MONDAY, DECEMBER 22, 2014
ഫെഡറേഷന്‍ കപ്പ്: കേരളം കളിക്കുമോ കളി കാണുമോ
Posted on: 19 Sep 2013

അനീഷ് പി. നായര്‍

കോഴിക്കോട്: നീണ്ട ഇടവേളയ്ക്കുശേഷം ഫെഡറേഷന്‍ കപ്പ് മത്സരത്തിന്റെ നടത്തിപ്പ് കേരളത്തിന് ലഭിക്കുമ്പോള്‍ മറ്റൊരു ചോദ്യത്തിനുള്ള ഉത്തരമാണ് ഫുട്‌ബോള്‍ പ്രേമികള്‍ തേടുന്നത്. കേരളത്തില്‍ നിന്നുള്ള ടീമിന് കളിക്കാന്‍ അവസരം ലഭിക്കുമോയെന്ന്. അഖിലേന്ത്യ ഫുട്‌ബോള്‍ ഫെഡറേഷന്റെ ചട്ടപ്രകാരമാണെങ്കില്‍ കേരള ടീമുകളില്ലാതെ ടൂര്‍ണമെന്റ് നടക്കും. എന്നാല്‍ പ്രത്യേകാനുമതി വാങ്ങി ഒരു ടീമിനെയെങ്കിലും കളിപ്പിക്കാന്‍ കെ.എഫ്.എ. നടത്തുന്ന ശ്രമമാണ് ഏക പ്രതീക്ഷ.

കേരളത്തില്‍ നിന്നുള്ള ടീമിനെ കളിപ്പിക്കാന്‍ അഖിലേന്ത്യ ഫുട്‌ബോള്‍ ഫെഡറേഷനില്‍ നിന്ന് അനുമതി ലഭിക്കുമെന്ന പ്രതീക്ഷയിലാണ് കേരള ഫുട്‌ബോള്‍ അസോസിയേഷന്‍. ഇതിനായി അപേക്ഷ നല്കുമെന്ന് ജനറല്‍ സെക്രട്ടറി പി. അനില്‍കുമാര്‍ മാതൃഭൂമിയോട് പറഞ്ഞു. അനുമതി ലഭിച്ചാല്‍ ഈഗിള്‍സ് എഫ്.സി, കേരള പോലീസ്, എസ്.ബി.ടി. എന്നീ ടീമുകളിലൊന്നിന് നറുക്ക് വീഴും.

ഫെഡറേഷന്‍ കപ്പ് ചട്ടപ്രകാരം 'ഐ' ലീഗ് ക്ലബ്ബുകള്‍ക്ക് നേരിട്ട് ഫൈനല്‍ റൗണ്ടിലേക്ക് പ്രവേശനം ലഭിക്കും. രണ്ട് ടീമുകളെ യോഗ്യതാ റൗണ്ടിലെ പ്രകടനത്തിന്റെ അടിസ്ഥാനത്തില്‍ നിശ്ചയിക്കും. 'ഐ' ലീഗ് രണ്ടാം ഡിവിഷനില്‍ ഫൈനല്‍ റൗണ്ടിലെത്തിയ ടീമുകളും കഴിഞ്ഞ സീസണില്‍ 'ഐ' ലീഗില്‍ നിന്ന് തരംതാഴ്ത്തപ്പെട്ട ടീമുകളുമാണ് യോഗ്യതാ റൗണ്ടില്‍ കളിക്കുന്നത്. കേരള ടീമുകള്‍ 'ഐ' ലീഗില്‍ കളിക്കുന്നില്ല. കഴിഞ്ഞ സീസണില്‍ 'ഐ' ലീഗിന്റെ രണ്ടാം റൗണ്ടില്‍ കളിച്ചതിലും കേരള ടീമുകളില്ല. ഇതാണ് കേരള ടീമുകളുടെ പ്രാതിനിധ്യം സംശയത്തിലാക്കിയിരിക്കുന്നത്. എന്നാല്‍, 'ഐ' ലീഗ് ക്ലബ്ബായ പൈലന്‍ ആരോസ് പിരിച്ചുവിട്ടതും മുംബൈ ടൈഗേഴ്‌സ് രണ്ടാം ഡിവിഷനിലേക്ക് പിന്മാറിയതും കെ.എഫ്.എ.യ്ക്ക് പ്രതീക്ഷ നല്കുന്നു.
Other stories in this section:
  • മാഞ്ചസ്റ്റര്‍ സിറ്റിക്ക് ജയം
  • കോണ്‍സ്റ്റന്റൈന്‍ വീണ്ടും ഇന്ത്യന്‍ കോച്ചാവും
  • ഐ.എസ്.എല്‍. : വായനക്കാരുടെ ഇന്ത്യന്‍ ഇലവനില്‍ സുശാന്തും
  • ഹൈദരാബാദ് പതറുന്നു
  • എസ്.ബി.ടി. ജേതാക്കള്‍
  • റയലിന് ലോക ക്ലബ്ബ് കിരീടം
  • അന്തര്‍സര്‍വകലാശാലാ ഫുട്‌ബോള്‍; കലാശക്കളി ഇന്ന്
  • സന്തോഷം... ഹ്യൂമേട്ടന്റെ ആരാധകര്‍
  • ലോകകപ്പ് കബഡി ഇന്ത്യയ്ക്ക് ഇരട്ടകിരീടം
  • ജാസന്‍ ഹോള്‍ഡര്‍ വിന്‍ഡീസ് ഏകദിന ടീം ക്യാപ്റ്റന്‍
  • സൂപ്പര്‍ ലീഗ് 'ജനപ്രിയ ഹിറ്റ്'
  • ജോ ബേണ്‍സ് ഓസീസ് ടീമില്‍
  • കൃഷ്ണഗിരി സ്റ്റേഡിയത്തിന് താരങ്ങളുടെ പ്രശംസ
  •