NETPICK
  Oct 22, 2012
പാകിസ്താനെ മാറ്റിയ പെണ്‍കുട്ടി?

മുസ്ലിങ്ങളുടെ പേരിലാണ് പാകിസ്താന്‍ പിറന്നതെങ്കിലും അതിന്റെ രാഷ്ട്രപിതാവായ മുഹമ്മദ് അലി ജിന്ന ആ നാട് ഒരു മതേതര രാഷ്ട്രമാകണമെന്നാണ് ആഗ്രഹിച്ചത്. സ്വാതന്ത്ര്യം കിട്ടി ആറ് പതിറ്റാണ്ട് കഴിഞ്ഞപ്പോഴേക്കും പാകിസ്താന്‍ ഇസ്ലാമിക രാഷ്ട്രമായെന്നു മാത്രമല്ല ഇസ്ലാമിക ഭീകരവാദത്തിന്റെ വിളനിലം കൂടിയായി മാറി. മതപരമായ അസഹിഷ്ണുതയുടെയും തീവ്രവാദത്തിന്റെയും പേരില്‍ നല്ലവരും നിരപരാധികളുമായവര്‍ കൊല്ലപ്പെടുന്നത് പാകിസ്താനില്‍ ഇന്ന് അപൂര്‍വമല്ല. മതനിന്ദയുടെ പേരില്‍ വധശിക്ഷയ്ക്ക് വിധിക്കപ്പെട്ട ഒരു ക്രിസ്ത്യനി സ്ത്രീയ്ക്ക് നീതി നല്‍കണമെന്ന് ആവശ്യപ്പെട്ടതിന്റെ പേരില്‍ പഞ്ചാബ് ഗവര്‍ണര്‍ സല്‍മാന്‍ തസീറിനെ തീവ്രവാദികള്‍ വെടിവെച്ചുകൊന്നത് കഴിഞ്ഞ വര്‍ഷം ജനവരിയിലാണ്. ഏതാനും ആഴ്ചകള്‍ക്ക് മുമ്പ് സ്വാത്ത് താഴ്‌വരയിലെ മലാല യൂസഫ്‌സായ് എന്ന 15 കാരി വധശ്രമത്തിനിരയായത് താലിബാന്റെ വിദ്യാഭ്യാസ വിരുദ്ധപ്രവര്‍ത്തനങ്ങളെ വിമര്‍ശിച്ച് ബ്ലോഗ് എഴുതിയതിനാണ്. എന്നാല്‍ ഗവര്‍ണര്‍ തസീറിന്റെ വധത്തിന് ഉയര്‍ത്താന്‍ കഴിയായതിരുന്ന ജനരോഷം മലാലയുടെ വധശ്രമം സൃഷ്ടിച്ചു. മലാല പാകിസ്താന്റെ സ്വഭാവം മാറ്റിയ പെണ്‍കുട്ടിയായി മാറുമോ? സല്‍മാന്‍ തസീറിന്റെ പുത്രി ഷെഹര്‍ബനോ തസീര്‍ ന്യൂസ്-വീക്കിലെഴുതിയ ഈ ലേഖനം വായിച്ചുനോക്കു.

രണ്ടു വര്‍ഷം മുമ്പ് ന്യൂയോര്‍ക്ക് ടൈംസ് ലേഖകന്‍ ആഡം എല്ലിക്ക് മലാലയെ പറ്റി തയ്യാറാക്കിയ ഡോക്യുമെന്ററിയില്‍ നിന്നും ഹ്രസ്വഭാഗം കാണാന്‍ ഇവിടെ ക്ലിക്ക് ചെയ്യുക.
Other News in this section
ഒമ്പത് ചുംബനങ്ങള്‍
അമ്മയെ തല്ലിയാല്‍ എന്നതുപോലെത്തന്നെ ചുംബനത്തെ പറ്റിയും രണ്ടുണ്ട് പക്ഷം. അമ്മയുടെ ചുംബനമേല്‍ക്കുന്ന കുഞ്ഞിനും പ്രിയതമയുടെ ചുംബനമേല്‍ക്കുന്ന കാമുകനും അത് അനിര്‍വചനീയമായ അനുഭൂതിയാണ്. പക്ഷേ, മദ്ധ്യവയസ്സിലെത്തിയ ദമ്പതികള്‍ പരസ്പരം നെറ്റിയിലോ മറ്റോ പരസ്യമായി ചുംബിക്കുന്നത് കണ്ടാല്‍ വിളറി പിടിക്കുന്ന സദാചാരവാനരന്മാര്‍ക്ക് ഈ അനുഭൂതിയെന്താണെന്ന് ഒരിക്കലും മനസ്സിലാകാത്തതിന് ..
ഒമ്പത് ചുംബനങ്ങള്‍
എനിക്ക് ബ്രാ വെറുപ്പാണ്‌
ഇന്ത്യന്‍ മുസ്ലീങ്ങള്‍ ഭീകരര്‍ ആവില്ല
ഡബ്ലിയു ടി ഒ യോട് എന്തിനീ ദ്രോഹം?
അമേരിക്കയിലെ കഞ്ചാവ് വ്യവസായം
കഴിഞ്ഞ മാസത്തെ ശാസ്ത്ര ചിത്രങ്ങള്‍
നമ്മുടെ പത്രധര്‍മം,അമേരിക്കന്‍ മുഖപ്രസംഗം
പ്രകൃതിദുരന്തങ്ങളും പെണ്‍പേരുകളും
സോവിയറ്റ് യൂനിയന്‍ തകര്‍ന്നത് ഇങ്ങനെ

Latest news