ചെര്‍പ്പുളശ്ശേരി: ചളവറ ചെമ്പരത്തിമാട് മലയില്‍ തീപ്പിടിത്തത്തിനുപിന്നാലെയുണ്ടായ സംഘര്‍ഷത്തില്‍ രണ്ടുപേര്‍ക്ക് പരിക്ക്. കാരാട്ടുകുറുശ്ശിസ്വദേശി ശ്രീകേഷിനെ ഒറ്റപ്പാലം താലൂക്കാസ്​പത്രിയിലും ആറംകുന്നത്ത്കാവ്‌സ്വദേശി മണികണ്ഠനെ ചെര്‍പ്പുളശ്ശേരി ഗവ. ആസ്​പത്രിയിലും പ്രവേശിപ്പിച്ചു.

വ്യാഴാഴ്ചരാത്രി എട്ടരയോടെയാണ് വനംവകുപ്പിന്റെ കീഴിലുള്ള ചെമ്പരത്തിമാട്മലയില്‍ തീപ്പിടിത്തമുണ്ടായത്. മലയിലുള്ള അക്വേഷ്യ, തേക്ക് എന്നിവ അഗ്‌നിക്കിരയായി. സംഭവത്തെച്ചൊല്ലി പരസ്​പരമുണ്ടായ വാക്കേറ്റമാണ് സംഘര്‍ഷത്തിലെത്തിയത്.

ശ്രീകേഷിന്റെ പരാതിപ്രകാരം മണികണ്ഠനെതിരെയും മണികണ്ഠന്റെ പരാതിപ്രകാരം ശ്രീകേഷ്, രഘു, കോരന്‍, ചാമി, രാമകൃഷ്ണന്‍, രാജന്‍, ഉണ്ണി എന്നിവര്‍ക്കെതിരെയും കേസെടുത്തതായി ചെര്‍പ്പുളശ്ശേരി എസ്.ഐ. എ. ദീപകുമാര്‍ അറിയിച്ചു.