SATURDAY, NOVEMBER 01, 2014
മെസ്സി മാജിക്കില്‍ അര്‍ജന്റീന
Posted on: 24 Mar 2013


ലാറ്റിനമേരിക്ക: കൊളംബിയയ്ക്കും ജയം

ബ്യൂണസ്‌ഐറിസ്: സ്‌ട്രൈക്കര്‍ ഗോണ്‍സാലോ ഹിഗ്വെയ്‌ന്റെ ഇരട്ട ഗോളുകളും ലോകഫുട്‌ബോളര്‍ ലയണല്‍ മെസ്സിയുടെ മാജിക്കും വിധിനിര്‍ണയിച്ച ലാറ്റിനമേരിക്കന്‍ ലോകകപ്പ് യോഗ്യതാ മത്സരത്തില്‍ വെനിസ്വേലയ്‌ക്കെതിരെ അര്‍ജന്റീനയ്ക്ക് തകര്‍പ്പന്‍ ജയം(3-0). മറ്റ് മത്സരങ്ങളില്‍ കൊളംബിയ ബൊളീവിയയെയും (5-0), പെറു ചിലിയെയും (1-0) തോല്പിച്ചു. ഉറുഗ്വായ്-പാരഗ്വായ് മത്സരം സമനിലയില്‍ പിരിഞ്ഞു (1-1).
വെനിസ്വേലയ്‌ക്കെതിരെ കളിയുടെ 29, 59 മിനിറ്റുകളില്‍ ഹിഗ്വെയ്ന്‍ വല ചലിപ്പിച്ചപ്പോള്‍ 45-ാം മിനിറ്റില്‍ പെനാല്‍റ്റിയിലൂടെയായിരുന്നു മെസ്സിയുടെ ഗോള്‍. രണ്ടിലേറെ തവണ മെസ്സിയുടെ തകര്‍പ്പന്‍ഷോട്ടുകള്‍ വെനിസ്വേല ഗോളി രക്ഷപ്പെടുത്തിയില്ലായിരുന്നെങ്കില്‍ വന്‍മാര്‍ജിനില്‍ അര്‍ജന്റീന ജയം നേടുമായിരുന്നു. ഒന്‍പത് രാജ്യങ്ങളടങ്ങിയ ലാറ്റിനമേരിക്കന്‍ ഗ്രൂപ്പില്‍ ഒന്‍പത് ഗോളുകള്‍ നേടിയ മെസ്സി ടോപ്‌സ്‌കോറര്‍ സ്ഥാനം നിലനിര്‍ത്തി.
ജയത്തോടെ ഗ്രൂപ്പില്‍ 10 കളികളില്‍ നിന്ന് 23 പോയന്റുമായി അര്‍ജന്റീന ഒന്നാം സ്ഥാനത്താണ്. രണ്ടാം സ്ഥാനത്തുള്ള കൊളംബിയ(19)യെക്കാള്‍ നാലും മൂന്നാം സ്ഥാനത്തുള്ള ഇക്വഡോറി(17)നെക്കാള്‍ ആറും പോയന്റുകളുടെ ലീഡ് അര്‍ജന്റീനയ്ക്കുണ്ട്.
കൊളംബിയ ബൊളീവിയയെ അക്ഷരാര്‍ഥത്തില്‍ നിഷ്പ്രഭമാക്കിയാണ് വിജയം പിടിച്ചെടുത്തത്. മാക്‌നെലി ടോറസ്(20), കാര്‍ലോസ് വാല്‍ഡസ്(49), തിയോഫിലോ ഗുട്ടിറെസ്(62), റഡാമെല്‍ ഫാല്‍ക്കാവോ (87), പാബ്ലോ അമേറോ(90) എന്നിവരായിരുന്നു കൊളംബിയയുടെ സ്‌കോറര്‍മാര്‍. പെറുവിനെതിരെ ജെഫേഴ്‌സണ്‍ ഫര്‍ഫാന്റെ 87-ാം മിനിറ്റിലെ ഗോളാണ് ചിലിക്ക് ജയമൊരുക്കിയത്. ലിവര്‍പൂള്‍ സ്‌ട്രൈക്കര്‍ ലൂയി സുവാരസ് 82-ാം മിനിറ്റില്‍ ഉറുഗ്വായെ മുന്നിലെത്തിച്ചെങ്കിലും നാല് മിനിറ്റുകള്‍ക്കുള്ളില്‍ എഡ്ഗാര്‍ ബെനിറ്റ്‌സ്(86) പാരഗ്വായുടെ സമനില ഗോള്‍ നേടി.
മധ്യ അമേരിക്കന്‍ (കോണ്‍കാ കാഫ്) യോഗ്യതാ മത്സരങ്ങളില്‍ അമേരിക്ക കോസ്റ്റാറിക്കയെ(1-0) കീഴടക്കി. മറ്റൊരു മത്സരത്തില്‍ മെക്‌സിക്കോ ഹോണ്ടുറാസുമായി സമനിലയില്‍ പിരിഞ്ഞു (2-2).
Other stories in this section:
  • എസ്.ബി.ടി.ജേതാക്കള്‍
  • തിരുവനന്തപുരത്തിന് കിരീടം
  • സൂപ്പര്‍ലീഗിന്റെ നഷ്ടങ്ങള്‍
  • പോലീസ് ഫുട്‌ബോള്‍: 22 ടീമുകളിലായി സൂപ്പര്‍ താരങ്ങള്‍ പാലക്കാട്ടെത്തും
  • ഷട്ടില്‍ ബാഡ്മിന്റണ്‍ ചാമ്പ്യന്‍ഷിപ്പിന് തുടക്കം
  • എം.എല്‍.എ. ട്രോഫി: ലോഗോ പ്രകാശനം ചെയ്തു
  • ഹെബാസിനെതിരായ നടപടിയില്‍ ഇളവ്‌
  • അന്തര്‍ജില്ലാ സബ് ജൂനിയര്‍ ഫുട്‌ബോള്‍: സെമിഫൈനല്‍ ഇന്ന്‌
  • മിന്നിയത് എലാനോ കോളടിച്ചത് ചെന്നൈയ്ക്ക്
  • അഖിലേന്ത്യാ വനിതാ ക്രിക്കറ്റ് സൂപ്പര്‍ലീഗ് ഇന്നുമുതല്‍
  • സംസ്ഥാന ടെന്നിസ് ടൂര്‍ണമെന്റിന് തുടക്കം
  • വനിതാ ക്രിക്കറ്റ് മത്സരങ്ങള്‍ ഇന്ന് തുടങ്ങും
  • ബി.സി.സി.െഎ.യുടെ ആദ്യ മത്സരത്തിന് ആലപ്പുഴയില്‍ പിച്ചൊരുങ്ങി
  • സംസ്ഥാന സ്‌കൂള്‍ നീന്തല്‍: തിരുവനന്തപുരം കിരീടം നിലനിര്‍ത്തി
  • യൂനിസിന് ഡബ്ള്‍ പാകിസ്താന് കൂറ്റന്‍ സ്‌കോര്‍
  • വിജയത്തിനായ് ഗോവ കുതിപ്പ് തുടരാന്‍ ഡല്‍ഹി
  • സംസ്ഥാന ഫെന്‍സിങ് ചാമ്പ്യന്‍ഷിപ്പിന് തുടക്കമായി
  • വിമലിന്റെ പരിശീലനം ഗുണംചെയ്‌തെന്ന് സൈന
  • പോലീസ് ഫുട്ബാള്‍: 22 ടീമുകളിലായി സൂപ്പര്‍ താരങ്ങള്‍ പാലക്കാട്ടെത്തും
  • വനിതാ ക്രിക്കറ്റ് ഇന്നുമുതല്‍
  •