SATURDAY, OCTOBER 25, 2014
രാജ്കുന്ദ്രയെ ചോദ്യംചെയ്തു
Posted on: 06 Jun 2013


ന്യൂഡല്‍ഹി:ഐ.പി.എല്‍. വാതുവെപ്പുമായി ബന്ധപ്പെട്ട് രാജസ്ഥാന്‍ റോയല്‍സ് ടീം ഉടമയും ബോളിവുഡ് താരം ശില്‍പ്പഷെട്ടിയുടെ ഭര്‍ത്താവുമായ രാജ്കുന്ദ്രയെ ഡല്‍ഹി പോലീസ് ചോദ്യംചെയ്തു. ഡല്‍ഹി പോലീസ് സ്‌പെഷ്യല്‍സെല്‍ ആസ്ഥാനത്ത് ബുധനാഴ്ച രാവിലെ മുതല്‍ ചോദ്യം ചെയ്യുന്ന രാജ്കുന്ദ്രയുടെ അറസ്റ്റ് രേഖപ്പെടുത്തുമോ എന്ന് പോലീസ് വ്യക്തമാക്കിയില്ല. കുന്ദ്രയുടെ സുഹൃത്ത് ഉമേഷ് ഗോയങ്കയെയും പോലീസ് ചോദ്യം ചെയ്യുന്നുണ്ട്. ഗോയങ്കയുടെ മൊഴി മജിസ്‌ട്രേട്ടിന് മുമ്പാകെ രേഖപ്പെടുത്തി.
ടീം ഉടമസ്ഥതയുമായി ബന്ധപ്പെട്ടകാര്യങ്ങളും അറസ്റ്റിലായ കളിക്കാരെക്കുറിച്ചും കൂടുതല്‍ ചോദിക്കാനാണ് കുന്ദ്രയെ വിളിച്ചുവരുത്തിയതെന്ന് സ്‌പെഷല്‍സെല്ലിലെ ഉന്നതോദ്യോഗസ്ഥന്‍ പറഞ്ഞു. മറ്റുചില കാര്യങ്ങളും കുന്ദ്രയോട് ചോദിക്കുന്നുണ്ടെന്നും അത് ഇപ്പോള്‍ വെളിപ്പെടുത്താനാവില്ലെന്നും അദ്ദേഹം പറഞ്ഞു. ഇന്ത്യന്‍ വംശജനായ ബ്രിട്ടീഷ് പൗരന്‍ കൂടിയായ കുന്ദ്രയുടെ സാമ്പത്തിക ഇടപാടുകള്‍ എന്‍ഫോഴ്‌സ്‌മെന്റ് ഡയറക്ടറേറ്റും പരിശോധിച്ചുവരികയാണ്.
രാവിലെ പത്തു മണിക്കാരംഭിച്ച ചോദ്യം ചെയ്യല്‍ വൈകിട്ടും തുടര്‍ന്നതിനാല്‍, കുന്ദ്രയെ കസ്റ്റഡിയിലെടുക്കുകയോ അറസ്റ്റ് രേഖപ്പെടുത്തുകയോ ചെയ്യുമോ എന്ന ചോദ്യത്തിന് പോലീസ് വ്യക്തമായ മറുപടി നല്‍കിയില്ല.
എന്നാല്‍, കുന്ദ്രയ്ക്ക് കളിക്കാരെക്കുറിച്ച് കൂടുതലൊന്നും പറയാനില്ലായിരുന്നു. മറ്റേതെങ്കിലും കളിക്കാര്‍ക്ക് വാതുവെപ്പിലോ ഒത്തുകളിയിലോ പങ്കുണ്ടോയെന്നും കുന്ദ്രയ്ക്ക് അറിയില്ലെന്നാണ് പറഞ്ഞത്.
എന്തുകൊണ്ടാണ് ടീമിന്റെ മറ്റ് ഉടമകളെ വിളിക്കാതെ 11.7 ശതമാനം മാത്രം ഓഹരിയുള്ള കുന്ദ്രയെ വിളിച്ചതെന്ന ചോദ്യത്തിന്, അദ്ദേഹമാണ് ടീമിന്റെ പ്രധാന 'മുഖ'മായി അറിയപ്പെട്ടിരുന്നതെന്ന് പോലീസ് പറഞ്ഞു. മാത്രമല്ല, ഒന്നൊഴികെ മറ്റെല്ലാ മത്സരങ്ങളിലും കളിക്കാരോടൊപ്പം കുന്ദ്രയും പോയിരുന്നു.
കളിക്കാരുമായിക്കൂടി ബന്ധമുള്ളതുകൊണ്ടാണ് കുന്ദ്രയെ വിളിപ്പിച്ചതെന്ന് പോലീസ് പറഞ്ഞു.

Other stories in this section:
  • ഇന്ത്യന്‍ സൂപ്പര്‍ ലീഗ്: ഡല്‍ഹിക്ക് ആധികാരിക ജയം
  • ഐ.സി.എല്‍ മര്‍ദ്ദനവിവാദം: നാലുപേര്‍ക്ക് വിലക്ക്
  • മുന്‍ ദക്ഷിണാഫ്രിക്കന്‍ ലോകചാമ്പ്യന്‍ മുലൗദ്‌സി വാഹനാപകടത്തില്‍ മരിച്ചു
  • ഇറ്റാലിയന്‍ ഫുട്‌ബോള്‍ അപകടത്തിലെന്ന് യുവന്റസ് പ്രസിഡന്റ്‌
  • അടച്ചുപൂട്ടില്ല; മുഹമ്മദന്‍സ് ഡ്യൂറണ്ട് കപ്പിനിറങ്ങുന്നു
  • പതാക വിവാദം: സെര്‍ബിയ വിജയികള്‍ അല്‍ബേനിയയ്ക്ക് വിലക്ക്‌
  • ദക്ഷിണമേഖലാ അന്തര്‍ സര്‍വകലാശാലാ ഫുട്‌ബോള്‍ ടൂര്‍ണമെന്റ്
  • മുംബൈയില്‍ ജയം നോര്‍ത്ത് ഈസ്റ്റിന്‌
  • ഇന്റര്‍സോണ്‍ ഫുട്‌ബോള്‍: ഫാറൂഖ് കോളേജ് ഫൈനലില്‍
  • ഒത്തുകളി: ടെലിഫോണ്‍ സംഭാഷണം മെയ്യപ്പന്റേത്‌
  • സീനിയര്‍ ബാസ്‌കറ്റ് ബോള്‍ ചാമ്പ്യന്‍ഷിപ്പ്: സെമി ഫൈനല്‍ ഇന്നുമുതല്‍
  • സി.ബി.എസ്.ഇ. ബാസ്‌കറ്റ്‌ബോള്‍ ചാമ്പ്യന്‍ഷിപ്പ് തുടങ്ങി
  • ദക്ഷിണമേഖല അന്തര്‍ സര്‍വകലാശാലാ ഖോ-ഖോ: കാലിക്കറ്റ് ചാമ്പ്യന്‍മാര്‍
  • ഫ്രഞ്ച് ഓപ്പണ്‍: സൈന, കശ്യപ് ക്വാര്‍ട്ടറില്‍
  • റയല്‍-ബാഴ്‌സ പോരാട്ടം ഇന്ന്‌
  • ഫുട്‌ബോള്‍: കേരളവര്‍മ്മ - ഗുരുവായൂരപ്പന്‍ സെമി
  • പിറസിനെ അത്‌ലറ്റിക്കോ കോച്ച് മുഖത്തടിച്ചു; ഐ.എസ്.എല്ലില്‍ വിവാദം
  • കേരള ബ്ലാസ്റ്റേഴ്‌സിന് പുതിയ തീം സോങ് ഒരുങ്ങുന്നു
  • പാകിസ്താന് ഒന്നാമിന്നിങ്‌സ് ലീഡ്‌
  • ഉത്തപ്പയുടെ സെഞ്ച്വറിയില്‍ ദക്ഷിണമേഖല ഫൈനലില്‍
  •