ഇന്ത്യക്കാരന് ഷിക്കാഗോ ബിസിനസ് സ്കൂള് മേധാവി
Posted on: 30 Jul 2010
ഷിക്കാഗോ: ഷിക്കാഗോ സര്വകലാശാലയുടെ വിഖ്യാതമായ ബൂത്ത് ബിസിനസ് സ്കൂളിന്റെ മേധാവിയായി ഇന്ത്യന് വംശജനായ മാനേജ്മെന്റ് ഗുരു സുനില്കുമാറിനെ നാമനിര്ദേശം ചെയ്തു. നിലവില് സ്റ്റാന്ഫഡ് സര്വകലാശാലയുടെ ഗ്രാജ്വേറ്റ് ബിസിനസ് സ്കൂളിന്റെ സീനിയര് ഡീന് ആയി പ്രവര്ത്തിച്ചുവരികയാണ് 42-കാരനായ സുനില്കുമാര്. അഞ്ച് വര്ഷത്തേക്കാണ് നിയമനം. 2011 ജനവരി ഒന്നിനാണ് ചുമതലയേറ്റെടുക്കേണ്ടത്. ഇന്ത്യയില് ജനിച്ച സുനില് ഇല്ലിനോയി സര്വകലാശാലയില്നിന്ന് ഇലക്ട്രിക്കല് എന്ജിനീയറിങ്ങിലാണ് പിഎച്ച്.ഡി. നേടിയത്. സാമ്പത്തികശാസ്ത്ര പശ്ചാത്തലമില്ലാത്ത ഒരാള് സ്കൂള് മേധാവിയാവുന്നത് അപൂര്വമാണ്.
Tags: Mathrubhumi Newspaper Edition. Kerala, India, Asia, World News. Malayalam
»> News in this Section