെ ജീവിതരീതിയെക്കുറിച്ചും ആയോധനതന്ത്രങ്ങളെക്കുറിച്ചും ജിനിച്ചി കാവാക്കാമി പറയുന്നത് വായിക്കുവാന്‍ ഇവിടെ ക്ലിക് ചെയ്യുക.