സി.ഐ മാര്‍ക്ക് സ്ഥലംമാറ്റം

തിരുവനന്തപുരം: ഏഴ് സര്‍ക്കിള്‍ ഇന്‍സ്‌പെക്ടര്‍മാരെ മാറ്റി നിയമിച്ചു. സി.ഐ. മാരുടെ പേര് ചുവടെ.

ബ്രായ്ക്കറ്റില്‍ പുതിയ സ്ഥലം. സുരേഷ് കുമാര്‍. എസ്. (പാറശ്ശാല), അനികുമാര്‍. എസ്. ( സി.ബി.സി.ഐ.ഡി., തിരുവനന്തപുരം ) , ജോണ്‍സണ്‍. കെ.ജെ. (മാവേലിക്കര), ബൈജുകുമാര്‍. കെ. (ചെങ്ങന്നൂര്‍), ബിനു. ആര്‍ (മാന്നാര്‍), ഹരികുമാര്‍. ബി (പി.ടി.സി.) , ദിനരാജ്. വി.എസ്. (ക്രൈംബ്രാഞ്ച്, തിരുവനന്തപുരം).

ഏഴ് എസ്.ഐമാര്‍ക്ക്സ്ഥാനക്കയറ്റം

തിരുവനന്തപുരം:ഏഴ് സബ് ഇന്‍സ്‌പെക്ടര്‍മാര്‍ക്ക് സര്‍ക്കിള്‍ ഇന്‍സ്‌പെക്ടര്‍മാരായി സ്ഥാനക്കയറ്റം. പേര് ചുവടെ പുതിയസ്ഥലം ബ്രാക്കറ്റില്‍. സുധാകരന്‍.പി (നീണ്ടകര), അശോക്കുമാര്‍ (ക്രൈംബ്രാഞ്ച്,കോട്ടയം), ജിനദേവന്‍ (വിജിലന്‍സ്), ഷാജി.സി.എ (ക്രൈംബ്രഞ്ച്, തിരുവനന്തപുരം), ചന്ദ്രലാല്‍ കെ.എം, സുധാകരന്‍.ഡി, ബെന്നി കെ.വി (മൂവരും വിജിലന്‍സ്).

വാക്ക് ഇന്‍ ഇന്റര്‍വ്യൂ

തിരുവനന്തപുരം: സംസ്ഥാന തീരദേശ വികസന കോര്‍പ്പറേഷന്റെ നിര്‍മാണപ്രവര്‍ത്തനങ്ങളുടെ മേല്‍നോട്ടം നിര്‍വഹിക്കുന്നതിന് ബി.ടെക്/ബി.ഇ. സിവില്‍ എന്‍ജിനീയറിങ് യോഗ്യത ഉള്ളവര്‍ക്കായി വാക്ക് ഇന്‍ ഇന്റര്‍വ്യൂ നടത്തുന്നു. 27ന് രാവിലെ 9.30ന് തീരദേശ വികസന കോര്‍പ്പറേഷന്‍ എറണാകുളം റീജണല്‍ ഓഫീസിലാണ് (സലിം അലി റോഡ്, ഫിഷറീസ് ജോയിന്റ് ഡയറക്ടര്‍ ഓഫീസ്, രണ്ടാംനില, ന്യൂ ഹൈക്കോര്‍ട്ടിന് സമീപം, എറണാകുളം ഫോണ്‍നമ്പര്‍ 0484-2390121) ഇന്റര്‍വ്യൂ.

ടെക്‌നോത്തലണ്‍തിരുവനന്തപുരത്ത്

തിരുവനന്തപുരം: ഗൗഹാട്ടി ഐ.ഐ.ടി വിദ്യാര്‍ത്ഥികള്‍ നടത്തുന്ന 'ടെക്‌നോത്തലണ്‍ 13' അന്താരാഷ്ട്ര സ്‌കൂള്‍ ചാമ്പ്യന്‍ഷിപ്പ് തിരുവനന്തപുരത്ത് നടത്തും. ഇതിന്റെ ഭാഗമായുള്ള പ്രാഥമിക എഴുത്തുപരീക്ഷ ജൂലായ് 14ന് നടത്തും. രണ്ടു വിഭാഗങ്ങളിലായിട്ടായിരിക്കും പരീക്ഷ. ഇപ്പോള്‍ 10 ലും 11 ലും പഠിക്കുന്നവര്‍ക്ക് ഒരു പരീക്ഷയും 8 ലും 9 ലും പഠിക്കുന്നവര്‍ക്ക് മറ്റൊരു പരീക്ഷയുമുണ്ടാകും. രണ്ടുപേരടങ്ങുന്നതാണ് ടീം. ഒരു ടീമിനുള്ള രജിസ്‌ട്രേഷന്‍ ഫീസ് 100 രൂപയായിരിക്കും. തിരുവനന്തപുരത്ത്, കവടിയാര്‍ ഗോള്‍ഫലിങ്ക്‌സിലുള്ള മാത്ത് ഐ.ഐ.ടി യായിരിക്കും പരീക്ഷാകേന്ദ്രം. പ്രാഥമികപരീക്ഷയുടെ അടിസ്ഥാനത്തില്‍, തിരഞ്ഞെടുക്കപ്പെടുന്നവര്‍ക്ക് ഐ.ഐ.ടി ഗൗഹാട്ടിയിലെ തുടര്‍ മത്സരത്തില്‍ പങ്കെടുക്കാം. വിവരങ്ങള്‍ തിരുവനന്തപുരത്തെ പ്രതിനിധിയായ വിജയ് വിശ്വനാഥില്‍ നിന്നുമറിയാം Vijayviswanath1994@gmail.com, 09633707708.

സീറ്റൊഴിവ്

സി-ഡിറ്റിന്റെ പോസ്റ്റ് ഗ്രാജുവേറ്റ് ഡിപ്ലോമ ഇന്‍ സയന്‍സ് ആന്‍ഡ് ഡെവലപ്പ്‌മെന്റ് കമ്മ്യൂണിക്കേഷന്‍ (പി.ജി.ഡി.എസ്.ഡി.സി.) പോസ്റ്റ് ഗ്രാജുവേറ്റ് ഡിപ്ലോമ ഇന്‍ ടെലിവിഷന്‍ ആന്‍ഡ് ന്യൂ മീഡിയ ജേര്‍ണലിസം (പി.ജി.ഡി.ടി.എന്‍.ജെ.) എന്നീതൊഴിലധിഷ്ഠിത കോഴ്‌സുകളുടെ 2012-13 ബാച്ചില്‍ സീറ്റ് ഒഴിവുണ്ട്. ഫോണ്‍: 9995586468.

'സൈന്‍സി'ലേക്ക് എന്‍ട്രികള്‍ ക്ഷണിച്ചു

തിരുവനന്തപുരം: 'സൈന്‍സ്'- ജോണ്‍ എബ്രഹാം ദേശീയപുരസ്‌കാരത്തിനായുള്ള ഡോക്യുമെന്ററികളുടെയും ഹ്രസ്വചിത്രങ്ങളുടെയും ദേശീയമേളയിലേക്ക് എന്‍ട്രികള്‍ ക്ഷണിച്ചു. ഫെഡറേഷന്‍ ഓഫ് ഫിലിം സൊസൈറ്റീസ് ഓഫ് ഇന്ത്യ -കേരള ഘടകം ആണ് മേളയുടെ സംഘാടകര്‍. ഫോണ്‍: 0471- 2479953.

എം.ബി.എ. പ്രവേശനം: 'സീമാറ്റി'ന് അപേക്ഷിക്കാം

കോഴിക്കോട്: കാലിക്കറ്റ് സര്‍വകലാശാലയില്‍ അഫിലിയേറ്റ് ചെയ്തിട്ടുള്ള കുന്ദമംഗലം ചെത്തുകടവിലുള്ള എസ്.എന്‍.ഇ.എസ്. ഇന്‍സ്റ്റിറ്റിയൂട്ട് ഓഫ് മാനേജ്‌മെന്റ് സ്റ്റഡീസ് ആന്‍ഡ് റിസര്‍ച്ചില്‍ എം.ബി.എ. കോഴ്‌സില്‍ 100 സീറ്റുകളില്‍ പ്രവേശനം നല്‍കും.

എ.ഐ.സി.ടി.ഇ. നടത്തുന്ന സീമാറ്റ് അഭിരുചി പരീക്ഷ എഴുതിയവരെ മാത്രമേ അടുത്ത അഞ്ചുവര്‍ഷത്തെ എം.ബി.എ. പ്രവേശനത്തിന് പരിഗണിക്കുകയുള്ളൂ. 2013 ഫിബ്രവരിയിലെ സീമാറ്റ് പരീക്ഷയ്ക്ക് അപേക്ഷ സമര്‍പ്പിക്കേണ്ട അവസാനതീയതി ജനവരി മൂന്ന് ആണ്. അവസാനവര്‍ഷ ബിരുദപഠനം നടത്തുന്നവര്‍ക്കും പരീക്ഷ എഴുതാം. സീമാറ്റിന് കോഴിക്കോട് ഉള്‍പ്പെടെ രാജ്യത്തെ പ്രധാനനഗരങ്ങളില്‍ പരീക്ഷാകേന്ദ്രങ്ങള്‍ ഉണ്ടാകും. വിശദവിവരങ്ങള്‍ 9447154114, 9496939922 എന്നീ നമ്പറുകളില്‍ ലഭിക്കും.

പൂര്‍വ വിദ്യാര്‍ഥി-അധ്യാപക സംഗമവും കായിക വിദ്യാഭ്യാസ സെമിനാറും

കൊച്ചി: കോഴിക്കോട് ഫിസിക്കല്‍ എഡ്യൂക്കേഷന്‍ കോളേജില്‍ നിന്ന് 1981, 82, 83 വര്‍ഷങ്ങളില്‍ പഠിച്ചിറങ്ങിയ വിദ്യാര്‍ത്ഥികളുടെ കുടുംബസംഗമവും അധ്യാപകരെ ആദരിക്കലും കായിക വിദ്യാഭ്യാസ സെമിനാറും 27ന് നടക്കും. രാവിലെ 11 മുതല്‍ എറണാകുളം അധ്യാപക ഭവനിലാണ് ചടങ്ങ്.