SATURDAY, OCTOBER 25, 2014
ഡീഗോയ്ക്കും മേലെ മെസ്സി ഗോള്‍
Posted on: 16 Jun 2013


ഗ്വാട്ടിമാലയ്‌ക്കെതിരെ അര്‍ജന്റീനയ്ക്ക് ജയം (4-0), മെസ്സിയ്ക്ക് ഹാട്രിക്
ഗോള്‍വേട്ടയില്‍ ബാറ്റിസ്റ്റ്യൂട്ടയ്ക്ക് പിന്നില്‍ 35 ഗോളുമായി രണ്ടാമത്



റിയോ ഡി ജെനെയ്‌റോ: അന്താരാഷ്ട്ര ഗോളുകളുടെ എണ്ണത്തില്‍ സാക്ഷാല്‍ മാറഡോണയെയും പിന്തള്ളി ലയണല്‍ മെസ്സി ഹാട്രിക്കോടെ തിളങ്ങിയപ്പോള്‍ ഗ്വാട്ടിമാലയ്‌ക്കെതിരായ സൗഹൃദപ്പോരാട്ടത്തില്‍ അര്‍ജന്റീനയ്ക്ക് വമ്പന്‍ ജയം (4-0).
അര്‍ജന്റീനയ്ക്കുവേണ്ടി ക്യാപ്റ്റന്‍ മെസ്സിയുടെ മൂന്നാം ഹാട്രിക്കാണിത്. കഴിഞ്ഞവര്‍ഷം സ്വിറ്റ്‌സര്‍ലന്‍ഡിനും ബ്രസീലിനുമെതിരെ മെസി ഹാട്രിക് നേടിയിരുന്നു. ടീമിനുവേണ്ടി തന്റെ 35-ാം ഗോള്‍ നേടിയ ലോകഫുട്‌ബോളര്‍ അര്‍ജന്റീനയുടെ ഇതിഹാസതാരം ഡീഗോ മാറഡോണയുടെ (34 ഗോള്‍) നേട്ടത്തെ പിന്നിലാക്കി. ദേശീയ ടീമിലെ എക്കാലത്തെയും ഗോള്‍ നേട്ടക്കാരുടെ പട്ടികയില്‍ ഹെര്‍നാന്‍ ക്രെസ്‌പോയ്ക്ക് ഒപ്പം രണ്ടാം സ്ഥാനത്താണ് മെസി. 56 ഗോളുകള്‍ നേടിയ ഗബ്രിയേല്‍ ബാറ്റിസ്റ്റ്യൂട്ടയാണ് പട്ടികയില്‍ ഒന്നാം സ്ഥാനത്ത്.
കൊളംബിയയ്ക്കും ഇക്വഡോറിനുമെതിരായ ലോകകപ്പ് യോഗ്യതാ മത്സരങ്ങളില്‍ പകരക്കാരനായി ഇറങ്ങിയ മെസി ഇക്കുറി ആദ്യ ലൈനപ്പില്‍ ഇടം പിടിച്ചപ്പോള്‍ കളിയുടെ 15-ാം മിനിറ്റില്‍തന്നെ സൂപ്പര്‍താരത്തിലൂടെ അര്‍ജന്റീന മുമ്പിലെത്തി. പെനാല്‍ട്ടി ഏരിയയ്ക്ക് പുറത്തുനിന്ന് മെസി ഉതിര്‍ത്ത ഇടതുകാലുകൊണ്ടുള്ള അടി ഗ്വാട്ടിമാല ഗോളിക്ക് യാതൊരു അവസരവും നല്കാതെ വലയിലെത്തി. 35-ാം മിനിറ്റില്‍ അഗസ്റ്റോ ഫെര്‍ണാണ്ടസിന്റെ ഗോള്‍ അര്‍ജന്റീനയുടെ ലീഡുയര്‍ത്തി. അഞ്ച് മിനിറ്റിന്റെ ഇടവേളയില്‍ ലഭിച്ച പെനാല്‍ട്ടി ഗോളാക്കി മാറ്റിയ മെസി ഗ്വാട്ടിമാലയ്ക്ക് അടുത്ത പ്രഹരമേല്പിച്ചു.
ഇടവേളയില്‍ 3-0ത്തിന് മുന്നിട്ടുനിന്ന അര്‍ജന്റീന രണ്ടാം പകുതിയിലും മേധാവിത്വം നിലനിര്‍ത്തി. ഇതിനിടെ 49-ാം മിനിറ്റിലായിരുന്നു ലോക ഫുട്‌ബോളര്‍ ഹാട്രിക് തികച്ചത്. എസേക്വീല്‍ ലവേസിയുടെ വലതുവശത്ത് നിന്നുള്ള താഴ്ന്ന ക്രോസ് മൈതാനത്തിന് ഇടതുവശത്ത് മാര്‍ക്ക് ചെയ്യപ്പെടാതെ നിന്ന മെസി 12 മീറ്റര്‍ അകലെ നിന്ന് ഗ്വാട്ടിമാല പോസ്റ്റിലേക്ക് തിരിച്ചുവിടുകയായിരുന്നു.





Other stories in this section:
  • മുന്‍ ദക്ഷിണാഫ്രിക്കന്‍ ലോകചാമ്പ്യന്‍ മുലൗദ്‌സി വാഹനാപകടത്തില്‍ മരിച്ചു
  • ഇറ്റാലിയന്‍ ഫുട്‌ബോള്‍ അപകടത്തിലെന്ന് യുവന്റസ് പ്രസിഡന്റ്‌
  • അടച്ചുപൂട്ടില്ല; മുഹമ്മദന്‍സ് ഡ്യൂറണ്ട് കപ്പിനിറങ്ങുന്നു
  • പതാക വിവാദം: സെര്‍ബിയ വിജയികള്‍ അല്‍ബേനിയയ്ക്ക് വിലക്ക്‌
  • ദക്ഷിണമേഖലാ അന്തര്‍ സര്‍വകലാശാലാ ഫുട്‌ബോള്‍ ടൂര്‍ണമെന്റ്
  • മുംബൈയില്‍ ജയം നോര്‍ത്ത് ഈസ്റ്റിന്‌
  • ഇന്റര്‍സോണ്‍ ഫുട്‌ബോള്‍: ഫാറൂഖ് കോളേജ് ഫൈനലില്‍
  • ഒത്തുകളി: ടെലിഫോണ്‍ സംഭാഷണം മെയ്യപ്പന്റേത്‌
  • സീനിയര്‍ ബാസ്‌കറ്റ് ബോള്‍ ചാമ്പ്യന്‍ഷിപ്പ്: സെമി ഫൈനല്‍ ഇന്നുമുതല്‍
  • സി.ബി.എസ്.ഇ. ബാസ്‌കറ്റ്‌ബോള്‍ ചാമ്പ്യന്‍ഷിപ്പ് തുടങ്ങി
  • ദക്ഷിണമേഖല അന്തര്‍ സര്‍വകലാശാലാ ഖോ-ഖോ: കാലിക്കറ്റ് ചാമ്പ്യന്‍മാര്‍
  • ഫ്രഞ്ച് ഓപ്പണ്‍: സൈന, കശ്യപ് ക്വാര്‍ട്ടറില്‍
  • റയല്‍-ബാഴ്‌സ പോരാട്ടം ഇന്ന്‌
  • ഫുട്‌ബോള്‍: കേരളവര്‍മ്മ - ഗുരുവായൂരപ്പന്‍ സെമി
  • പിറസിനെ അത്‌ലറ്റിക്കോ കോച്ച് മുഖത്തടിച്ചു; ഐ.എസ്.എല്ലില്‍ വിവാദം
  • കേരള ബ്ലാസ്റ്റേഴ്‌സിന് പുതിയ തീം സോങ് ഒരുങ്ങുന്നു
  • പാകിസ്താന് ഒന്നാമിന്നിങ്‌സ് ലീഡ്‌
  • ഉത്തപ്പയുടെ സെഞ്ച്വറിയില്‍ ദക്ഷിണമേഖല ഫൈനലില്‍
  • അംലയ്ക്ക് സെഞ്ച്വറി, ദക്ഷിണാഫ്രിക്കയ്ക്ക് പരമ്പര
  •