യുക്മയുടെ പ്രധാന റീജിയനുകളില്‍ ഒന്നായ ഈസ്റ്റ് ആംഗ്ലിയ റീജിയന്റെ 2017 ലെ കായികമേള മെയ് 20 ന് സൗത്തെന്‍ഡിലെ ലെഷര്‍ ആന്‍ഡ് ടെന്നീസ് സെന്ററില്‍ വച്ച് നടക്കും. റീജിയന്‍ പ്രസിഡന്റ് രഞ്ജിത് കുമാറിന്റെ അധ്യക്ഷതയില്‍ ചേര്‍ന്ന എക്‌സിക്യൂട്ടീവ് കമ്മിറ്റിയാണ് തീരുമാനം എടുത്തത്. 

2017 മെയ് 20 ന് രാവിലെ 11.30 ന് മാര്‍ച്ച് പാസ്റ്റോടെ മത്സരങ്ങള്‍ ആരംഭിക്കും. ലോകോത്തര നിലവാരമുള്ള സിന്തറ്റിക് ട്രാക്കോട് കൂടിയ കായികവേദിയില്‍  മത്സരാര്‍ത്ഥികള്‍ക്ക് മെച്ചപ്പെട്ട പ്രകടനം നടത്താന്‍ കഴിയും. ഒന്നും രണ്ടും മൂന്നും സ്ഥാനം നേടുന്നവര്‍ക്ക് ട്രോഫികള്‍ നല്‍കും. കൂടുതല്‍ പോയിന്റ്  നേടുന്ന അസോസിയേഷന് പ്രത്യേക പുരസ്‌കാരവും നല്‍കുന്നതായിരിക്കും. 

റീജിയന്‍ കായിക മേളകളില്‍ സിംഗിള്‍ ഇനങ്ങളില്‍ ഒന്നും രണ്ടും മൂന്നും സ്ഥാനങ്ങള്‍ നേടുന്നവര്‍ക്കും 
ഗ്രൂപ്പ് ഇനങ്ങളില്‍ ഒന്നും രണ്ടും സ്ഥാനം നേടുന്ന ടീമുകള്‍ക്കും ആണ് യുക്മ നാഷണല്‍ കായികമേളയില്‍ പങ്കെടുക്കവാന്‍ അവസരം ലഭിക്കുക.

കൂടുതല്‍ വിവരങ്ങള്‍ക്ക്: 

ജോജോ തെരുവാന്‍ - 07753329563

വാര്‍ത്ത അയച്ചത് : റജി നന്തികാട്ട്‌