LATEST NEWS

Loading...

Custom Search
+ -
പൂര്‍ണമായും ഇന്ത്യന്‍ എന്ന് മുദ്രകുത്തി ടാറ്റയുടെ ഹോട്ടല്‍ ശൃംഖലയുമായി കൈകോര്‍ക്കാന്‍ വിസമ്മതിച്ചതിലൂടെ വിവാദത്തില്‍ച്ചാടിയ അമേരിക്കന്‍ കമ്പനിയാണ് ഓറിയന്റ് എക്‌സ്പ്രസ് ഹോട്ടല്‍സ്. ടാറ്റയുമായി കൈകോര്‍ക്കാന്‍ വിസമ്മതിച്ചതിലൂടെ...
പേരുകൊണ്ടെന്നപോലെ, ഇന്ത്യന്‍ വംശജര്‍ക്ക് പ്രാമുഖ്യമുള്ള നാടാണ് കരീബിയന്‍ ദ്വീപുകള്‍. കരീബിയന്‍ രാജ്യങ്ങളുടെ കൂട്ടായ്മയായ വെസ്റ്റിന്‍ഡീസ് ക്രിക്കറ്റ് ടീം തന്നെ അതിന് തെളിവാണ്. ബ്രയന്‍ ലാറയുടെയും ഡ്വെയ്ന്‍ ബ്രാവോയുടെയും കീറണ്‍...
അമേരിക്കയിലെ വിസ്‌കന്‍സണില്‍ കഴിഞ്ഞ മാസം സിഖ് മത ദേവാലയത്തിനു സമീപമുണ്ടായ വെടിവെപ്പ് ലോകമെമ്പാടുമുള്ള ഇന്ത്യന്‍ വംശജരില്‍ ഭീതിയുടെ പുതിയൊരു അധ്യായത്തിന് തുടക്കമിട്ടിരുന്നു. ഓസ്‌ട്രേലിയയിലും ബ്രിട്ടനിലുമൊക്കെ ഇന്ത്യന്‍...
അമേരിക്കയില്‍ ജീവിതവിജയം കൈവരിച്ച ഇന്ത്യക്കാര്‍ ഏറേയാണ്. ഇക്കാല്ലം ഫോബ്‌സ് മാസിക അമേരിക്കയിലെ ഏറ്റവും ധനാഢ്യരായ നാനൂറുപേരെ തിരഞ്ഞെടുത്തത്തില്‍ അഞ്ച് ഇന്ത്യന്‍ വംശജരുണ്ട്. 150 കോടി ഡോളര്‍ ആസ്തിയോടെ 311-ാം സ്ഥാനത്തെത്തിയ മനോജ്...
ഇന്ത്യയുടെ സ്വാതന്ത്ര്യത്തിനും സമാധാനത്തിനും വേണ്ടി നിലകൊണ്ട രാഷ്ട്രപിതാവ് മഹാത്മാഗാന്ധിയുടെ ജന്മദിനമായ ഒക്ടോബര്‍ രണ്ട് അന്താരാഷ്ട്ര അഹിംസാ ദിനമായി ഐക്യരാഷ്ട്ര സഭ പ്രഖ്യാപിച്ചത് 2007-ലാണ്. മഹാത്മാഗാന്ധിയുടെ സന്ദേശത്തിന് കൂടുതല്‍...
ലോകത്തേറ്റവും വെറുക്കപ്പെട്ടവനായിരുന്നു ഉസാമ ബിന്‍ ലാദന്‍. 2001-ലെ വേള്‍ഡ് ട്രേഡ് സെന്റര്‍ ആക്രമണത്തോടെ ലോകത്തെ ഭീകരവാദത്തിന്റെ മുഖമായി ലാദന്‍ മാറി. ഒടുവില്‍ അല്‍ ഖ്വെയ്ദയുടെ പിന്തുണയോടെ ലോകമെങ്ങും നടത്തിയ എണ്ണമറ്റ ആക്രമണങ്ങള്‍...
ലോകപ്രശസ്തമായ വിദ്യാഭ്യാസ കേന്ദ്രങ്ങളുടെ തലപ്പത്ത് ഇന്ത്യന്‍ വംശജരായ അക്കാദമിക് വിദഗ്ധര്‍ ഏറെയുണ്ട്. ഹാര്‍വാഡ് ബിസിനസ് സ്‌കൂളിലെ നിഥിന്‍ നോറിയയും ഇന്‍സീഡിലെ കെല്ലോഗ് ബിസിനസ് സ്‌കൂളിലെ ദീപക് ജയിനും ബിസിനസ് മാനേജ്‌മെന്റ്...
അമേരിക്കന്‍ നിയമസംവിധാനത്തിലെ രണ്ടാമത്തെ ഏറ്റവും വലിയ കോടതിയെന്ന് വിശേഷിപ്പിക്കപ്പെടുന്നതാണ് വാഷിങ്ടണ്‍ ഡിസി അപ്പീല്‍ കോര്‍ട്ട്. കഴിഞ്ഞവര്‍ഷം ജൂണില്‍ ശ്രീകാന്ത് ശ്രീനിവാസനെ ഈ അപ്പീല്‍ കോടതിയിലെ ജഡ്ജിയായി നിയമിച്ചപ്പോള്‍,...
ഗണിതശാസ്ത്രത്തില്‍ ബിരുദവുമായി നാലരപ്പതിറ്റാണ്ടുമുമ്പ് നാഥ് റാം പുരി ബ്രിട്ടനിലെത്തുമ്പോള്‍, എയര്‍കണ്ടീഷനിങ് സാങ്കേതിക വിദ്യ പഠിച്ചെടുക്കുകയായിരുന്നു ലക്ഷ്യം. എയര്‍ കണ്ടീഷണറുകള്‍ വ്യാപകമായിത്തുടങ്ങുന്ന കാലത്ത് ജോലി സാധ്യത...
അസ്സമിലെ ഗുവാഹാട്ടിയില്‍നിന്ന് ചിക്കാഗോയിലെ ഇല്ലിനോയ് സര്‍വകലാശാലയുടെ വൈസ് ചാന്‍സലര്‍ പദവിയിലെത്തിയ മിത്ര ദത്തയുടെ ജീവിത കഥ അതിശയിപ്പിക്കുന്നതാണ്. അമേരിക്കന്‍ സൈനിക ഗവേഷണ കേന്ദ്രത്തില്‍ പതിനഞ്ച് വര്‍ഷത്തോളം ശാസ്ത്രജ്ഞയായിരുന്ന...

 

 

പൂര്‍ണമായും ഇന്ത്യന്‍ എന്ന് മുദ്രകുത്തി ടാറ്റയുടെ ഹോട്ടല്‍ ശൃംഖലയുമായി കൈകോര്‍ക്കാന്‍ വിസമ്മതിച്ചതിലൂടെ വിവാദത്തില്‍ച്ചാടിയ അമേരിക്കന്‍ കമ്പനിയാണ് ഓറിയന്റ് എക്‌സ്പ്രസ് ഹോട്ടല്‍സ്. ടാറ്റയുമായി കൈകോര്‍ക്കാന്‍ വിസമ്മതിച്ചതിലൂടെ വിവാദത്തിലായ ഓറിയന്റ് ഗ്രൂപ്പ് മൂന്നുവര്‍ഷത്തിനുശേഷം, അതിന്റെ ഡയറക്ടര്‍ ബോര്‍ഡിലേക്ക് പൂര്‍ണമായും ഇന്ത്യക്കാരനായ ഒരാളെ നിയോഗിച്ചത് ലോകം ഏറെ കൗതുകത്തോടെയാണ് വീക്ഷിച്ചത്. ഹോട്ടല്‍-ബിവറേജസ് വ്യവസായ രംഗത്ത് ഏറെക്കാലത്തെ അനുഭവ സമ്പത്തുള്ള ഹര്‍ഷ വി.അഗാഡിയെയാണ് സ്വതന്ത്ര ചുമതലയുള്ള ഡയറക്ടറായി ഓറിയന്റ് എക്‌സ്പ്രസ് നിയോഗിച്ചത്. ആഗോളതലത്തില്‍ പ്രശസ്തമായ ഒട്ടേറെ റസ്റ്റോറന്റ് വമ്പന്മാര്‍ക്കൊപ്പം പ്രവര്‍ത്തിച്ച പരിചയസമ്പത്താണ് ഓറിയന്റ് എക്‌സ്പ്രസ് പരിഗണിച്ചത്. യു.എസ്.ആസ്ഥാനമാക്കിയുള്ള ഫ്രണ്ട്‌ലി ഐസ്‌ക്രീമിനെ രാജ്യത്തെ വന്‍കിട ബ്രാന്‍ഡാക്കി മാറ്റിയ നേതൃപാടവമാണ് ഹര്‍ഷയെ ഓറിയന്റ് എക്‌സ്പ്രസിന്റെയും തലപ്പത്തെത്തിച്ചത്. ഓറിയന്റ് എക്‌സ്പ്രസിന്റെ ബ്രാന്‍ഡ് വാല്യു ഇടിയുമെന്ന് കാണിച്ചാണ് 2007-ല്‍ ടാറ്റയുമായുള്ള ബന്ധം കമ്പനി നിരാകരിച്ചത്. അമേരിക്കന്‍ ഹോട്ടല്‍ വ്യവസായത്തില്‍ നിര്‍ണായകമായ സ്ഥാനം കൈവരിക്കാനുള്ള ടാറ്റയുടെ ശ്രമമാണ് അന്ന് ഓറിയന്റ് എക്‌സ്പ്രസ് നിരാകരിച്ചത്. അതിന് അവര്‍ പറഞ്ഞ ന്യായം ഏറെ പ്രതിഷേധമുയര്‍ത്തിയിരുന്നു. ടാറ്റയുടേത് ഇന്ത്യന്‍ എന്ന പരിവേഷമാണെന്നായിരുന്നു ന്യായവാദം. ഹര്‍ഷ വി.അഗാഡിയുടെ സ്ഥാനലബ്ധിയെ ഇന്ത്യക്കാര്‍ അതുകൊണ്ടുതന്നെ ഏറെ സന്തോഷത്തോടെയാണ് സ്വീകരിച്ചത്. 1984-ല്‍ ബോംബെ സര്‍വകലാശാലയില്‍നിന്ന് കൊമേഴ്‌സില്‍ ബിരുദം നേടിയ ഹര്‍ഷ എം.ബി.എ നേടുന്നതിനുവേണ്ടിയാണ് അമേരിക്കയിലെത്തുന്നത്. ഡ്യൂക്ക് സര്‍വകലാശാലയുടെ ഫുക്വ സ്‌കൂള്‍ ഓഫ് ബിസിനസ്സില്‍നിന്ന് എം.ബി.എ സ്വന്തമാക്കി. ക്രാഫ്റ്റ് ജനറല്‍ ഫുഡ്‌സിലൂടെ ഔദ്യോഗിക ജീവിതത്തിന് തുടക്കമിട്ട ഹര്‍ഷ, പിന്നീട് അമേരിക്കന്‍ എക്‌സ്പ്രസ്, പെപ്‌സികോ തുടങ്ങിയ സ്ഥാപനങ്ങളിലും പ്രവര്‍ത്തിച്ചു. ആഗോള ഹോട്ടല്‍ വ്യവസായ രംഗത്ത് നിക്ഷേപകരെ ആകര്‍ഷിക്കും വിധത്തില്‍ ഒട്ടേറെ ചുവടുവെപ്പുകള്‍ ഹര്‍ഷയുടെ ഭാഗത്തുനിന്നുണ്ടായി. ഡോമിനോ പിസയെ ആഗോള ബ്രാന്‍ഡാക്കി വളര്‍ത്തിയെടുത്തത് ഹര്‍ഷയുടെ നീക്കങ്ങളായിരുന്നു. അമ്പതിലേറെ രാജ്യങ്ങളിലെ പ്രമുഖ പിസ ബ്രാന്‍ഡായി ഡോമിനോ മാറി. 1997 മുതല്‍ 2000 വരെ ലിറ്റില്‍ കെസാഴ്‌സിന്റെ ചീഫ് ഓപ്പറേറ്റിങ് ഓഫീസറായി പ്രവര്‍ത്തിച്ചതിന് ശേഷം 2004 മുതല്‍ 2009 വരെ ചര്‍ച്ച് ചിക്കണിന്റെ പ്രസിഡന്റായി. 2009 വരെ ഫ്രണ്ട്‌ലി ഐസ്‌ക്രീമിന്റെ സി.ഇ.ഒ. ആയി പ്രവര്‍ത്തിച്ചുകൊണ്ടിരിക്കെയാണ് ഓറിയന്റ് എക്‌സ്പ്രസിന്റെ ഇന്‍ഡിപ്പെന്‍ഡന്റ് ഡയറക്ടറായി ചുമതലയേല്‍ക്കുന്നത്. ഇക്കൊല്ലം അദ്ദേഹം ക്വിസ്‌നോസിന്റെ മേധാവിയായി ചുമതലയേറ്റു. ഇതിനുപുറമെ, ഒട്ടേറെ സ്ഥാപനങ്ങളുടെ ഡയറക്ടര്‍ബോര്‍ഡില്‍ അംഗമായ ഹര്‍ഷ, നിരവധി സര്‍വകലാശാലകളിലും മറ്റും ബിസിനസ് വിദ്യാര്‍ഥികള്‍ക്ക് ക്ലാസുകളും എടുക്കുന്നുണ്ട്. rgirishkumar@gmail.com