THURSDAY, JANUARY 29, 2015
സൈനയ്ക്ക് അടിതെറ്റി
Posted on: 16 Jun 2013


ഇന്‍ഡൊനീഷ്യ സൂപ്പര്‍ സീരീസ്

നിലവിലെ ജേതാവായ സൈന നേവാളിനെ ഒന്നിനെതിരെ രണ്ട് സെറ്റുകള്‍ക്ക് തോല്പിച്ചത് ജര്‍മന്‍ താരം ജൂലിയാന ഷെങ്ക്

ജക്കാര്‍ത്ത: നിലവിലെ ചാമ്പ്യന്‍ സൈന നേവാളിന് ഇന്‍ഡൊനീഷ്യ ഓപ്പണ്‍ സൂപ്പര്‍ സീരീസ് ബാഡ്മിന്റണിന്റെ വനിതാ സിംഗിള്‍സ് സെമിയില്‍ തോല്‍വി. തുടര്‍ച്ചയായ അഞ്ചാം ഫൈനല്‍ ലക്ഷ്യമിട്ടിറങ്ങിയ ഇന്ത്യയുടെ ലോക രണ്ടാംനമ്പര്‍ താരത്തിന് ജര്‍മനിയുടെ ജൂലിയാന ഷെങ്കിന് മുന്നിലാണ് മൂന്ന് സെറ്റ് പോരാട്ടത്തില്‍ കീഴടങ്ങിയത് (12-21, 21-13, 14-21). ഇതോടെ ഈ സീസണിലെ പ്രമുഖ ടൂര്‍ണമെന്റുകളില്‍ ഇന്ത്യന്‍ താരത്തിന് മുന്നേറാനാവാത്തത് തുടര്‍ക്കഥയാവുകയാണ്. ജൂണ്‍ ആദ്യവാരം തായ്‌ലന്‍ഡ് ഓപ്പണ്‍ ക്വാര്‍ട്ടര്‍ഫൈനലിലും സൈന പുറത്തായിരുന്നു.
2009, 2010, 2012 വര്‍ഷങ്ങളില്‍ ഇന്‍ഡൊനീഷ്യയില്‍ കിരീടം നേടിയ സൈനയ്‌ക്കെതിരെ 52 മിനിറ്റിലായിരുന്നു ലോക നാലാം റാങ്കുകാരിയായ ജര്‍മന്‍താരത്തിന്റെ ജയം. ഷെങ്കിനെതിരെ മുമ്പുനടന്ന 11 പോരാട്ടങ്ങളില്‍ എട്ടിലും വിജയിച്ചിട്ടുള്ള സൈനയ്ക്ക് ശനിയാഴ്ച കാലിടറുകയായിരുന്നു. റാലികളിലും സ്മാഷുകളിലും അനാവശ്യ പിഴവുകള്‍ ആവര്‍ത്തിച്ച ഇന്ത്യന്‍ താരം ജൂലിയാന ഷെങ്കിന് ഫൈനല്‍ പോരാട്ടത്തിന് അവസരമൊരുക്കി.
ആദ്യ സെറ്റ് 12-21 ന് നഷ്ടപ്പെട്ട സൈന രണ്ടാം സെറ്റ് തിരിച്ചുപിടിച്ച് (21-13) പ്രതീക്ഷ ഉണര്‍ത്തി. നിര്‍ണായകമായ മൂന്നാം സെറ്റില്‍ തുടക്കത്തിലേതന്നെ 4-6 ലീഡ് നേടിയ ജര്‍മന്‍ താരത്തിനെതിരെ ഉണര്‍ന്നുകളിച്ച നിലവിലെ ചാമ്പ്യന്‍ ഒരവസരത്തില്‍ 14-16 വരെ സ്‌കോറെത്തിച്ച് തിരിച്ചുവരവിന് ശ്രമം നടത്തി. എന്നാല്‍ ക്രോസ് കോര്‍ട്ട് സ്മാഷുകളിലൂടെ പോയന്റുകള്‍ കരസ്ഥമാക്കിയ ജൂലിയാന ഷെങ്ക് സൈനയ്ക്ക് കൂടുതല്‍ അവസരങ്ങളൊന്നും നല്കാതെ 14-21 ന് സെറ്റും മാച്ചും കരസ്ഥമാക്കി ഫൈനലിലേക്ക് കുതിച്ചു.

 

 

 

Other stories in this section:
  • ഓസ്‌ട്രേലിയന്‍ ഓപ്പണ്‍: ഷറപ്പോവ ഫൈനലില്‍
  • ദേശീയ ഗെയിംസ് ബോക്‌സിങ്: ടീം പ്രഖ്യാപിച്ചു; തൃശ്ശൂരിന് പ്രാതിനിധ്യമില്ല
  • കേരള സൈക്ലൂങ് ടീമിനെ പ്രിന്‍സും മഹിതയും നയിക്കും
  • നരെയ്ന്‍ ലോകകപ്പില്‍നിന്ന് പിന്മാറി
  • ദേശീയ ഗെയിംസ്: ടീമുകള്‍ കൊച്ചിയിലെത്തിത്തുടങ്ങി
  • ദ്യോക്കോവിച്ച്, വാവ്‌റിങ്ക, സെറീന സെമിയില്‍
  • നവീകരിച്ച രാജീവ് ഗാന്ധി ഇന്‍ഡോര്‍ സ്റ്റേഡിയത്തിന്റെ ഉദ്ഘാടനം ഇന്ന്‌
  • ഗെയിംസിന് മാറ്റുരയ്ക്കാന്‍ ആദ്യമെത്തിയത് മണിപ്പുരി സംഘം
  • രഞ്ജിട്രോഫി മത്സരം ഇന്നു തുടങ്ങും
  • ലോക പട്ടംപറത്തല്‍: ഇന്ത്യയില്‍നിന്ന് ഒമ്പതംഗ സംഘം
  • ദക്ഷിണാഫ്രിക്കയുടെ ഗ്രഹപ്പിഴ ഡിവില്ലിയേഴ്‌സ് മാറ്റുമോ?
  • ചുവട് പിഴച്ച് നഡാല്‍
  • ക്രിസ്റ്റ്യാനോയ്ക്ക് രണ്ട് മത്സരങ്ങളില്‍ വിലക്ക്‌
  • ബഗാന് സമനില
  • ഭാവിതാരങ്ങളുടെ പ്രകടനം കാണാന്‍ സുശീല്‍കുമാര്‍ വരും
  • ഫെഡറേഷന്‍ കപ്പ് വോളി: അജേഷും ഷീബയും നയിക്കും
  • ദേശീയ ഗെയിംസ്: വ്യക്തിഗത മെഡലിന് സര്‍ക്കാര്‍ ജോലി
  • സംസ്ഥാന മിനി വോളിബോള്‍: എറണാകുളവും വയനാടും ചാമ്പ്യന്മാര്‍
  • കേരളത്തിന്റെ അമരത്ത് പാലാവയലിലെ അനൂപ് അഗസ്റ്റിനും ജഡ്ജിങ് പാനലില്‍ സെയ്ഫുദ്ദീനും
  • സര്‍ക്കാര്‍ കാണുമോ മെഡല്‍ തിളക്കത്തിന് പിന്നിലെ ഈ ജീവിതനൊമ്പരം.
  •