സോണിയാഗാന്ധി ദശകത്തിലെ വനിത
Posted on: 11 Mar 2010
കോഴിക്കോട്: മാതൃഭൂമി ഓണ്ലൈനിന്റെ വനിതാ ചാനലായ mb4eves.comലോക വനിതാദിനത്തോടനുബന്ധിച്ച് നടത്തിയ അഭിപ്രായ വോട്ടെടുപ്പില് കഴിഞ്ഞ ദശകത്തിലെ ഏറ്റവും ശ്രദ്ധേയ വനിതയായി സോണിയാഗാന്ധി തിരഞ്ഞെടുക്കപ്പെട്ടു. 52 ശതമാനം വോട്ട് നേടിയാണ് സോണിയ മുന്നിലെത്തിയത്. പ്ലാച്ചിമട സമരനായിക മയിലമ്മ 13 ശതമാനം വോട്ട് നേടി രണ്ടാമതെത്തിയപ്പോള് ബഹിരാകാശത്ത് ആദ്യമായെത്തിയ ഇന്ത്യക്കാരി സുനിതാ വില്യംസ് 9 ശതമാനം വോട്ടോടെ മൂന്നാമതെത്തി.മണിപ്പുരില് പത്തുവര്ഷമായി നിരാഹാരസമരം തുടരുന്ന ഇറോം ശര്മിള 8.5 ശതമാനം വോട്ടും രാഷ്ട്രപതി പ്രതിഭാപാട്ടീല് 6 ശതമാനം വോട്ടും നേടി. ബാഡ്മിന്റണ് താരം സൈന നേവാളിന് 4 ശതമാനവും ബോളിവുഡ്താരം ഐശ്വര്യറായിക്ക് മൂന്നു ശതമാനം വോട്ടും മാത്രമാണ് നേടാനായത്. ടെന്നീസ്താരം സാനിയ മിര്സയ്ക്ക് രണ്ടു ശതമാനവും ലോങ്ജമ്പ്താരം അഞ്ജുബോബി ജോര്ജ് 1.5 ശതമാനവും മായാവതി, മീരാകുമാര് എന്നിവര്ക്ക് അരശതമാനം വോട്ടുമാണ് ലഭിച്ചത്.
Tags: Mathrubhumi Newspaper Edition. Kerala, India, Asia, World News. Malayalam
»> News in this Section