SATURDAY, JANUARY 31, 2015
ഏഷ്യന്‍ സ്‌കൂള്‍ മീറ്റ്: ശ്രീനിത്ത്, ചിത്ര, ജെനി ഇന്നിറങ്ങും
Posted on: 19 Sep 2013



പഹാങ്(മലേഷ്യ): പ്രഥമ ഏഷ്യന്‍ സ്‌കൂള്‍ ട്രാക്ക് ആന്‍ഡ് ഫീല്‍ഡ് ചാമ്പ്യന്‍ഷിപ്പ് വ്യാഴാഴ്ച ട്രാക്കിലാവും. മത്സരങ്ങളുടെ ആദ്യദിനംതന്നെ ഇന്ത്യയും അതുവഴി കേരളവും തികഞ്ഞ പ്രതീക്ഷയിലാണ്. ആണ്‍കുട്ടികളുടെ ഹൈജമ്പില്‍ ശ്രീനിത്ത് മോഹന്‍, പെണ്‍കുട്ടികളുടെ 3,000 മീറ്ററില്‍ പി.യു. ചിത്ര, ലോങ്ജമ്പില്‍ ജെനിമോള്‍ ജോയ് എന്നിവര്‍ക്ക് ആദ്യദിനം മത്സരമുണ്ട്.

ഹൈജമ്പില്‍ ശ്രീനിത്തടക്കം എട്ടുതാരങ്ങളാണ് മത്സരരംഗത്തുള്ളത്. എറണാകുളം എളമക്കര ഗവണ്‍മെന്റ് സ്‌കൂള്‍ വിദ്യാര്‍ഥിയായ ശ്രീനിത്തിന് ഈയിനത്തില്‍ മെഡല്‍ നേടാനാവുമെന്നാണ് പ്രതീക്ഷ. പെണ്‍കുട്ടികളുടെ 3,000 മീറ്ററില്‍ പാലക്കാട് മുണ്ടൂര്‍ സ്‌കൂളിന്റെ താരമായ പി.യു. ചിത്രയ്ക്കും മെഡല്‍ നേടാനാവുമെന്നുതന്നെയാണ് കരുതുന്നത്. ഇറ്റാവയില്‍ നടന്ന ദേശീയ സ്‌കൂള്‍ കായികമേളയില്‍ ഇരട്ട റെക്കോഡോടെ നാല് സ്വര്‍ണം നേടിയ താരമാണ് ചിത്ര.

വ്യക്തിഗത ചാമ്പ്യന്മാര്‍ക്കുള്ള നാനോ കാര്‍ സ്വന്തമാക്കുകയും ചെയ്തു. ലോങ്ജമ്പില്‍ പത്തുതാരങ്ങളാണ് മത്സരിക്കുന്നത്. ഇന്ത്യയില്‍നിന്ന് ജെനിമോള്‍ മാത്രം. ദേശീയ സ്‌കൂള്‍ കായികമേളയില്‍ ട്രിപ്പിള്‍ ജമ്പില്‍ റെക്കോഡിട്ട ജെനി, ലോങ്ജമ്പില്‍ രണ്ടാം സ്ഥാനവും നേടിയിരുന്നു. തിരുവനന്തപുരം സായിയിലാണ് പരിശീലനം. കാര്യവട്ടം തുണ്ടത്തില്‍ മാധവവിലാസം സ്‌കൂള്‍ വിദ്യാര്‍ഥിയാണ്.
ഇറ്റാവ സ്‌കൂള്‍ മീറ്റിലെ വ്യക്തിഗത ചാമ്പ്യനും നാനോ കാറിന് അര്‍ഹനുമായ പാലക്കാട് പറളി സ്‌കൂളിലെ മുഹമ്മദ് അഫ്‌സല്‍ 800 മീറ്റര്‍ സെമിയില്‍ മത്സരിക്കുന്നുണ്ട്. കല്ലടി സ്‌കൂളിലെ സി. ബബിതയ്ക്കും 800 മീറ്റര്‍ മത്സരമുണ്ട്.

സപ്ന ബര്‍മന്‍ (ജാവലിന്‍ ത്രോ), ശക്തി സോളങ്കി (ഷോട്ട്പുട്ട്), അമിത് ഇന്ദര്‍ സിങ്, സൗമ്യദീപ് സാഹ, അങ്കിത ഗോസ്വാമി, റുമ സര്‍ക്കാര്‍ (നാലുപേരും 100 മീറ്റര്‍) എന്നിവര്‍ക്കും ആദ്യദിനം മത്സരമുണ്ട്.

 

 

 

Other stories in this section:
  • ഓസ്‌ട്രേലിയ ഏഷ്യന്‍ ഫുട്‌ബോള്‍ ചാമ്പ്യന്മാര്‍
  • തിരി തെളിഞ്ഞു; ഇനി പോരാട്ടത്തിന്റെ നാളുകള്‍
  • സെറീനയ്ക്ക് കിരീടം
  • ഐ-ലീഗും ഐ.എസ്.എല്ലും ലയിക്കുന്നു
  • യോട്ടിങ് വേദിയിലെ അസൗകര്യങ്ങളില്‍ സര്‍വീസസ് ടീമിന് അതൃപ്തി
  • രഞ്ജിട്രോഫി: സഞ്ജുവിന് ഇരട്ട സെഞ്ചുറി
  • കനോയിങ്, കയാക്കിങ് ടീമിനെ പ്രഖ്യാപിച്ചു
  • ഉത്തേജകമരുന്ന് പരിശോധന കര്‍ക്കശമാക്കും
  • ദേശീയ ഗെയിംസ്: ജിംനാസ്റ്റിക്‌സില്‍ നിരീക്ഷകന്റെ സാന്നിധ്യത്തിലെടുത്ത ടീമിന് പങ്കെടുക്കാം-കോടതി
  • ദേശീയ ഗെയിംസ്: ഭക്ഷ്യ സുരക്ഷയ്ക്കായി വന്‍ ഒരുക്കം
  • ദേശീയ ഗെയിംസ്: ടേബിള്‍ ടെന്നീസ് ടീമിനെ സെന്തില്‍കുമാറും മരിയ റോണിയും നയിക്കും
  • പരിശീലനത്തുഴച്ചില്‍ തുടങ്ങി; ജലകായിക മാമാങ്കത്തിന് ഓളപ്പരപ്പ് ഒരുങ്ങി
  • പേസ് സഖ്യം ഫൈനലില്‍, സാനിയ തോറ്റു
  • തോല്‍വി തന്നെ; ഇന്ത്യ പുറത്ത്‌
  • ടി20 ലോകകപ്പ് അടുത്തവര്‍ഷം ഇന്ത്യയില്‍
  •