MONDAY, JANUARY 26, 2015
സന്തോഷ് ട്രോഫി പരിശീലന ക്യാമ്പ് ജനവരി രണ്ട് മുതല്‍
Posted on: 23 Dec 2012


കൊച്ചി: അറുപത്തേഴാമത് സന്തോഷ് ട്രോഫിക്കുവേണ്ടിയുള്ള കേരള ടീമിന്റെ കോച്ചിങ് ക്യാമ്പ് ജനവരി രണ്ടിന് തിരുവനന്തപുരത്ത് ആരംഭിക്കും. 40 ദിവസത്തെ ക്യാമ്പിലേക്കുള്ള സെലക്ഷന്‍ 28 ന് നടക്കും. മലബാറില്‍ ദേശീയ ചാമ്പ്യന്‍ഷിപ്പ് നടത്താന്‍ അനുയോജ്യമായ ഗ്രൗണ്ടുകളില്ലെന്ന് എ ഐ എഫ് എഫ് കണ്ടെത്തിയ സാഹചര്യത്തില്‍ സന്തോഷ് ട്രോഫി മത്സരങ്ങള്‍ എറണാകുളത്തും കൊല്ലത്തും നടത്താനാണ് സാദ്ധ്യതയെന്ന് കേരള ഫുട്‌ബോള്‍ അസോസിയേഷന്‍ പ്രസിഡന്‍റ് കെ.എം.ഐ. മേത്തര്‍ പറഞ്ഞു.

കേരള ഫുട്‌ബോള്‍ അസോസിയേഷന്റെ പങ്കാളിത്തത്തോടെ, കേരള ഫുട്‌ബോളിന്റെ വളര്‍ച്ച ലക്ഷ്യമാക്കി വിവിധ പരിശീലന പരിപാടികള്‍ക്ക് സ്‌പോര്‍ട്‌സ് അതോറിറ്റി ഓഫ് ഇന്ത്യ (കേരള) രൂപം നല്‍കിയിട്ടുള്ളതായി ഡയറക്ടര്‍ ഡോ. ജി കിഷോര്‍ അറിയിച്ചു. ഏഷ്യന്‍ ഫുട്‌ബോള്‍ കോണ്‍ഫെഡറേഷന്‍, ഫിഫ, എ ഐ എഫ് എഫ് എന്നിവയുടെ പങ്കാളിത്തത്തോടെയാണ് പരിപാടികള്‍. പരിശീലകര്‍ക്കായി തുടര്‍ വിദ്യഭ്യാസ പദ്ധതിക്ക് രൂപം കൊടുത്തിട്ടുണ്ട്. റിഫ്രഷര്‍- ഓറിയന്‍േറഷന്‍ കോഴ്‌സുകളും നടത്തും. റഫറിമാര്‍ക്കു തുടര്‍ വിദ്യാഭ്യാസ പരിപാടി ലക്ഷ്യമിടുന്നു. ഫുട്‌ബോള്‍ കളിക്കാരുടെ പ്രകടനം മെച്ചപ്പെടുത്തുക, പരിക്കുകള്‍ തടയുക എന്നീ ഉദ്ദേശ്യങ്ങളോടെ സ്‌പോര്‍ട്‌സ് സയന്‍സ് വകുപ്പില്‍ നിന്ന് ശാസ്ത്രീയമായ പിന്തുണ ലഭ്യമാക്കും. ഉത്തേജക മരുന്നുകളുടെ വിപത്തുകളെക്കുറിച്ച് കളിക്കാരെ ബോധവത്കരിക്കും. കെ.എഫ്.എ. യുടെ വിഷന്‍ ഇന്ത്യ പ്രോജക്ട് കോഴിക്കോട് സായിയുടെയും കൊല്ലം സായിയുടെയും പരിശീലനപരിപാടികളുടെ ഫീഡര്‍ ആക്കി മാറ്റുവാന്‍ ലക്ഷ്യമിട്ടിട്ടുള്ളതായും അദ്ദേഹം പറഞ്ഞു.

പത്രസമ്മേളനത്തില്‍ കെ എഫ് എ ജനറല്‍ സെക്രട്ടറി അനില്‍ കുമാര്‍, സായി അസിസ്റ്റന്‍റ് ഡയറക്ടര്‍ പ്രേംജിത്ത് ലാല്‍ എന്നിവര്‍ പങ്കെടുത്തു.

 

 

 

Other stories in this section:
  • ജയകുമാര്‍, ഫിറോസ് ഷെരീഫ്... ഇത്തവണ ആരുടെ ഊഴം
  • ആദ്യജയം തേടി ഇന്ത്യ
  • ന്യൂസീലന്‍ഡിന് പരമ്പര
  • സംസ്ഥാന ഗുസ്തി ടീമിനെ എം.ആര്‍. രജീഷും വിഷ്ണുപ്രിയയും നയിക്കും
  • സായിയുടെ സെലക്ഷന്‍ ട്രയല്‍ 28-ലേക്ക് മാറ്റി
  • ഫുട്‌ബോള്‍: ഷിബിന്‍ലാല്‍ നായകന്‍
  • നദാല്‍, മറെ ഷറപ്പോവ ക്വാര്‍ട്ടറില്‍
  • ലജോങ്ങിന് ജയം
  • റാഞ്ചി റെയ്‌സിന് ജയം
  • റയലിനും ബാഴ്‌സയ്ക്കും ജയം
  • എഫ്.എ. കപ്പ് : ചെല്‍സി, മാഞ്ചസ്റ്റര്‍ സിറ്റി പുറത്ത്‌
  • എട്ടാം അങ്കത്തിനൊരുങ്ങി കേരളത്തിന്റെ പൊന്നുമോള്‍
  •