സൗത്ത് ഫ്ളോറിഡ: സൗത്ത് ഫ്ളോറിഡയിലെ പ്രമുഖ മലയാളി സംഘടനയായ നവകേരള മലയാളി അസോസിയേഷന്‍ പ്രവര്‍ത്തനോത്ഘാടനം വൈവിധ്യമാര്‍ന്ന പരിപാടികളോടെ സംഘടിപ്പിച്ചു. സണ്‍റൈസ് സിറ്റി ഹാളില്‍ നടന്ന വര്‍ണാഭമായ ചടങ്ങില്‍ നവകേരള പ്രസിഡന്റ് ജോബി പൊന്നുംപുരയിടം നിലവിളക്കു കൊളുത്തി ഉദ്ഘാടനം നിര്‍വഹിച്ചു.

ചടങ്ങില്‍ ഫോമാ പി.ആര്‍.ഒ മാത്യു വര്‍ഗീസ്, വേള്‍ഡ് മലയാളി ഫെഡറേഷന്‍ പ്രസിഡന്റ് സാജന്‍ കുര്യന്‍, കേരളം സമാജം പ്രസിഡന്റ് സാം പാറത്തുണ്ടിയില്‍, മയാമി മലയാളി അസോസിയേഷന്‍ പ്രസിഡന്റ് ജോസ് തോമസ്, പാം ബീച്ച് മലയാളി അസോസിയേഷന്‍ പ്രസിഡന്റ് ഡോ:ജഗതി നായര്‍, എസ്.എം.സി.സി. പ്രസിഡന്റ് സാജു വടക്കേല്‍, ഐ.സി.എ പ്രസിഡന്റ് റോബിന്‍സ് തുടങ്ങിയവര്‍ പ്രസംഗിച്ചു.

ചടങ്ങിന് ബിജോയ് സേവ്യര്‍, ജെയിന്‍ വത്യേലില്‍, ഷാന്റി വര്‍ഗീസ്, ആനന്ദലാല്‍ രാധാകൃഷ്ണന്‍, രഞ്ജന്‍ പുളിമൂട്ടില്‍, എക്സിക്യൂട്ടീവ് അംഗങ്ങള്‍ എന്നിവര്‍ നേതൃത്വം നല്‍കി. വൈവിധ്യമാര്‍ന്ന കലാപരിപാടികളും സംഘടിപ്പിച്ചിരുന്നു.

ജോയിച്ചന്‍ പുതുക്കുളം