ഇന്നറിയാന്‍

Qപള്ളിമുക്ക് സെക്ഷന്റെ പരിധിയില്‍ ഇരവിപുരം, കാക്കത്തോപ്പ്, താന്നി, കാവല്‍പ്പുര, നാച്ചിയാര്‍ മഠം, കാര്‍മല്‍ ഭാഗങ്ങളില്‍ രാവിലെ 9 മുതല്‍ 5 വരെ വൈദ്യുതി മുടങ്ങും.

സി.ഡിറ്റ് പരീക്ഷ

തിരുവനന്തപുരം: സി-ഡിറ്റിന്റെ ആഗസ്ത് 2ന് മാറ്റിവെച്ച പി.ജി.ഡി.സി.എ. പരീക്ഷ ആഗസ്ത് 24ന് നടത്തും.

ബി.എസ്.സി. നഴ്‌സിങ് പ്രവേശനം

തിരുവനന്തപുരം: ബി.എസ്‌സി. നഴ്‌സിങ്, ബി.എസ്‌സി. എം.എല്‍.ടി, ബി.എസ്‌സി. (ഓപ്‌ടോമെട്രി), ബി.പി.ടി, ബി.എ.എസ്.എല്‍.പി, ബി.സി.വി.ടി, ബി.ഫാം, ഫാംഡി എന്നീ കോഴ്‌സുകളിലേക്ക് അലോട്ട്‌മെന്റ് കിട്ടിയവര്‍ ആഗസ്ത് 25ന് അതത് കോളേജുകളില്‍ പ്രവേശനം നേടണമെന്ന് എല്‍.ബി.എസ്. സെന്റര്‍ അറിയിച്ചു.

വിവരങ്ങള്‍ക്ക് 0471-2560361, 362, 363, 364, 365 എന്നീ നമ്പരുകളില്‍ ബന്ധപ്പെടണം.

ആകാശവാണി ഓണം പരിപാടികള്‍

തിരുവനന്തപുരം: ആകാശവാണിയുടെ കേരള നിലയങ്ങള്‍ സംയുക്തമായി ഓണം പരിപാടികള്‍ പ്രക്ഷേപണം ചെയ്യുന്നു. ആഗസ്ത് 28 മുതല്‍ 31 വരെ കേരളത്തിലെ നിലയങ്ങള്‍ പരിപാടികള്‍ സംയുക്തമായി അവതരിപ്പിക്കും.

ഉത്രാടംനാള്‍ ചൊവ്വാഴ്ചത്തെ പരിപാടികള്‍ കണ്ണൂര്‍ നിലയം അവതരിപ്പിക്കുന്നു. രാവിലെ പതിവു പരിപാടികള്‍ക്കു പുറമെ 9.30 മുതല്‍ ഉത്രാടപ്പച്ച ലളിതഗാനപരിപാടി, 10 മുതല്‍ 11 വരെ ഡോ.ബി.അരുന്ധതി പാടുന്ന മലയാള കൃതികള്‍, 11 മണിക്ക് നാടകം- സ്‌നേഹനിലാവ്, 12.05ന് ഓണവെയില്‍പൂക്കള്‍, ഒരു മണിക്ക് നടന്‍ ജയറാം അവതരിപ്പിക്കുന്ന ചലച്ചിത്രഗാനങ്ങള്‍, മൂന്നു മണിക്ക് മറത്തുകളി, നാല് മണിക്ക് ഡാഡികൂള്‍- ചലച്ചിത്ര ശബ്ദരേഖ, അഞ്ചു മണിക്ക് കഥാപ്രസംഗം, സന്ധ്യയ്ക്ക് 6.50ന് 'കണ്ടതും കേട്ടതും പിന്നെ അനുഭവിച്ചറിഞ്ഞതും', 7.35ന് 'ഓണനിലാവ്', രാത്രി 9.30ന് യക്ഷഗാനം, രാത്രി 10 മണിക്ക് നാടകഗാനങ്ങള്‍.

തിരുവോണനാളില്‍ രാവിലെ 9ന് ഭാവഗാനപൂര്‍ണിമ, 10 മണി മുതല്‍ കവിസമ്മേളനം, 11ന് മലപ്പുറം ലിറ്റില്‍ എര്‍ത്ത് തിയേറ്റര്‍ കൊളുത്തൂര്‍ അവതരിപ്പിക്കുന്ന മുച്ചീട്ടുകളിക്കാരന്റെ മകള്‍ എന്ന കഥയുടെ സ്വതന്ത്ര നാടകാവിഷ്‌കാരം, കുന്താപ്പി, ഗുലുഗുലു എന്നീ നാടകങ്ങള്‍, ഒരു മണിക്ക് നടി പദ്മപ്രിയ അവതരിപ്പിക്കുന്ന പ്രത്യേക ചലച്ചിത്ര പരിപാടി, 2.30ന് കോമഡിട്രാക്ക് -ഹാസ്യപരിപാടി, മൂന്നു മണിക്ക് നാടന്‍ പാട്ടുകള്‍, വൈകീട്ട് 4ന് 'ഫോര്‍ ഫ്രണ്ട്‌സ്'- ചലച്ചിത്ര ശബ്ദരേഖ, രാത്രി 7.35ന് ചിത്രീകരണം, 10ന് കൂടിയാട്ടം -സുഭദ്രാധനഞ്ജയം.

വ്യാഴാഴ്ച രാവിലെ 10ന് കവിസമ്മേളനം, 11ന് നാടകം -പണ്ടത്തെ പാച്ചന്‍, 12.05ന് നാടന്‍പാട്ടുകള്‍, മൂന്നു മണിക്ക് നാടന്‍ പാട്ടുകള്‍, തുടര്‍ന്ന് ഹാസ്യപരിപാടി, നാലിന് 'നീലത്താമര'- ചലച്ചിത്ര ശബ്ദരേഖ, അഞ്ചിന് ഹാസ്യപരിപാടി, 6.50ന് ഓണവും പുരാവൃത്തങ്ങളും, രാത്രി 9.30ന് നാടകം - ഓണസമ്മാനം.

വെള്ളിയാഴ്ച 10ന് ഹാസ്യനാടകം, 10.30ന് ഓണപ്പൂക്കളം -പ്രത്യേക പരിപാടി, 11ന് നാടകം -മേല്‍വിലാസം, ഒരു മണിക്ക് ചലച്ചിത്ര നടന്‍ അനൂപ്‌മേനോനുമായുള്ള ചാറ്റ്‌ഷോ, മൂന്നിന് ഹാസ്യപരിപാടി, നാലിന് 'വെറുതെ ഒരു ഭാര്യ'- ചലച്ചിത്ര ശബ്ദരേഖ, രാത്രി 10ന് കവിയും കാലവും, 10.30ന് കഥകളിപ്പദങ്ങള്‍.

ഇന്നറിയാന്‍

Qകുന്നപ്പുള്ളിക്കാവ്, 9-ാംമൈല്‍, പൂതനൂര്‍, കൂട്ടുപാത, പൊരിയാനി, മുണ്ടൂര്‍ തുടങ്ങിയ സ്ഥലങ്ങളില്‍ രാവിലെ 9മുതല്‍ വൈകീട്ട് 5 വരെ വൈദ്യുതി മുടങ്ങും.

Qനെല്ലിയാമ്പതി സബ്‌സെക്ഷന്‍ പരിധിയില്‍പ്പെടുന്ന സ്ഥലങ്ങളില്‍ രാവിലെ 9 മുതല്‍ വൈകീട്ട് 4 വരെ വൈദ്യുതിമുടങ്ങും.

ഇന്നറിയാന്‍

Qതരൂര്‍ സബ്‌സ്റ്റേഷനുകീഴിലെ വാവുള്ള്യാപുരം, പ്ലാഴി, പഴമ്പാലക്കോട് ഫീഡറുകളുടെ പരിധിയില്‍ 9.30 മുതല്‍ 5.30 വരെ വൈദ്യുതി ഭാഗികമായി മുടങ്ങും.

സ്‌ക്രൈബുമാര്‍ക്കുള്ള ഐഡന്റിറ്റി കാര്‍ഡ്

ആഗസ്ത്-സപ്തംബര്‍ മാസത്തില്‍ നടത്തുന്ന ടീച്ചര്‍ എലിജിബിലിറ്റി ടെസ്റ്റിന് സ്‌ക്രൈബിന്റെ സേവനം ലഭ്യമാക്കുന്നതിന് ആഗസ്ത് 18 വരെ അപേക്ഷ സമര്‍പ്പിച്ച പരീക്ഷാര്‍ഥികള്‍ക്ക് സ്‌ക്രൈബിനെ അനുവദിച്ചുകൊണ്ടുള്ള ഐഡന്റിറ്റി കാര്‍ഡ് ബന്ധപ്പെട്ട സെന്ററില്‍ എത്തിച്ചിട്ടുണ്ട്. പരീക്ഷാര്‍ഥികള്‍ അനുവദിച്ചിട്ടുള്ള പരീക്ഷാ സെന്ററിലെ ചീഫ് സൂപ്രണ്ടുമായി സ്‌ക്രൈബിന്റെ ഐഡന്റിറ്റി കാര്‍ഡിനായി ബന്ധപ്പെടണം. ഇനിയും സ്‌ക്രൈബിനെ അനുവദിച്ചു കിട്ടാത്ത പരീക്ഷാര്‍ഥികള്‍ പരീക്ഷാ സെന്ററിലെ ചീഫ് സൂപ്രണ്ട് വഴി ജില്ലാ വിദ്യാഭ്യാസ ഓഫീസര്‍ക്ക് പുതിയ അപേക്ഷ സമര്‍പ്പിക്കണമെന്ന് സെക്രട്ടറി അറിയിച്ചു.

കണ്ണൂര്‍ വിമാനത്താവള കണ്‍സള്‍ട്ടന്‍സി: ഹര്‍ജിയില്‍ നോട്ടീസ്

കൊച്ചി: കണ്ണൂര്‍ വിമാനത്താവളത്തിന്റെ കണ്‍സള്‍ട്ടന്‍സി മുംബൈ ആസ്ഥാനമായ സ്റ്റൂപ്പ് എന്ന സ്ഥാപനത്തിന് നല്‍കിയതിനെതിരായ ഹര്‍ജിയില്‍ നോട്ടീസ്. മിര്‍ പ്രോജക്ട്‌സ് ആണ് കോടതിയെ സമീപിച്ചിട്ടുള്ളത്. തങ്ങളാണ് കുറഞ്ഞ തുക ക്വാട്ട് ചെയ്തതെന്ന് ഹര്‍ജിക്കാര്‍ പറയുന്നു.

ജുഡീഷ്യല്‍ അന്വേഷണ ഹര്‍ജിയില്‍ നോട്ടീസ്

കൊച്ചി: തിരുവനന്തപുരത്ത് ബുദ്ധിമാന്ദ്യമുള്ള കുട്ടികള്‍ക്കു വേണ്ടിയുള്ള പാങ്ങപ്പാറ സി.എച്ച്. മുഹമ്മദ് കോയ സ്മാരക ഇന്‍സ്റ്റിറ്റിയൂട്ടില്‍ സാമ്പത്തിക ക്രമക്കേടുണ്ടെന്നാരോപിക്കുന്ന ഹര്‍ജിയില്‍ ഹൈക്കോടതി നോട്ടീസിന് ഉത്തരവിട്ടു. ഇതേപ്പറ്റി ജുഡീഷ്യല്‍ അന്വേഷണമാവശ്യപ്പെട്ട് തിരുവനന്തപുരം ഉള്ളൂര്‍ സ്വദേശി അഡ്വ. കെ.പി. സാബു സമര്‍പ്പിച്ച ഹര്‍ജിയിലാണിത്. സര്‍ക്കാരില്‍ നിന്ന് കിട്ടുന്ന ഒരു കോടി രൂപ ചെലവഴിക്കുന്നതിലാണ് ക്രമക്കേട് ആരോപിക്കുന്നത്.

സിവില്‍ സര്‍വീസ് അഭിരുചി പരീക്ഷ

കൊച്ചി: ഇന്‍സ്റ്റിറ്റിയൂട്ട് ഫോര്‍ സൈക്കോളജിക്കല്‍ എംപവര്‍മെന്റിന്റെ ആഭിമുഖ്യത്തില്‍ എട്ടാം ക്ലാസ് വിദ്യാര്‍ത്ഥികള്‍ക്കായി സിവില്‍ സര്‍വീസ് അഭിരുചി പരീക്ഷ സംഘടിപ്പിക്കും. അഭിരുചി പരീക്ഷ ജില്ലയുടെ വിവിധ കേന്ദ്രങ്ങളില്‍ സപ്തംബറില്‍ നടക്കുമെന്ന് ഐ.പി.ഇ.ആര്‍.ടി. ചെയര്‍മാന്‍ പി.പി. സുരേഷ്‌കുമാര്‍ പത്രസമ്മേളനത്തില്‍ അറിയിച്ചു.

പ്രിലിമിനറി, മെയിന്‍, ഇന്റര്‍വ്യൂ എന്നിങ്ങനെ മൂന്നു ഘട്ടങ്ങളിലായാണ് അഭിരുചി പരീക്ഷ നടത്തുന്നത്. രജിസ്‌ട്രേഷന്‍, പരീക്ഷ, ഇന്റര്‍വ്യൂ എന്നിവ തികച്ചും സൗജന്യമായിരിക്കും. താത്പര്യമുള്ളവര്‍ സ്‌കൂള്‍ അധികൃതര്‍ വഴിയോ നേരിട്ടോ www. ipert.in, www. ipert. org എന്നീ സൈറ്റുകള്‍ വഴിയോ രജിസ്റ്റര്‍ ചെയ്യാം.

ജോര്‍ജ് മാമന്‍ കൊണ്ടൂര്‍ ഹൗസ് ഫെഡ് വൈസ് ചെയര്‍മാന്‍

കൊച്ചി: കേരള സ്റ്റേറ്റ് കോ-ഓപ്പറേറ്റീവ് ഹൗസിങ് ഫെഡറേഷന്‍ വൈസ് ചെയര്‍മാനായി ജോര്‍ജ് മാമന്‍ കൊണ്ടൂരിനെ (തിരുവല്ല) തിരഞ്ഞെടുത്തു. ഹൗസ്‌ഫെഡ് ചെയര്‍മാന്റെ അധ്യക്ഷതയില്‍ കൂടിയ യോഗത്തിലാണ് തിരഞ്ഞെടുപ്പ് നടന്നത്.

ഇസ്മയില്‍ റാവുത്തര്‍ക്ക് 'കര്‍മശ്രീ' പുരസ്‌കാരം

കൊച്ചി: നോര്‍ക്ക റൂട്ട്‌സ് ഡയറക്ടറും യു.എ.ഇ.യിലെ വ്യവസായിയുമായ ഇസ്മയില്‍ റാവുത്തര്‍ക്ക് യു.കെ.യിലെ സ്വാന്‍സെ ആസ്ഥാനമായി പ്രവര്‍ത്തിക്കുന്ന കേരള കള്‍ച്ചറല്‍ അസോസിയേഷന്റെ 'കര്‍മശ്രീ' പുരസ്‌കാരം. 1,11,111 രൂപയും പ്രശസ്തിപത്രവും അടങ്ങുന്ന പുരസ്‌കാരം 29ന് യു.കെ.യില്‍ വിതരണം ചെയ്യുമെന്ന് അസോസിയേഷന്‍ സെക്രട്ടറി സിബി സേവ്യര്‍ വിതയത്തില്‍ അറിയിച്ചു. മിഡില്‍ ഈസ്റ്റിലെ പ്രമുഖ മലയാളി ബിസിനസ് സംരംഭകനും ഫൈന്‍ ഫെയര്‍ ഗ്രൂപ്പ് മേധാവിയുമായ ഇസ്മയില്‍ റാവുത്തര്‍ മൂവാറ്റുപുഴ ആയവന സ്വദേശിയാണ്.

സെന്റര്‍ ഫോര്‍ ബയോപോളിമര്‍ സയന്‍സ് ആന്‍ഡ് ടെക്‌നോളജി ഉദ്ഘാടനം 25ന്

കൊച്ചി: സെന്‍ട്രല്‍ ഇന്‍സ്റ്റിറ്റിയൂട്ട് ഓഫ് പ്ലാസ്റ്റിക് എന്‍ജിനീയറിംഗ് ആന്‍ഡ് ടെക്‌നോളജി ( സിപെറ്റ് ) യുടെ നേതൃത്വത്തില്‍ ആരംഭിക്കുന്ന സെന്റര്‍ ഫോര്‍ ബയോപോളിമര്‍ സയന്‍സ് ആന്‍ഡ് ടെക്‌നോളജി കൊച്ചി സെന്ററിന്റെ ഉദ്ഘാടനം ശനിയാഴ്ച നടക്കും. ഏലൂര്‍ ഫാക്ട് ക്യാമ്പസില്‍ രാവിലെ 10ന് കേന്ദ്രമന്ത്രി എം. കെ. അളഗിരിയും മുഖ്യമന്ത്രി ഉമ്മന്‍ചാണ്ടിയും ചേര്‍ന്ന് ഉദ്ഘാടനം നിര്‍വഹിക്കും. കേന്ദ്രമന്ത്രിമാരായ പ്രൊഫ. കെ. വി. തോമസ്, ഡി. നെപ്പോളിയന്‍, മന്ത്രിമാരായ പി. കെ. കുഞ്ഞാലിക്കുട്ടി, വി. കെ. ഇബ്രാഹിംകുഞ്ഞ്, കെ. പി. രാമലിംഗം എം. പി. എന്നിവര്‍ പങ്കെടുക്കും.

കൊച്ചിന്‍ യൂണിവേഴ്‌സിറ്റി ഓഫ് സയന്‍സ് ആന്‍ഡ് ടെക്‌നോളജിയുമായി സഹകരിച്ചുകൊണ്ടായിരിക്കും സെന്റര്‍ പ്രവര്‍ത്തിക്കുന്നതെന്ന് പ്രോജക്ട് മാനേജര്‍ ടി. ഒ. വര്‍ഗ്ഗീസ് പത്രസമ്മേളനത്തില്‍ പറഞ്ഞു. കുസാറ്റ് ആയിരിക്കും കോഴ്‌സ് സര്‍ട്ടിഫിക്കറ്റ് നല്‍കുന്നത്. എം. എസ്. സി, പിഎച്ച്ഡി കോഴ്‌സുകളാണ് സെന്ററില്‍ ഉള്ളത്. എം. എസ്. സി.യ്ക്ക് 20 സീറ്റാണ് ഉള്ളത്. ബയോപോളിമര്‍ സയന്‍സ് ആന്‍ഡ് ടെക്‌നോളജിയിലുള്ള ഇന്ത്യയിലെ തന്നെ ആദ്യ സെന്ററാണ് കൊച്ചിയില്‍ ആരംഭിക്കുന്നതെന്ന് സിപെറ്റ് ഡെപ്യൂട്ടി ഡയറക്ടര്‍ ഡോ. കെ. പളനിവേലു, എസ്. സുഗുമാര്‍ എന്നിവര്‍ പത്രസമ്മേളനത്തില്‍ പറഞ്ഞു.