ചടയമംഗലം:പനി ബാധിച്ച് ചികിത്സയിലായിരുന്ന രണ്ടുപേര്‍ മരിച്ചു. വയയ്ക്കല്‍ കുഴിവിളവീട്ടില്‍ രാധാകൃഷ്ണന്‍പിള്ളയുടെ ഭാര്യ സിന്ധു (30), കാരാളിക്കോണം സദിലുദ്ദീന്‍ മന്‍സിലില്‍ പരേതനായ അബുസാലിബിന്റെയും ജമീലാബീവിയുടെയും മകന്‍ അബൂബക്കര്‍ (27) എന്നിവരാണ് മരിച്ചത്. സിന്ധുവിനെ ആദ്യം വയയ്ക്കലിലെ സ്വകാര്യ ആസ്പത്രിയിലും പിന്നീട് തിരുവനന്തപുരം മെഡിക്കല്‍ കോളേജ് ആസ്പത്രിയിലും പ്രവേശിപ്പിച്ചെങ്കിലും തിങ്കളാഴ്ച രാത്രി മരിച്ചു. മക്കള്‍:രാഹുല്‍, ഉജ്ജ്വല. കാരാളിക്കോണത്ത് മരിച്ച അബൂബക്കര്‍ അവിവാഹിതനാണ്. പത്തുദിവസം തിരുവനന്തപുരം മെഡിക്കല്‍ കോളേജില്‍ ചികിത്സയിലായിരുന്നെങ്കിലും തിങ്കളാഴ്ച ഉച്ചയോടെ മരിച്ചു.