FRIDAY, OCTOBER 31, 2014
ഇന്ത്യ ഇന്ന് വിന്‍ഡീസിനെതിരെ
Posted on: 31 Jan 2013


വനിതാ ക്രിക്കറ്റ് ലോകകപ്പിന് ഇന്ന് തുടക്കം



മുംബൈ: പത്താം വനിതാ ഏകദിന ലോകകപ്പ് ക്രിക്കറ്റിന് ബ്രാബോണ്‍ സ്റ്റേഡിയത്തില്‍ ഇന്ത്യ-വെസ്റ്റിന്‍ഡീസ് മത്സരത്തോടെ അരങ്ങുണരും. എട്ട് ടീമുകള്‍ മാറ്റുരയ്ക്കുന്ന ലോകകപ്പില്‍ ഗ്രൂപ്പ് 'എ' കളികളാണ് മുംബൈയില്‍ നടക്കുന്നത്. പാകിസ്താന്‍ ടീമിനെതിരെ ശിവസേനാ തുടങ്ങിയ സംഘടനകള്‍ പ്രതിഷേധവുമായി രംഗത്തുവന്നതിനെത്തുടര്‍ന്ന് അവരുള്‍പ്പെട്ട 'ബി' ഗ്രൂപ്പിലെ മത്സരങ്ങള്‍ കട്ടക്കിലാണ് നടക്കുക. നിലവിലെ ചാമ്പ്യന്മാരായ ഇംഗ്ലണ്ടും ശ്രീലങ്കയുമാണ് 'എ' ഗ്രൂപ്പിലെ മറ്റ് ടീമുകള്‍.

ഓസ്‌ട്രേലിയ, ന്യൂസീലന്‍ഡ്, ദക്ഷിണാഫ്രിക്ക, പാകിസ്താന്‍ ടീമുകളാണ് 'ബി' ഗ്രൂപ്പില്‍. ഗ്രൂപ്പ്ഘട്ടം കഴിയുമ്പോള്‍ മുന്നിലെത്തുന്ന മൂന്ന് ടീമുകള്‍ വീതം സൂപ്പര്‍ സിക്‌സ് റൗണ്ടില്‍ കടക്കും. സൂപ്പര്‍ സിക്‌സ് റൗണ്ടില്‍ പോയന്‍റ് നിലയില്‍ മുന്നിലെത്തുന്ന രണ്ട് ടീമുകള്‍ കിരീടത്തിനായി പോരാടും. ഫിബ്രവരി 17-നാണ് ഫൈനല്‍.

ഇന്ത്യയുടെ രണ്ടാം മത്സരം ഫിബ്രവരി മൂന്നിന് ഇംഗ്ലണ്ടുമായാണ്. അവസാന ഗ്രൂപ്പ് മത്സരത്തില്‍ അഞ്ചിന് ശ്രീലങ്കയുമായി ഇന്ത്യ മാറ്റുരയ്ക്കും. വെസ്റ്റിന്‍ഡീസുമായുള്ള ഉദ്ഘാടനമത്സരം പകലും രാത്രിയുമായിട്ടാണ് നടക്കുന്നത്. ഉച്ചയ്ക്ക് രണ്ടര മണിക്ക് കളി തുടങ്ങും. മുംബൈയിലെ മത്സരങ്ങള്‍ മൂന്ന് സ്റ്റേഡിയങ്ങളിലായിട്ടാണ്. ബ്രാബോണിനു പുറമേ മിഗ് ക്ലബ്, ബാന്ദ്ര കുര്‍ള കോംപ്ലക്‌സ് ഗ്രൗണ്ട് എന്നിവയാണ് മത്സര വേദികള്‍. ഇന്ത്യയുടെ പുരുഷ ടീം ലോകകപ്പ് രണ്ടാംവട്ടം നേടിയ വാംഖഡെയില്‍ വനിതാ ലോകകപ്പ് നടത്താത്തത് ചിറ്റമ്മനയമാണെന്ന ആക്ഷേപം നിലനില്ക്കുന്നുണ്ട്.

നിലവിലെ മൂന്നാം സ്ഥാനക്കാരാണ് ഇന്ത്യ. ബാറ്റിങ്ങിലെ നെടുംതൂണായ മിഥാലി രാജാണ് ടീമിനെ നയിക്കുന്നത്. മുന്‍ ക്യാപ്റ്റനും പേസ് ബൗളറുമായ ജുലന്‍ ഗോസ്വാമി, പൂനം റൗട്ട്, വിക്കറ്റ് കീപ്പര്‍ സുലക്ഷണ നായ്ക്, അമിതാ ശര്‍മ, വൈസ് ക്യാപ്റ്റന്‍ ഹര്‍മന്‍പ്രീത് കൗര്‍, കാമിനി, കരുണ, ബൗളര്‍മാരായ ഗൗഹര്‍ സുല്‍ത്താന, നിരഞ്ജന എന്നിവരാണ് ഇന്ത്യന്‍ നിരയിലെ പ്രമുഖര്‍. നാലുവട്ടം ചാമ്പ്യന്മാരായ ഇംഗ്ലണ്ടാണ് 'എ' ഗ്രൂപ്പിലെ ഏറ്റവും കരുത്തുറ്റ ടീം. ഫിബ്രവരി ഒന്നിന് ലങ്കയ്‌ക്കെതിരെയാണ് അവരുടെ ആദ്യ മത്സരം.

'ബി' ഗ്രൂപ്പിലെ മത്സരങ്ങള്‍ കട്ടക്കില്‍ ഫിബ്രവരി ഒന്നിന് ഓസ്‌ട്രേലിയ-പാകിസ്താന്‍ മത്സരത്തോടെ ആരംഭിക്കും.

Other stories in this section:
  • മാഫിയകളോട് കളിക്കാന്‍ വയ്യ; ടീമുകള്‍ തോല്‍ക്കാനടിച്ചത് അഞ്ച് സെല്‍ഫ് ഗോള്‍
  • സംസ്ഥാന സ്‌കൂള്‍ നീന്തല്‍: തിരുവനന്തപുരം കിരീടമുറപ്പിച്ചു
  • രോഹിതിനും മനീഷിനും സെഞ്ച്വറി; ഇന്ത്യ 'എ'യ്ക്ക് ജയം
  • സബ് ജൂനിയര്‍ ഫുട്‌ബോള്‍: പാലക്കാട് സെമിയില്‍
  • കൊല്‍ക്കത്ത ഐ.എസ്.എല്‍. ടീമിനെ സ്വന്തമാക്കാനാവാത്തതില്‍ ഷാരൂഖിന് നിരാശ
  • അണ്ടര്‍ 19 വനിതാ സൂപ്പര്‍ ലീഗ് ക്രിക്കറ്റ് കേരളത്തില്‍
  • സിബിഎസ്ഇ ഷട്ടില്‍: അസ്സീസിക്കും ടോക് എച്ചിനും ജയം
  • ദക്ഷിണ മേഖലയ്ക്ക് ഒന്നാമിന്നിങ്‌സ് ലീഡ്‌
  • കാത്തിരുന്ന മലയാളിഗോള്‍
  • നീന്തല്‍കുളത്തില്‍ പൊന്‍പറവ;കുഞ്ഞുജീവിതത്തിലില്ല തിളക്കമൊട്ടും
  • സംസ്ഥാന പോലീസ് ഫുട്‌ബോള്‍ പാലക്കാട്ട്‌
  • കായികമന്ത്രാലയത്തിനെതിരെ പേസ്
  • അസ്ഹറിനും യൂനിസിനും സെഞ്ച്വറി ; പാകിസ്താന്‍ 2ന് 304
  • റയലിന് ജയം: സിറ്റിക്കും യുവന്റസിനും തോല്‍വി
  • നിലവാരം കൂട്ടാന്‍ ഹോക്കിയില്‍ 'മാനേജര്‍മാര്‍' വരുന്നു
  • 12-ാം ലോകകിരീടം പങ്കജ് ചരിത്രം കുറിച്ചു
  • കേരള ഫുട്‌ബോളിന്റെ സന്തോഷസ്മരണകള്‍ക്ക് ഇന്ന് പത്താണ്ട്
  • ദേശീയ ജൂനിയര്‍ വടംവലി: കേരളത്തെ ജിബിന്‍ തോമസ് നയിക്കും
  • ടേബിള്‍ ടെന്നീസ് നാളെ മുതല്‍
  •