TUESDAY, SEPTEMBER 30, 2014
ജെസ്സി റൈഡര്‍ ആസ്‌പത്രി വിട്ടു
Posted on: 04 Apr 2013


വെല്ലിങ്ടണ്‍: ബാറിലെ സംഘട്ടനത്തില്‍ പരിക്കേറ്റ ന്യൂസീലന്‍ഡ് ബാറ്റ്‌സ്മാന്‍ ജെസ്സി റൈഡര്‍ ക്രൈസ്റ്റ് ചര്‍ച്ച് ആസ്പത്രിയില്‍ ഒരാഴ്ചത്തെ ചികിത്സയ്ക്കു ശേഷം ബുധനാഴ്ച വെല്ലിങ്ടണിലെ വീട്ടിലെത്തി. റൈഡറെ ആക്രമിച്ച സംഘത്തില്‍ അറസ്റ്റിലായവരെ വ്യാഴാഴ്ച കോടതിയില്‍ ഹാജരാക്കാനിരിക്കെയാണ് റൈഡര്‍ ആസ്പത്രി വിട്ടത്.

തിങ്കളാഴ്ചയോടെ റൈഡറുടെ ആരോഗ്യസ്ഥിതി ഏറെ മെച്ചപ്പെട്ടതോടെയാണ് അദ്ദേഹം ആസ്പത്രി വിടാന്‍ തീരുമാനിച്ചതെന്ന് മാനേജര്‍ ആരോണ്‍ ക്ലീ അറിയിച്ചു. ഇരുന്ന് സംസാരിക്കുന്നതിനും നിവര്‍ന്ന് നില്‍ക്കുന്നതിനും താരത്തിന് കഴിയുന്നുണ്ടെന്നും മാനേജര്‍ പറഞ്ഞു.

ക്രിസ്റ്റ്യന്‍ചര്‍ച്ചിലെ മെരിവേയ്‌ലിന് സമീപത്തുള്ള ബാറിന് പുറത്തുവെച്ച് കഴിഞ്ഞ വ്യാഴാഴ്ച രാത്രിയാണ് റൈഡറെ രണ്ടുപേര്‍ ആക്രമിച്ച് പരിക്കേല്പിച്ചത്. തലയേ്ക്കറ്റ അടിയെത്തുടര്‍ന്ന് രണ്ടുദിവസം അബോധാവസ്ഥയിലായിരുന്ന താരം ശനിയാഴ്ചയാണ് ബോധം വീണ്ടെടുത്തത്. എന്നാല്‍, അന്വേഷണ ഉദ്യോഗസ്ഥരോട് ആക്രമണത്തിനിടയാക്കിയ സംഭവത്തെക്കുറിച്ച് ഓര്‍ക്കുന്നില്ലെന്ന് റൈഡര്‍ പറഞ്ഞിരുന്നു. തലയ്ക്ക് അടിയേറ്റതുമൂലമുള്ള ഷോക്കാവാം ഇത്തരം പ്രതികരണത്തിന് കാരണമെന്നും റൈഡര്‍ പൂര്‍ണ ആരോഗ്യവാനായി തിരിച്ചെത്തിക്കഴിഞ്ഞാല്‍ അദ്ദേഹത്തില്‍ നിന്ന് കൂടുതല്‍ വിവരങ്ങള്‍ ശേഖരിക്കുമെന്നും അന്വേഷണ സംഘത്തിലെ സീനിയര്‍ സര്‍ജന്‍റ് ബ്രയാന്‍ ആര്‍ച്ചെര്‍ പറഞ്ഞു.

ഇതിനിടെ സംഭവവുമായി ബന്ധപ്പെട്ട് 20-ഉം 37-ഉം വയസ്സുള്ള രണ്ടുപേര്‍ക്കെതിരെ പോലീസ് കേസെടുത്തിട്ടുണ്ട്. ജാമ്യത്തിലിറങ്ങിയ ഇവര്‍ വ്യാഴാഴ്ച ക്രിസ്റ്റ്യന്‍ ചര്‍ച്ച് ജില്ലാകോടതിയില്‍ വീണ്ടും ഹാജരാവും.

ഐ.പി.എല്‍. താര ലേലത്തില്‍ ഡല്‍ഹി ഡെയര്‍ഡെവിള്‍സ് 1.41. കോടിക്ക് സ്വന്തമാക്കിയ റൈഡറുടെ സേവനം, അദ്ദേഹത്തിന് പരിക്കേറ്റതോടെ താത്കാലികമായി ടീമിന് നഷ്ടമായിരിക്കയാണ്.
Other stories in this section:
  • ഗ്രെക്കോ റോമന്‍ ഗുസ്തി: ഇന്ത്യയ്ക്ക് തിരിച്ചടി
  • അശ്വിനി, ജിതിന്‍ പോള്‍ ഫൈനലില്‍, ജോസഫ് യോഗ്യത നേടിയില്ല
  • പത്താംനാള്‍ മനം നിറയാന്‍ ഇരട്ടപ്പൊന്ന്‌
  • സീമ പൂനിയക്ക് സ്വര്‍ണം, ജെയ്ഷയ്ക്ക് വെങ്കലം
  • ബാസ്‌ക്കറ്റ്‌ബോള്‍: ഇന്ത്യന്‍ വനിതകള്‍ക്ക് ജയം
  • സ്വര്‍ണമണിഞ്ഞ് സാനിയ-സാകേത് സഖ്യം
  • കബഡി: ഇന്ത്യയ്ക്ക് രണ്ടാം ജയം
  • ജക്കാര്‍ത്തയില്‍ സ്വര്‍ണമണിയും: ദീപിക
  • ബോക്‌സിങ്: വികാസ് കൃഷ്ണന്‍ ക്വാര്‍ട്ടറില്‍
  • ടേബിള്‍ ടെന്നിസ്: അങ്കിതയ്ക്ക് ജയം; മൂന്ന് ടീമുകള്‍ പ്രീക്വാര്‍ട്ടറില്‍
  • ഗുസ്തി: ബജ്‌രംഗിന് വെള്ളി, നര്‍സിങ്ങിന് വെങ്കലം
  • സെപക് തക്രോ: പുരുഷന്മാര്‍ക്ക് ജയം, വനിതകള്‍ തോറ്റു
  • ഇഞ്ചിയോണിലെ പൂങ്‌സാന്‍
  • എഷ്യാഡ് മെഡല്‍ ജേതാക്കള്‍ക്ക് രാഷ്ട്രപതിയുടെ അഭിനന്ദനം
  • വഴുതിപ്പോയ സ്വര്‍ണസ്മിതം
  • യോരുമുളിലെ താരത്തിളക്കം
  • പിറന്നാള്‍ദിനത്തിലെ വിജയദീപിക
  • കരവിരുതിന്റെ ചക്രവര്‍ത്തിമാര്‍
  •