ചരമം

പാലക്കാട്: ജൈനമേട് കുളത്തില്‍ ഞായറാഴ്ച കാണാതായ ആളെ തിങ്കളാഴ്ച മരിച്ചനിലയില്‍ കണ്ടെത്തി. ശേഖരീപുരം കുളത്തൂപ്പുഴ ശശിയാണ് (40) മരിച്ചത്.
കുളക്കരയില്‍ വസ്ത്രങ്ങള്‍ കണ്ടതിനെത്തുടര്‍ന്ന് കുളത്തില്‍ ആരോ മുങ്ങിപ്പോയിട്ടുണ്ടെന്ന് കരുതി പാലക്കാട് അഗ്നിശമനസേനയും നാട്ടുകാരും തിരച്ചില്‍ നടത്തി. ഉച്ചമുതല്‍ രാത്രിവരെ തിരച്ചില്‍ നടത്തിയെങ്കിലും ആളെ കണ്ടെത്താനായില്ല. ഞായറാഴ്ച മൃതദേഹം പൊന്തുകയായിരുന്നു. പോസ്റ്റ്‌മോര്‍ട്ടത്തിനുശേഷം മൃതദേഹം സംസ്‌കരിച്ചു.
ഡ്രൈവറാണ് ശശി. ഭാര്യ: പരേതയായ രാധ. മകന്‍: പാര്‍ഥസാരഥി.

സ്വാതന്ത്ര്യസമര സേനാനിമുത്തുസ്വാമി
പൊള്ളാച്ചി:
സ്വാതന്ത്ര്യസമരസേനാനി മുത്തുസ്വാമി (94) അന്തരിച്ചു. ആനമല സുബ്ബേകൗണ്ടന്‍പുതൂര്‍ സ്വദേശിയാണ്. ഏതാനും ദിവസം മുമ്പാണ് ഭാര്യ മയിലമ്മാള്‍ മരിച്ചത്.

മലമ്പുഴ: മന്തക്കാട് ശാസ്താകോളനി ഏച്ചന്‍പുരയില്‍ എന്‍. രാഘവന്‍ (69) അന്തരിച്ചു. മില്‍മ കാലിത്തീറ്റ കമ്പനി റിട്ട. ജീവനക്കാരനാണ്. ഭാര്യ: വേശു. മക്കള്‍: രാജീവ്, രാകേഷ്, രഞ്ജിത്ത്. മരുമക്കള്‍: സരിത, സോണി. ശവസംസ്‌കാരം ബുധനാഴ്ച 12-ന് കടുക്കാംകുന്നം പൊതുശ്മശാനത്തില്‍.

രുക്മിണിയമ്മ

ചെര്‍പ്പുളശ്ശേരി: ചളവറ പുലിയാനാംകുന്ന് പനമ്പറ്റവീട്ടില്‍ പരേതനായ ഗോവിന്ദക്കുറുപ്പിന്റെ ഭാര്യ രുക്മിണിയമ്മ (77) അന്തരിച്ചു. മക്കള്‍: ഉണ്ണിക്കൃഷ്ണന്‍, കമലാമണി, ഷീല. മരുമക്കള്‍: ശാന്തി, വിജയകുമാര്‍, പരേതനായ ശങ്കരനാരായണന്‍.

രാജകുമാരന്‍
മുണ്ടൂര്‍:
മീനങ്ങാട് പരേതനായ നാഗന്റെ മകന്‍ രാജകുമാരന്‍ (53) അന്തരിച്ചു. ഭാര്യ: പങ്കജം. മക്കള്‍: രമ്യ, രാജേഷ്, രജിത. മരുമകന്‍: സജിത്ത്. ശവസംസ്‌കാരം ബുധനാഴ്ച 10ന് ചന്ദ്രനഗര്‍ വൈദ്യുതശ്മശാനത്തില്‍.

വേലമ്മ
പുതുനഗരം:
കരിപ്പോട്തറ മതിലകവീട്ടില്‍ ചാത്തുള്ളിയുടെ ഭര്യ വേലമ്മ (95) അന്തരിച്ചു. മകന്‍: പഴണിമല. മരുമകള്‍: കുഞ്ഞുലക്ഷ്മി.

മുതലമട: പുളിയന്തോണിയിലെ പാറക്കുളത്തില്‍ കുളിക്കുന്നതിനിടെ ഒന്‍പതുകാരന്‍ മുങ്ങിമരിച്ചു. ഏനാറവീട്ടില്‍ രാമചന്ദ്രന്‍- രേണുക ദമ്പതിമാരുടെ മകന്‍ അശ്വിനാണ് മരിച്ചത്. ചൊവ്വാഴ്ച മൂന്നരയോടെയാണ് സംഭവം. കൂട്ടുകാരുമായി കുളിക്കുന്നതിനിടെയാണ് അപകടം സംഭവിച്ചത്. മൃതദേഹം ജില്ലാ ആശുപത്രി മോര്‍ച്ചറിയില്‍. സഹോദരങ്ങള്‍: കൃഷ്ണപ്രിയ, അശ്വതി.

ലക്കിടി: പേരൂര്‍ പൂക്കാട്ടുകുന്നില്‍ എഴുപത്തേഴുകാരിയെ തീവണ്ടി തട്ടി മരിച്ച നിലയില്‍ കണ്ടെത്തി. പരേതനായ പേരൂര്‍ ഗാന്ധിസേവാസദന്‍ കല്ലമ്പറമ്പില്‍ ആറുമുഖന്റെ ഭാര്യ തങ്കയാണ് (77) മരിച്ചത്. ചൊവ്വാഴ്ച 11 മണിയോടെ പേരൂരിനും പൂക്കാട്ടുകുന്നിനുമിടയ്ക്കായിരുന്നു സംഭവമെന്ന് പോലീസ് പറഞ്ഞു. ഒറ്റപ്പാലം പോലീസെത്തി തുടര്‍നടപടികള്‍ സ്വീകരിച്ചു.
മക്കള്‍: ഷണ്മുഖന്‍ (കല്ലേക്കാട് പോലീസ് ക്യാമ്പ്), ശാന്ത, പ്രേമ. മരുമക്കള്‍: ലീല, ബാലന്‍, ബാലന്‍.
ശവസംസ്‌കാരം ബുധനാഴ്ച 12ന് ഐവര്‍മഠം ശ്മശാനത്തില്‍.

രാമകൃഷ്ണന്‍
വണ്ടിത്താവളം:
കന്നിമാരി കല്യാണപ്പേട്ട പാര്‍വതിനിവാസില്‍ രാമകൃഷ്ണന്‍ (96) അന്തരിച്ചു. ഭാര്യ: പരേതയായ പാര്‍വതി. മക്കള്‍: പരേതയായ രുക്മിണി, പരേതനായ രാജന്‍, സുന്ദരന്‍, ശിവരാമന്‍ (അഭിഭാഷകന്‍ ചിറ്റൂര്‍ബാര്‍), പരമന്‍, സത്യഭാമ, വസുന്ധര. മരുമക്കള്‍: കുഞ്ഞന്‍, ചന്ദ്രന്‍, രവി, ദേവകി, ഉഷ (അര്‍ബന്‍ബാങ്ക്, പാലക്കാട്), സരസു, സുനിത.

എം.പി. സൗന്ദരാംബാള്‍
പാലക്കാട്:
ലക്ഷ്മീനാരായണപുരം എം.പി. സൗന്ദരാംബാള്‍ (85) അന്തരിച്ചു. ഭര്‍ത്താവ്: പരേതനായ വി.എസ്. മണിയന്‍. മക്കള്‍: എല്‍.എസ്. വിശ്വനാഥന്‍, പരമേശ്വരന്‍ (രമേഷ്), രാമഗോപാലകൃഷ്ണന്‍ (രവിവാധ്യാര്‍), രാമചന്ദ്രന്‍, ജ്യോതി, മീനാക്ഷി.
മരുമക്കള്‍: സുധ, എല്‍.കെ. സുധ, ആര്‍. ദീപ, ചിത്ര, പരേതനായ ഗോപാലകൃഷ്ണന്‍, പ്രകാശ്.
ശവസംസ്‌കാരം ചൊവ്വാഴ്ച രാവിലെ ഒമ്പതിന് മാട്ടുമന്ത പൊതുശ്മശാനത്തില്‍.
ജയകുമാര്‍
പിരായിരി:
ശിവകൃപയില്‍ കൊല്ലങ്കോട് ചക്കുങ്കല്‍വീട്ടില്‍ ജയകുമാര്‍ (രാമു-48) അന്തരിച്ചു. അച്ഛന്‍: പുരുഷോത്തമ തരവനാര്‍. അമ്മ: കമലം. സഹോദരങ്ങള്‍: ജ്യോതിനാരായണന്‍, ജയകൃഷ്ണന്‍, ജയരാജ്, ജയലക്ഷ്മി.

കാറും ബൈക്കും കൂട്ടിയിടിച്ച് ഒരാള്‍ മരിച്ചു
കരിങ്കല്ലത്താണി:
ദേശീയപാതയില്‍ കരിങ്കല്ലത്താണി സെന്റ് മേരീസ് ആശുപത്രിക്കുസമീപം കാറും ബൈക്കും കൂട്ടിയിടിച്ച് ബൈക്ക് യാത്രികന്‍ മരിച്ചു. താഴേക്കോട് വെള്ളാപ്പള്ളി വീട്ടില്‍ മുഹമ്മദാലിയുടെ മകന്‍ അബ്ബാസാണ് (55) മരിച്ചത്. തിങ്കളാഴ്ച 11.30നായിരുന്നു അപകടം. കുടുംബവീടായ കരിങ്കല്ലത്താണി നെല്ലിപ്പറമ്പിലേക്ക് വരുമ്പോഴാണ് അപകടമുണ്ടായത്. ഉടന്‍ പെരിന്തല്‍മണ്ണയിലെ സ്വകാര്യ ആശുപത്രിയിലെത്തിച്ചെങ്കിലും രക്ഷിക്കാനായില്ല.
വളരെക്കാലമായി ഗള്‍ഫിലാണ് ജോലി. നാട്ടില്‍ താഴേക്കോടാണ് താമസം.
ഉമ്മ: ഖദീജ. ഭാര്യ: നൂര്‍ജഹാന്‍. മക്കള്‍: ലത്തീഫ്, ജമീല.
സഹോദരങ്ങള്‍: ഹനീഫ, സത്താര്‍, ഹുസൈനാര്‍, നജീബ്, ഹസ്സന്‍. ഖബറടക്കം ചൊവ്വാഴ്ച നെല്ലിപ്പറമ്പ് ജുമാമസ്ജിദ് ഖബര്‍സ്ഥാനില്‍.

ദേവു
കൊല്ലങ്കോട്:
നെന്മേനി വിരുത്തിയില്‍ കുഞ്ചുവിന്റെ ഭാര്യ ദേവു (73) അന്തരിച്ചു. മക്കള്‍: കലാധരന്‍, കനകരാജന്‍, സത്യഭാമ, ഗീത, ഗിരിജ. മരുമക്കള്‍: സുഭദ്ര, മിനിമോള്‍, ജയാനന്ദന്‍, വിജയന്‍, മണികണ്ഠന്‍.

പൊന്നു
കൊല്ലങ്കോട്:
പല്ലശ്ശന അണ്ണക്കോട് വീട്ടില്‍ പരേതനായ കുഞ്ചുവേലന്റെ മകള്‍ പൊന്നു (68) അന്തരിച്ചു. സഹോദരങ്ങള്‍: കോയു, പരേതനായ ഗോപാലന്‍, നാണി. ശവസംസ്‌കാരം ചൊവ്വാഴ്ച ഒന്‍പതിന് തൂറ്റിപ്പാടം ശ്മശാനത്തില്‍.

ദേവകിയമ്മ
കടമ്പഴിപ്പുറം:
ആലങ്ങാട് ചല്ലിയില്‍വീട്ടില്‍ ദേവകിയമ്മ (95) അന്തരിച്ചു. മക്കള്‍: അച്യുതന്‍നായര്‍, ജാനകിയമ്മ, പരേതനായ ഗോവിന്ദന്‍കുട്ടി, ദാക്ഷായണി, കെ. രാമന്‍കുട്ടി (റിട്ട. പ്രധാനാധ്യാപകന്‍, കടമ്പൂര്‍ ഗവ. എച്ച്.എസ്.എസ്.), ഗോപാലകൃഷ്ണന്‍, നാരായണന്‍കുട്ടി.

അംബുജാക്ഷി
പുത്തൂര്‍:
മാത്തൂര്‍ താഴത്തെവീട്ടില്‍ പുരുഷോത്തമന്‍ നായരുടെ ഭാര്യ എടത്തറ നായകത്ത് അംബുജാക്ഷി (66) വെള്ളോലി ലൈനിലെ അനുഗ്രഹയില്‍ അന്തരിച്ചു. പരേതനായ ചിന്നന്‍ നായരുടെയും കൗസല്യ അമ്മയുടെയും മകളാണ്. മക്കള്‍: രജനി, രാജേഷ്. മരുമക്കള്‍: വിനയരാജ്, ബിന്ദു. സഹോദരങ്ങള്‍: ശക്തിധരന്‍, വിശാലം, പ്രേമ, രഘുനാഥന്‍. ശവസംസ്‌കാരം ചൊവ്വാഴ്ച 11-ന് ഐവര്‍മഠം ശ്മശാനത്തില്‍.

പി. രാജേന്ദ്രന്‍
കൊടുമ്പ്:
തിരുവാലത്തൂര്‍ പൊന്‍കാട്ടെ വീട്ടില്‍ പരേതനായ നന്ദകുമാരന്‍ നായരുടെ മകന്‍ പി. രാജേന്ദ്രന്‍ (45) അന്തരിച്ചു. അമ്മ: പരേതയായ ലക്ഷ്മീദേവി അമ്മ. ഭാര്യ: സുഷമ. മക്കള്‍: മിഥുന്‍രാജ്, നിഥിന്‍രാജ്.

പാറുക്കുട്ടി
കല്ലേക്കുളങ്ങര:
'സോപാന'ത്തില്‍ പരേതനായ എ. രാമന്റെ ഭാര്യ പാറുക്കുട്ടി (89) അന്തരിച്ചു. മക്കള്‍: വേലായുധന്‍ (റിട്ട. തമിഴ്‌നാട് വൈദ്യുതിബോര്‍ഡ്), ധനഭാഗ്യം, യമുന. ശവസംസ്‌കാരം ചൊവ്വാഴ്ച എട്ടിന് ഐവര്‍മഠം ശ്മശാനത്തില്‍.

എം.വി. രവീന്ദ്രന്‍
കുലുക്കല്ലൂര്‍:
ഇന്ത്യന്‍ നേവിയില്‍നിന്ന് ഓണററി ലഫ്റ്റനന്റായി വിരമിച്ച തത്തനംപള്ളി രവിമന്ദിരത്തില്‍ എം.വി. രവീന്ദ്രന്‍ (70) അന്തരിച്ചു. പരേതരായ കെ.ജി. മാസ്റ്ററുടെയും ദേവകിക്കുട്ടിയമ്മയുടെയും മകനാണ്. ഭാര്യ: ഇന്ദിര. മക്കള്‍: അര്‍ച്ചന, അനിത. മരുമക്കള്‍: അരുണ്‍ (യു.കെ.), വംശീകൃഷ്ണ (ഹൈദരാബാദ്). സഹോദരങ്ങള്‍: മാനസി, എം.വി. മോഹനന്‍, വിജയന്‍. ശവസംസ്‌കാരം ചൊവ്വാഴ്ച 11-ന് ഷൊര്‍ണൂര്‍ ശാന്തിതീരത്ത്.

SHOW MORE