THURSDAY, JULY 31, 2014
ദക്ഷിണാഫ്രിക്കയ്ക്ക് സമനില
Posted on: 14 Nov 2012


ബ്രിസ്‌ബേന്‍: വിജയത്തിനരികില്‍ നിന്ന് ഓസ്‌ട്രേലിയന്‍ ക്യാപ്റ്റന്‍ മൈക്കല്‍ ക്ലാര്‍ക്ക് തട്ടിയെടുത്ത ഒന്നാം ടെസ്റ്റില്‍ ദക്ഷിണാഫ്രിക്ക സമനില സ്വന്തമാക്കി. ബ്രിസ്‌ബേനില്‍ 115 റണ്‍സ് ലീഡോടെ ഒന്നാം ഇന്നിങ്‌സ് ഡിക്ലയര്‍ ചെയ്ത ആതിഥേയര്‍ക്കെതിരെ അവസാനദിനം കരുതലോടെ ബാറ്റേന്തിയാണ് ദക്ഷിണാഫ്രിക്ക സമനില സ്വന്തമാക്കിയത്. സ്‌കോര്‍: ദക്ഷിണാഫ്രിക്ക 450, അഞ്ചിന് 166. ഓസ്‌ട്രേലിയ അഞ്ചിന് 565 ഡിക്ലയേഡ്.

നാലിന് 487 റണ്‍സെന്ന നിലയില്‍ അഞ്ചാം ദിനം ബാറ്റിങ് തുടങ്ങിയ ഓസ്‌ട്രേലിയ ക്യാപ്റ്റന്‍ മൈക്കല്‍ ക്ലാര്‍ക്കിന്റെയും (259 നോട്ടൗട്ട്) മൈക്ക് ഹസിയുടെയും (100) മികവിലാണ് വന്‍ സ്‌കോര്‍ പടുത്തുയര്‍ത്തിയത്. ഓപ്പണര്‍ എഡ് കോവനൊപ്പം 259 റണ്‍സിന്റെ കൂട്ടുകെട്ടുണ്ടാക്കിയ ക്ലാര്‍ക്ക്, അഞ്ചാം വിക്കറ്റില്‍ ഹസിക്കൊപ്പം 228 റണ്‍സുകൂടി ചേര്‍ത്തു. 398 പന്ത് നേരിട്ട ക്ലാര്‍ക്ക്, 26 ബൗണ്ടറികളടക്കമാണ് 259 റണ്‍സെടുത്തത്. കരിയറിലെ 17-ാം സെഞ്ച്വറിയാണ് ഹസി നേടിയത്. 129 പന്തുകളില്‍ 13 ബൗണ്ടറികളടക്കമാണ് ഹസി മൂന്നക്കം കടന്നത്.

115 റണ്‍സ് ലീഡ് വഴങ്ങിയ ദക്ഷിണാഫ്രിക്ക രണ്ടാമിന്നിങ്‌സില്‍ അഞ്ചിന് 166 എന്നനിലയില്‍ നില്‍ക്കെ മത്സരത്തില്‍ സമനിലയില്‍ അവസാനിച്ചു. ക്ലാര്‍ക്കാണ് കളിയിലെ താരം. നവംബര്‍ 22 മുതല്‍ അഡ്‌ലെയ്ഡിലാണ് രണ്ടാം ടെസ്റ്റ്.
Other stories in this section:
  • ലിസിക്കിക്ക് സര്‍വ്വേഗത്തില്‍ റെക്കോഡ്‌
  • നീന്തലില്‍ ഓസീസ് കുത്തക തകര്‍ത്ത് ഇംഗ്ലണ്ട്: ട്രാക്കില്‍ ജമൈക്ക
  • ടെവസിന്റെ അച്ഛനെ തട്ടിക്കൊണ്ടുപോയി; 30 ലക്ഷം നല്‍കി മോചിപ്പിച്ചു
  • മാഞ്ചസ്റ്റര്‍ അപരാജിത കുതിപ്പില്‍
  • ചന്ദ്രകാന്ത് മാലിക്ക് വെങ്കലം
  • ബോക്‌സിങ്: പിങ്കിയും മന്‍ദീപും സെമിയില്‍
  • അന്താരാഷ്ട്ര ക്രിക്കറ്റില്‍നിന്ന് കാലിസ് വിരമിച്ചു
  • ഗോദയില്‍ വെള്ളിവെളിച്ചം
  • ബാഡ്മിന്റണില്‍ ഇന്ത്യന്‍ മുന്നേറ്റം
  • ടിന്റു സെമിയില്‍, മയൂഖ പുറത്ത്‌
  • ഇന്ത്യയ്ക്ക് 266 റണ്‍സ് തോല്‍വി
  •