SUNDAY, FEBRUARY 01, 2015
ബോള്‍ട്ട് മനസ്സുമാറ്റി; മെസ്സിതന്നെ സൂപ്പര്‍
Posted on: 28 Nov 2012


ബാഴ്‌സലോണ: റയല്‍ മാഡ്രിഡിന്റെ പോര്‍ച്ചുഗല്‍ താരം ക്രിസ്റ്റ്യാനോ റൊണാള്‍ഡോയുടെ ഏറ്റവും വിലകൂടിയ ആരാധകനായിരുന്നു ഉസൈന്‍ ബോള്‍ട്ട്. വേഗത്തിന്റെ പര്യായമായ ബോള്‍ട്ട്, മാഞ്ചസ്റ്റര്‍ യുണൈറ്റഡിലും പിന്നീട് റയല്‍ മാഡ്രിഡിലുമെത്തി തന്റെ ആരാധനാമൂര്‍ത്തിയെ പലതവണ കണ്ടിരുന്നു. മെസ്സിയെക്കാള്‍ എന്തുകൊണ്ടും മികച്ച ഫുട്‌ബോളര്‍ ക്രിസ്റ്റ്യാനോയാണെന്ന് പലതവണ തുറന്നുപറഞ്ഞിട്ടുള്ള ബോള്‍ട്ട്, കഴിഞ്ഞ ആഗസ്തില്‍ ഒന്നുകൂടി കടത്തിപ്പറഞ്ഞു. ലോക ഫുട്‌ബോളര്‍ ബഹുമതി ഞാനാണ് നല്‍കുന്നതെങ്കില്‍, അത് ക്രിസ്റ്റ്യാനോയ്ക്കായിരിക്കും. മികവും സ്ഥിരതയും പ്രകടിപ്പിച്ച് മുന്‍നിരയില്‍ നില്‍ക്കുന്ന ക്രിസ്റ്റ്യാനോ കഴിഞ്ഞേ മറ്റാരും വരൂ-പോര്‍ച്ചുഗീസ് ചാനല്‍ ആര്‍.ടി.പി.യോട് സംസാരിക്കവേ, ബോള്‍ട്ട് പറഞ്ഞു.
എന്നാല്‍, നൂറുമീറ്റര്‍ ഫിനിഷ് ചെയ്യുന്നതിനെക്കാള്‍ വേഗം ബോള്‍ട്ടിന്റെ മനസ്സുമാറിയിരിക്കുകയാണ് ഇപ്പോള്‍. ബാഴ്‌സലോണയിലെത്തി അന്താരാഷ്ട്ര അത്‌ലറ്റിക് ഫെഡറേഷന്റെ ഏറ്റവും മികച്ച അത്‌ലറ്റിനുള്ള ബഹുമതി സ്വീകരിച്ചശേഷം സംസാരിക്കവേ, ബോള്‍ട്ട് മലക്കം മറിഞ്ഞു.
ഞാനിപ്പോള്‍ അര്‍ജന്റീനയുടെ കടുത്ത ആരാധകനാണ്. അതിനുള്ള ഏകകാരണം ലയണല്‍ മെസ്സി അവിടെ കളിക്കുന്നെന്നതുതന്നെ. മെസ്സിയാണ് എനിക്കേറ്റവും പ്രിയപ്പെട്ട ഫുട്‌ബോള്‍ താരം. ബാഴ്‌സലോണ ഇക്കുറി സ്പാനിഷ് ലീഗ് കിരീടം നേടുമെന്ന് ഞാന്‍ കരുതുന്നു.
മെസ്സിയെയും ക്രിസ്റ്റ്യാനോയെയും താരതമ്യപ്പെടുത്താന്‍ പറഞ്ഞപ്പോള്‍ ബോള്‍ട്ട് അഭിപ്രായപ്പെട്ടതിങ്ങനെ. സ്പീഡ്: ക്രിസ്റ്റ്യാനോ, ഷോട്ട്: ക്രിസ്റ്റ്യാനോ, ഡ്രിബ്ലിങ്: മെസ്സി, ബുദ്ധി: മെസ്സി, പ്രതിഭ: മെസ്സി, അപ്പോള്‍ ജേതാവും മെസ്സി തന്നെ.
പോര്‍ച്ചുഗീസ് ചാനലിനോട് ആഗസ്തില്‍ ക്രിസ്റ്റ്യാനോയ്ക്ക് അനുകൂലമായി സംസാരിച്ച ബോള്‍ട്ട് ബാഴ്‌സലോണയിലെത്തിയപ്പോള്‍ മലക്കം മറിഞ്ഞതിന്റെ കാരണം, സംസാരിച്ചത് ബാഴ്‌സയില്‍വെച്ചായതുകൊണ്ടാണെന്ന് പറയുന്നവരുണ്ട്. എന്നാല്‍, മെസ്സിയുടെ സീസണിലെ മിന്നുന്ന ഫോമാണ് ബോള്‍ട്ടിന്റെ മനസ്സുമാറ്റിയതെന്ന് മെസ്സിയുടെ ആരാധകര്‍ പറയുന്നു.

 

 

 

Other stories in this section:
  • നാല് സ്വര്‍ണം; കരുത്തറിയിച്ച് ഹരിയാണ
  • തകര്‍പ്പന്‍ ജയത്തോടെ ഓസ്‌ട്രേലിയക്ക് കിരീടം
  • രഞ്ജി: കേരളത്തിന് ആദ്യ ജയം
  • ടെന്നിസ്: കേരള വനിതകള്‍ക്ക് തോല്‍വി
  • പേസ്-ഹിംഗിസ് സഖ്യത്തിന് കിരീടം
  • ആദ്യ സ്വര്‍ണം സഞ്ജിത ചാനുവിന്‌
  • ഫുട്‌ബോള്‍: കേരള വനിതകള്‍ക്ക് ജയം
  • ഹോക്കിയില്‍ കേരളം നാണംകെട്ടു
  • ഫുട്‌ബോള്‍: ഗോവയ്ക്ക് തകര്‍പ്പന്‍ തുടക്കം
  • മാഞ്ചസ്റ്റര്‍, ലിവര്‍പൂള്‍, റയല്‍ ടീമുകള്‍ക്ക് ജയം
  • ന്യൂകാസിലിന് ജയം
  • പായ്വഞ്ചിയോട്ട ടീമുകള്‍ പരിശീലനം നടത്തി
  • ഫുട്‌ബോള്‍ ലൈവ്‌
  • രഞ്ജിട്രോഫി: കേരളം ജയത്തിലേക്ക്്്
  • ദേശീയ ഗെയിംസ്: തൃശ്ശൂരില്‍ സമാന്തര ബോക്‌സിങ് ടീം തിരഞ്ഞെടുപ്പ്‌
  • കോടതി ഇടപെട്ടു; ഷൂട്ടിങ് വനിതാ താരം ദേശീയ ഗെയിംസിന്‌
  • ദേശീയ ഗെയിംസ്: റോവിങ് ഹീറ്റ്‌സ് മത്സരങ്ങള്‍ ഇന്നുമുതല്‍
  • ജലകായിക വേദിയില്‍ സംഘാടകനായി പത്മശ്രീജേതാവ്
  • പ്രൗഢം, വര്‍ണോജ്വലം
  • ഓസ്‌ട്രേലിയ ഏഷ്യന്‍ ഫുട്‌ബോള്‍ ചാമ്പ്യന്മാര്‍
  •