TUESDAY, SEPTEMBER 02, 2014
പ്രായത്തട്ടിപ്പ് :ഒരു താരത്തിന് അയോഗ്യത
Posted on: 31 Jan 2013


ഇറ്റാവ: പ്രായത്തട്ടിപ്പ് വിവാദം ദേശീയ സ്‌കൂള്‍ കായികമേളയിലേക്കും. സബ്ജൂനിയര്‍ പെണ്‍കുട്ടികളുടെ ലോങ്ജമ്പില്‍ വെള്ളിമെഡല്‍ നേടിയ ത്രിപുര താരത്തെയാണ് ജനനസര്‍ട്ടിഫിക്കറ്റ് തിരുത്തി മത്സരിച്ചതിന്റെ പേരില്‍ അയോഗ്യയാക്കിയത്. മീനാട്ടി സിന്‍ഹയ്ക്കാണ് അയോഗ്യത. മീനാട്ടി ലോങ്ജമ്പില്‍ നേടിയ വെള്ളിമെഡല്‍ തിരിച്ചുവാങ്ങുകയും ചെയ്തു.
ഇതേയിനത്തില്‍ നാലാം സ്ഥാനത്തുവന്ന തമിഴ്‌നാടിന്റെ എസ്. ഹര്‍ഷിനിയുടെ അച്ഛന്‍ നല്‍കിയ പരാതിയാണ് പ്രായത്തട്ടിപ്പ് പുറത്തുകൊണ്ടുവന്നത്. കഴിഞ്ഞവര്‍ഷം ലുധിയാനയിലും അണ്ടര്‍-14 വിഭാഗത്തില്‍ മീനാട്ടി മത്സരിച്ചിരുന്നു. വെങ്കലം നേടുകയും ചെയ്തു. ഇക്കുറി ജൂനിയര്‍ തലത്തില്‍ മത്സരിക്കേണ്ടിയിരുന്ന താരം, ജനനസര്‍ട്ടിഫിക്കറ്റ് തിരുത്തിയാണ് ഇവിടെയെത്തിയത്. മീനാട്ടി കഴിഞ്ഞവര്‍ഷം മത്സരിച്ചുജയിച്ചതിന്റെ രേഖയടക്കമാണ് ഹര്‍ഷിനിയുടെ അച്ഛന്‍ പരാതിപ്പെട്ടത്. മീനാട്ടി അയോഗ്യയായതോടെ ഹര്‍ഷിനിക്ക് വെങ്കലം ലഭിച്ചു. ഇതേയിനത്തില്‍ മത്സരിച്ച കേരളതാരം ഫാത്തിമ അഞ്ചാം സ്ഥാനത്തേക്ക് കയറുകയും ചെയ്തു.

Other stories in this section:
  • ജര്‍മനി-അര്‍ജന്റീന പോരാട്ടത്തിന് മെസ്സിയില്ല
  • ശ്രീനിവാസന് ബി.സി.സി.ഐ. പ്രസിഡന്‍റ് സ്ഥാനം നല്‍കാനാവില്ല
  • യു.എസ്. ഓപ്പണ്‍: ഷറപ്പോവ പുറത്ത്‌
  • പരമ്പര ജയിക്കാന്‍ ഇന്ത്യ
  • ഐ.എസ്.എല്‍. ടെക്‌നിക്കല്‍ സംഘം സ്റ്റേഡിയം സന്ദര്‍ശിച്ചു
  • ഇബ്രാഹിമോവിച്ചിന് ഹാട്രിക്‌
  • ഏകദിന റാങ്കിങ്ങില്‍ ഇന്ത്യ ഒന്നാമത്‌
  • റയലിന് അട്ടിമറി തോല്‍വി, ബാഴ്‌സയ്ക്ക് ജയം
  • ഫാല്‍ക്കാവോ മാഞ്ചസ്റ്ററില്‍
  •