ദേവരാജന് സ്മരണകളില് ഒ.എന്.വി. 'ശക്തിഗാഥ അവാര്ഡ്' ഏറ്റുവാങ്ങി
Posted on: 15 Mar 2010
തിരുവനന്തപുരം: ദേവരാജന് സ്മരണകള് നിറഞ്ഞുനിന്ന വി.ജെ.ടി. ഹാളില് മലയാളത്തിന്റെ പ്രിയകവി ഒ.എന്.വി. കുറുപ്പ്, 'ജി. ദേവരാജന്- ശക്തിഗാഥ' അവാര്ഡ് ഏറ്റുവാങ്ങി. ദേവരാജനുമായി ചേര്ന്നുള്ള നിരവധി ദീപ്തസ്മരണകള്ക്ക് വേദിയായ വി.ജെ.ടി. ഹാളില്വെച്ച് അവാര്ഡ് ഏറ്റുവാങ്ങാനായത് യാദൃച്ഛികമായിരിക്കാമെന്ന് ഒ.എന്.വി. പറഞ്ഞു.
''1946-47 കാലഘട്ടത്തില് തിരുവനന്തപുരം യൂണിവേഴ്സിറ്റി കോളേജില് പഠിക്കുന്ന കാലം. വി.ജെ.ടി. ഹാളില്വെച്ച് ദേവരാജനോടൊപ്പം പാട്ടുകാരനല്ലായിരുന്ന ഞാനും പാടിയിട്ടുണ്ട്. അതും ദേവരാജന്റെ സംഗീതസംഘത്തില് പാടാത്ത പാട്ടുകാരനായി''-ഒ.എന്.വി. കുറുപ്പ് പഴയ ഓര്മകളിലേക്ക് പോയി.
മന്ത്രി ബിനോയ് വിശ്വം, 'ജി. ദേവരാജന് ശക്തിഗാഥ അവാര്ഡ്' ഒ.എന്.വി.ക്ക് നല്കി. പെരുമ്പുഴ ഗോപാലകൃഷ്ണന് അധ്യക്ഷനായിരുന്നു. പിരപ്പന്കോട് മുരളി, സതീഷ് രാമചന്ദ്രന്, ജി. സോമശേഖരന് നായര് എന്നിവര് പ്രസംഗിച്ചു. ശക്തിഗാഥ ക്വയറിന്റെ ദേവരാജന് ഗാനാഞ്ജലിയും ഉണ്ടായിരുന്നു.
Tags: Mathrubhumi Newspaper Edition. Kerala, India, Asia, World News. Malayalam
»> News in this Section