SATURDAY, NOVEMBER 22, 2014
സാഫില്‍ ഇന്ത്യ സെയ്ഫ്
Posted on: 31 Jul 2013


കാഠ്മണ്ഡു: സാഫ് ഫുട്‌ബോളില്‍ ഏഴാം കിരീടം തേടുന്ന ഇന്ത്യക്ക് ആദ്യ റൗണ്ട് താരതമ്യേന അനായാസം. സപ്തംബര്‍ ഒന്നിന് നടക്കുന്ന ഉദ്ഘാടന മത്സരത്തില്‍ പാകിസ്താനെ നേരിടുന്ന ഇന്ത്യ, ഗ്രൂപ്പ് 'എ'യിലെ മറ്റ് മത്സരങ്ങളില്‍ ആതിഥേയരായ നേപ്പാളിനെയും ബംഗ്ലാദേശിനെയും നേരിടും. ഗ്രൂപ്പ് 'ബി'യില്‍ അഫ്ഗാനിസ്താന്‍, മാലെദ്വീപ്, ശ്രീലങ്ക, ഭൂട്ടാന്‍ എന്നീ ടീമുകളാണ് പ്രാഥമിക റൗണ്ടില്‍ മത്സരിക്കുക.

1993-ല്‍ ആരംഭിച്ച ടൂര്‍ണമെന്റില്‍ ആറ് തവണ ഇന്ത്യ ജേതാക്കളായിട്ടുണ്ട്. 1995-ല്‍ ശ്രീലങ്കയും 2003-ല്‍ ബംഗ്ലാദേശും 2008-ല്‍ മാലെ ദ്വീപും മാത്രമാണ് എട്ട് ടൂര്‍ണമെന്റുകളില്‍ ഇന്ത്യയൊഴികെ ജേതാക്കളായിട്ടുള്ളത്. ഇന്ത്യ ഫൈനല്‍ കളിക്കാത്ത ഒരേയൊരു ടൂര്‍ണമെന്റ് 2003-ല്‍ മാത്രമാണ് നടന്നത്. അത്തവണ മൂന്നാം സ്ഥാനം ഇന്ത്യക്കായിരുന്നു.

ടൂര്‍ണമെന്റില്‍ കളിക്കുന്ന ടീമുകളില്‍ ഏറ്റവുമുയര്‍ന്ന റാങ്കുള്ള ടീം അഫ്ഗാനിസ്താനാണ് (140). മറ്റൊരു കരുത്തരായ മാലെദ്വീപിനെയും പ്രാഥമിക റൗണ്ടില്‍ നേരിടേണ്ട എന്നതാണ് ഇന്ത്യക്ക് ലഭിച്ച ആനുകൂല്യം. എന്നാല്‍, ഫൈനലില്‍ കടക്കണമെങ്കില്‍ ഇതിലേതെങ്കിലുമൊരു ടീമിനെ സെമിയില്‍ നേരിടേണ്ടിവരുമെന്നുറപ്പാണ്.

സമീപകാലത്തൊന്നും അന്താരാഷ്ട്ര മത്സരങ്ങള്‍ കളിച്ചിട്ടില്ലെന്നതാണ് ഇന്ത്യ നേരിടുന്ന പ്രതിസന്ധികളിലൊന്ന്. 'ഐ' ലീഗിനുശേഷം കാര്യമായ ടൂര്‍ണമെന്റുകള്‍ നടക്കാത്തതിനാല്‍, താരങ്ങളും ഏറെക്കുറെ വിശ്രമത്തിലാണ്. ഫിബ്രവരിയില്‍ പലസ്തീനെതിരെ കൊച്ചിയിലാണ് ഇന്ത്യ അവസാന മത്സരം കളിച്ചത്. അന്ന് 4-2ന് തോറ്റു.

ഫിക്‌സ്ചര്‍

ഗ്രൂപ്പ് 'എ': ഇന്ത്യ, നേപ്പാള്‍, പാകിസ്താന്‍, ബംഗ്ലാദേശ്
ഗ്രൂപ്പ് 'ബി': അഫ്ഗാനിസ്താന്‍, മാലെദ്വീപ്, ശ്രീലങ്ക, ഭൂട്ടാന്‍
സപ്തം 1: ഇന്ത്യ - പാകിസ്താന്‍
നേപ്പാള്‍ - ബംഗ്ലാദേശ്
സപ്തം 2: മാലെദ്വീപ് - ശ്രീലങ്ക
അഫ്ഗാനിസ്താന്‍ - ഭൂട്ടാന്‍
സപ്തം 3: പാകിസ്താന്‍ - നേപ്പാള്‍
ബംഗ്ലാദേശ് - ഇന്ത്യ
സപ്തം 4: ഭൂട്ടാന്‍ - മാലെദ്വീപ്
ശ്രീലങ്ക - അഫ്ഗാനിസ്താന്‍
സപ്തം 5: ഇന്ത്യ - നേപ്പാള്‍
ബംഗ്ലാദേശ് - പാകിസ്താന്‍
സപ്തം 6: അഫ്ഗാനിസ്താന്‍ - മാലെദ്വീപ്
ഭൂട്ടാന്‍ - ശ്രീലങ്ക

സെമിഫൈനല്‍


സപ്തം 8: വിന്നര്‍ ഗ്രൂപ്പ് 'എ' -റണ്ണര്‍ ഗ്രൂപ്പ് 'ബി'
സപ്തം 8: വിന്നര്‍ ഗ്രൂപ്പ് 'ബി' -റണ്ണര്‍ ഗ്രൂപ്പ് 'എ'
സപ്തം 11: ഫൈനല്‍
Other stories in this section:
  • പത്താം ഗെയിമും സമനിലയില്‍ കാള്‍സണ് കിരീടം ഒരു ജയം അരികെ
  • ബ്ലാസ്റ്റേഴ്‌സിന് ഭാഗ്യവിജയം
  • കാണികളുടെ എണ്ണത്തില്‍ റെക്കോഡ്; കൊല്‍ക്കത്തയ്‌ക്കൊപ്പം കൊച്ചിയും
  • ബ്ലാസ്റ്റേഴ്‌സിന്റെ 'ടോട്ടല്‍ ഫുട്‌ബോള്‍'
  • പാകിസ്താന്‍-കിവീസ് ടെസ്റ്റ് സമനിലയില്‍
  • സംസ്ഥാന സിനീയര്‍ ഹോക്കി: പുരുഷ കിരീടം തിരുവനന്തപുരത്തിന്‌
  • ഹോങ്കോങ് ഓപ്പണ്‍: സൈന പുറത്ത്‌
  • ബി.സി.സി.ഐ. അധ്യക്ഷപദവി ഏറ്റെടുക്കാന്‍ അനുവദിക്കണമെന്ന് ശ്രീനിവാസന്റെ അപേക്ഷ
  • എഫ്എഫ്എ കപ്പ്-2014 ഫുട്‌ബോള്‍ ടൂര്‍ണമെന്റ് ഇന്ന് തുടങ്ങും
  • ഉള്‍ക്കാഴ്ചകൊണ്ട് അവര്‍ ലോകക്രിക്കറ്റില്‍ ചരിത്രമെഴുതാന്‍ പോവുന്നു
  • അന്ധരുടെ ക്രിക്കറ്റ് : തമിഴ്‌നാട് കേരളത്തെ കീഴടക്കി
  • ദേശീയ ഗെയിംസ്: പ്രതീക്ഷയോടെ കേരള ടീമുകള്‍
  • ബി.സി.സി.ഐ. പ്രസിഡന്റ് സ്ഥാനം ഏറ്റെടുക്കാന്‍ അനുവദിക്കണമെന്ന് ശ്രീനിവാസന്‍
  • ഓസീസിന് ജയം; പരമ്പര
  •