THURSDAY, APRIL 24, 2014
ബാഴ്‌സയ്ക്ക് നിരാശ; ബയറണ്‍ മുന്നോട്ട്
Posted on: 04 Apr 2013



പാരീസ്: പരിക്കുകളാണ് മത്സരത്തില്‍ അപ്രതീക്ഷിതമായി വഴങ്ങിയ സമനില (2-2) യേക്കാള്‍ ബാഴ്‌സലോണയെ വലയ്ക്കുന്നത്. പാരീസ് സാന്‍ ഷര്‍മാങ്ങി (പി.എസ്.ജി.) നെതിരെ ചാമ്പ്യന്‍സ് ലീഗ് ഫുട്‌ബോള്‍ ക്വാര്‍ട്ടര്‍ ആദ്യപാദത്തിലെ സമനില ബാഴ്‌സയുടെ സെമി സാധ്യതകള്‍ തെല്ലും കുറയ്ക്കുന്നില്ല. എന്നാല്‍, പ്രധാന താരം ലയണല്‍ മെസ്സിയുടെയും പ്രതിരോധ നിര താരം ഹാവിയര്‍ മസ്‌കെരാനോയുടെയും പരിക്കുകള്‍ അവരെ വേദനിപ്പിക്കുന്നു. മസ്‌കെരാനോയ്ക്ക് ഒരുമാസത്തോളം വിശ്രമം വേണ്ടിവരുമെന്നത് പ്രതിരോധത്തിലെ അവരുടെ വേദന കൂട്ടുകയും ചെയ്യുന്നു.

എവേ മത്സരത്തില്‍ നേടിയ രണ്ട് ഗോളുകള്‍ ബാഴ്‌സയുടെ സെമി സാധ്യതകള്‍ ശക്തമാക്കി നിര്‍ത്തുന്നുണ്ടെങ്കിലും രണ്ടുവട്ടം പിന്നില്‍നിന്ന് തിരിച്ചടിച്ച് നേടിയ സമനില പി.എസ്.ജി.യുടെയും ആത്മവിശ്വാസം ഉയര്‍ത്തുന്നു. ബാഴ്‌സയുടെ പ്രതിരോധത്തെ അതിവേഗ നീക്കങ്ങളിലൂടെ കീഴ്‌പ്പെടുത്താനാകുമെന്ന് തെളിയിക്കുന്നതായിരുന്നു പി.എസ്.ജി. നേടിയ സമനില.

മ്യൂണിക്കില്‍, ബയറണ്‍ മ്യൂണിക്ക് സെമിയിലേക്ക് കാലൂന്നിക്കഴിഞ്ഞു. ഇറ്റാലിയന്‍ ടീം യുവന്‍റസിനെ തോല്പിച്ചതോടെ (2-0) സാധ്യതകള്‍ അവര്‍ക്കൊപ്പമായി. ടൂറിനില്‍ നടക്കുന്ന രണ്ടാം പാദത്തില്‍ മൂന്ന് ഗോള്‍ വ്യത്യാസത്തില്‍ തോല്‍ക്കാതിരുന്നാല്‍ ജര്‍മന്‍ ടീമിന് തുടരെ രണ്ടാംതവണ ചാമ്പ്യന്‍സ് ലീഗ് സെമി കളിക്കാം.

Other stories in this section:
  • ആഞ്ചലോട്ടി മാഞ്ചസ്റ്ററിന്‍റെ പരിശീലകനായേക്കും
  • ചെന്നൈക്ക് രണ്ടാം ജയം
  • ഡോ. ബിനു ജോര്‍ജ് വര്‍ഗീസ് സംസ്ഥാന സ്‌പോര്‍ട്‌സ് കൗണ്‍സില്‍ സെക്രട്ടറി
  • കുറാഷ് ചാമ്പ്യന്‍ഷിപ്പ് : അമിത്തിനും ജിപ്‌സണും സ്വര്‍ണം
  • ഫിഡെ ചെസ് കോട്ടയ്ക്കലില്‍
  • മലിംഗ ടി 20 ക്യാപ്റ്റന്‍
  • മലബാര്‍ ബാഡ്മിന്റണ്‍ അക്കാദമി യാഥാര്‍ഥ്യത്തിലേക്ക്
  • മികച്ച പരിശീലകര്‍ വേണം - സൈന
  • അത്‌ലറ്റിക്കൊ ചെല്‍സിയുടെ കുരുക്കില്‍
  • ചുച്ചോയ്ക്കുവേണ്ടി ഇക്വഡോര്‍
  •