ചെന്നൈ ആസ്ഥാനമായി പ്രവര്‍ത്തിക്കുന്ന പൊതുമേഖലാ ബാങ്കായ ഇന്ത്യന്‍ ബാങ്ക് വിവിധ സംസ്ഥാനങ്ങളില്‍ ക്ലാര്‍ക്ക് തസ്തികയിലേക്ക് അപേക്ഷ ക്ഷണിച്ചു. മൊത്തം 1201 ഒഴിവുകളാണുള്ളത്.

കേരളത്തില്‍ 20 ഒഴിവുകളുണ്ട്. ഓണ്‍ലൈനായാണ് അപേക്ഷിക്കേണ്ടത്.
അതതു സംസ്ഥാനങ്ങളില്‍ ഐ.ബി.പി.എസ്. ക്ലറിക്കല്‍ പരീക്ഷയില്‍ വിജയിച്ചവര്‍ക്ക് അപേക്ഷിക്കാം.
വിദ്യാഭ്യാസ യോഗ്യത: 50 ശതമാനത്തില്‍ കുറയാത്ത മാര്‍ക്കോടുകൂടി പ്ലസ്ടു അല്ലെങ്കില്‍ തത്തുല്യ യോഗ്യത/ബാങ്കിങില്‍ അംഗീകൃത ഡിപ്ലോമ.

ഐ.ബി.പി.എസ്. ക്ലര്‍ക്ക് പരീക്ഷയില്‍ ജനറല്‍-161, സംവരണവിഭാഗക്കാര്‍ക്കും വിമുക്തഭടന്‍മാര്‍ക്കും- 156 ടോട്ടല്‍ വെയിറ്റഡ് മാര്‍ക്കുണ്ടായിരിക്കണം.

പ്രായം: 01.08.2011-ല്‍ 18-നും 28-നും മധ്യേ.
ശമ്പളം: 7200-19300 രൂപ.
100 രൂപയാണ് (എസ്.സി./എസ്.ടി./വിമുക്തഭടര്‍ക്ക് 20 രൂപ) അപേക്ഷാഫീസ്. www.indianbank.in എന്ന വെബ്‌സൈറ്റില്‍ ജൂലായ് 13നകം ഓണ്‍ലൈനായി അപേക്ഷിക്കണം.