ചെന്നൈ: നേപ്പാളില്‍ വിമാനാപകടത്തില്‍ മരിച്ച തമിഴ്‌നാട്ടുകാരില്‍ ഒരാളുടെ മൃതദേഹം ചെന്നൈയിലെത്തിച്ചു. കുംഭകോണം സ്വദേശിയായ ക്ഷേത്ര പൂജാരി എല്‍.എസ്. സുദര്‍ശനത്തിന്റെ മൃതദേഹമാണ് ബുധനാഴ്ച വൈകിട്ടോടെ ചെന്നൈയിലെത്തിച്ചത്.
വൈകിട്ട് 4.30-ന് ചെന്നൈ വിമാനത്താവളത്തില്‍ കൊണ്ടുവന്ന മൃതദേഹം പിന്നീട് ബന്ധുക്കളുടെ നേതൃത്വത്തില്‍ 5.30 ഓടെ പ്രത്യേകം സജ്ജമാക്കിയ വാനില്‍ കുംഭകോണത്തേക്ക് കൊണ്ടുപോയി. അപകടത്തില്‍ ജീവന്‍പൊലിഞ്ഞ മുഗപ്പയര്‍ സ്വദേശി ഗോപി, ഭാര്യ സ്വര്‍ണലക്ഷ്മി, വടപളനി സ്വദേശി ലത എന്നിവരുടെ മൃതദേഹങ്ങള്‍ വ്യാഴാഴ്ച ചെന്നൈയിലേക്ക് കൊണ്ടുവരുമെന്നാണ് കരുതുന്നത്.