LATEST NEWS

Loading...

Custom Search
ചരമം: ജോര്‍ജ് പുളിമല
ഫിലാഡെല്‍ഫിയ : കല (കേരള ആര്‍ട്‌സ് ആന്‍ഡ് ലിറ്റററി അസോസിയേഷന്‍) യുടെ സ്ഥാപകനേതാവും മുന്‍ പ്രസിഡന്റുമായിരുന്ന ജോര്‍ജ് പുളിമല (69) അന്തരിച്ചു. നാലു പതിറ്റാണ്ടുകളായി ഫിലാഡെല്‍ഫിയയിലെ കലാസാംസ്‌കാരിക മേഖലകളില്‍ പ്രവര്‍ത്തിച്ചുവന്ന അദ്ദേഹം മികച്ച ഒരു കലാകാരന്‍കൂടി ആയിരുന്നു. ഓട്ടംതുള്ളല്‍ , കഥാപ്രസംഗം ,താളവാദ്യം എന്നിവയില്‍ പ്രവീണ്യം സിദ്ധിച്ച അദ്ദേഹം വന്‍ സുഹൃത്ത് സഞ്ചയത്തിന്റെ ഉടമയും മലയാളി സമൂഹത്തിന് എന്നും സഹായഹസ്തവും ആയിരുന്നു. അദ്ദേഹത്തിന്റെ നിര്യാണത്തില്‍ 'കലാ' അഗാധമായ ദുഖം രേഖപ്പെടുത്തി. ദിവംഗതനായ മുന്‍ ആര്‍ച്ച് ബിഷപ്പ് സ്റ്റീഫന്‍ വട്ടപ്പാറയുടെ പുത്രി മോനിക്കാമ്മ (മോളി) ആണ് സഹധര്‍മ്മണി. മക്കള്‍ ബിന്ദു , ബിനോയി . നവംബര്‍ 28 വെള്ളിയാഴ്ച വൈകുന്നേരം 5:30 ന് സെന്‍റ് തോമസ് ഇന്ത്യന്‍ ഓര്‍ത്തഡോക്ള്‍സ് (1009 Unruh Ave, Philadelphia, PA 19111) ദേവാലയത്തില്‍ പൊതുദര്‍ശനവും പ്രാര്‍ഥനകളും ഉണ്ടായിരിക്കും. ഇതേ ദേവാലയത്തില്‍ നവംബര്‍ 29 ശനിയാഴ്ച രാവിലെ 9 മണിക്ക് സംസ്‌കാരശുശ്രൂഷകള്‍ ആരംഭിക്കുന്നതും തുടര്‍ന്ന് ലോണ്‍ വ്യൂ സെമിത്തേരിയില്‍ (500 Huntingdon Pike, Rockledge, PA 19046) അടക്കം ചെയ്യപ്പെടുന്നതുമാണ്. കൂടുതല്‍ വിവരങ്ങള്‍ക്ക്: ജോര്‍ജ് മാത്യു സിപിഎ (267 549 1196), അലക്‌സ് ജോണ്‍ (21 715 8114), സണ്ണി എബ്രഹാം (484 716 1636). വാര്‍ത്ത അയച്ചത്: ജോയിച്ചന്‍ പുതുക്കുളം
ന്യൂയോര്‍ക്ക്: ന്യൂയോര്‍ക്കില്‍ കുടുംബസമേതം താമസിച്ചുവന്ന അയിരൂര്‍ മുഴയന്‍ പുന്നക്കല്‍ കുടുംബാംഗം ഫിലിപ്പ് സഖറിയ (68) സ്വവസതിയില്‍ അന്തരിച്ചു. പരേതരായ മുഴയന്‍ പുന്നക്കല്‍ എം.പി.സഖറിയായുടെയും സാറാമ്മ സഖറിയായുടെയും മകനാണ്. കരിങ്കുന്നം കൂട്ടങ്കല്‍ കുടുംബാംഗമായ ഏലിയാമ്മ ഫിലിപ്പാണ് ഭാര്യ. മക്കള്‍ സാറാമ്മ (റജല), എലിസബത്ത്(അജല), മേരി(സജല), സഖറിയ(ബാബു) എന്നിവരാണ്. മരുമക്കള്‍ ജസ്റ്റിന്‍ ജീന്‍സ്, ജെന്‍സണ്‍, സിമി. നവംബര്‍ 24 ന് വൈകീട്ട് 5 മുതല്‍ 9 മണി വരെ പാര്‍ക്ക് ഫ്യൂണറല്‍ ഹോമില്‍ വ്യൂവിംഗ് നടക്കും. വിലാസം: 2175 Jerico Tpke, New Hyde Park, NY 11040 Funeral Service - November 25 th 10 AM St vincent De Paul Malankara Catholic Cathedral, 1500 De Paul Street, Eliment, NY 11003. സംസ്‌കാരം: St Charles Cemetry, 2015, Wellwood Ave, Farmingdale, NY11735 സംസ്‌കാര കര്‍മ്മങ്ങള്‍ക്ക് അമേരിക്കയിലെ മലങ്കര കാത്തലിക് എക്‌സാര്‍കേറ്റ് മെത്രാപ്പൊലീത്ത ഡോ.തോമസ് മാര്‍ യൂസേബിയോസ് പ്രധാന കാര്‍മ്മികത്വം വഹിക്കും. വാര്‍ത്ത അയച്ചത് : മോഹന്‍ വര്‍ഗീസ്‌

 

 

 

പൂര്‍ണമായും ഇന്ത്യന്‍ എന്ന് മുദ്രകുത്തി ടാറ്റയുടെ ഹോട്ടല്‍ ശൃംഖലയുമായി കൈകോര്‍ക്കാന്‍ വിസമ്മതിച്ചതിലൂടെ വിവാദത്തില്‍ച്ചാടിയ അമേരിക്കന്‍ കമ്പനിയാണ് ഓറിയന്റ് എക്‌സ്പ്രസ് ഹോട്ടല്‍സ്. ടാറ്റയുമായി കൈകോര്‍ക്കാന്‍ വിസമ്മതിച്ചതിലൂടെ വിവാദത്തിലായ ഓറിയന്റ് ഗ്രൂപ്പ് മൂന്നുവര്‍ഷത്തിനുശേഷം, അതിന്റെ ഡയറക്ടര്‍ ബോര്‍ഡിലേക്ക് പൂര്‍ണമായും ഇന്ത്യക്കാരനായ ഒരാളെ നിയോഗിച്ചത് ലോകം ഏറെ കൗതുകത്തോടെയാണ് വീക്ഷിച്ചത്. ഹോട്ടല്‍-ബിവറേജസ് വ്യവസായ രംഗത്ത് ഏറെക്കാലത്തെ അനുഭവ സമ്പത്തുള്ള ഹര്‍ഷ വി.അഗാഡിയെയാണ് സ്വതന്ത്ര ചുമതലയുള്ള ഡയറക്ടറായി ഓറിയന്റ് എക്‌സ്പ്രസ് നിയോഗിച്ചത്. ആഗോളതലത്തില്‍ പ്രശസ്തമായ ഒട്ടേറെ റസ്റ്റോറന്റ് വമ്പന്മാര്‍ക്കൊപ്പം പ്രവര്‍ത്തിച്ച പരിചയസമ്പത്താണ് ഓറിയന്റ് എക്‌സ്പ്രസ് പരിഗണിച്ചത്. യു.എസ്.ആസ്ഥാനമാക്കിയുള്ള ഫ്രണ്ട്‌ലി ഐസ്‌ക്രീമിനെ രാജ്യത്തെ വന്‍കിട ബ്രാന്‍ഡാക്കി മാറ്റിയ നേതൃപാടവമാണ് ഹര്‍ഷയെ ഓറിയന്റ് എക്‌സ്പ്രസിന്റെയും തലപ്പത്തെത്തിച്ചത്. ഓറിയന്റ് എക്‌സ്പ്രസിന്റെ ബ്രാന്‍ഡ് വാല്യു ഇടിയുമെന്ന് കാണിച്ചാണ് 2007-ല്‍ ടാറ്റയുമായുള്ള ബന്ധം കമ്പനി നിരാകരിച്ചത്. അമേരിക്കന്‍ ഹോട്ടല്‍ വ്യവസായത്തില്‍ നിര്‍ണായകമായ സ്ഥാനം കൈവരിക്കാനുള്ള ടാറ്റയുടെ ശ്രമമാണ് അന്ന് ഓറിയന്റ് എക്‌സ്പ്രസ് നിരാകരിച്ചത്. അതിന് അവര്‍ പറഞ്ഞ ന്യായം ഏറെ പ്രതിഷേധമുയര്‍ത്തിയിരുന്നു. ടാറ്റയുടേത് ഇന്ത്യന്‍ എന്ന പരിവേഷമാണെന്നായിരുന്നു ന്യായവാദം. ഹര്‍ഷ വി.അഗാഡിയുടെ സ്ഥാനലബ്ധിയെ ഇന്ത്യക്കാര്‍ അതുകൊണ്ടുതന്നെ ഏറെ സന്തോഷത്തോടെയാണ് സ്വീകരിച്ചത്. 1984-ല്‍ ബോംബെ സര്‍വകലാശാലയില്‍നിന്ന് കൊമേഴ്‌സില്‍ ബിരുദം നേടിയ ഹര്‍ഷ എം.ബി.എ നേടുന്നതിനുവേണ്ടിയാണ് അമേരിക്കയിലെത്തുന്നത്. ഡ്യൂക്ക് സര്‍വകലാശാലയുടെ ഫുക്വ സ്‌കൂള്‍ ഓഫ് ബിസിനസ്സില്‍നിന്ന് എം.ബി.എ സ്വന്തമാക്കി. ക്രാഫ്റ്റ് ജനറല്‍ ഫുഡ്‌സിലൂടെ ഔദ്യോഗിക ജീവിതത്തിന് തുടക്കമിട്ട ഹര്‍ഷ, പിന്നീട് അമേരിക്കന്‍ എക്‌സ്പ്രസ്, പെപ്‌സികോ തുടങ്ങിയ സ്ഥാപനങ്ങളിലും പ്രവര്‍ത്തിച്ചു. ആഗോള ഹോട്ടല്‍ വ്യവസായ രംഗത്ത് നിക്ഷേപകരെ ആകര്‍ഷിക്കും വിധത്തില്‍ ഒട്ടേറെ ചുവടുവെപ്പുകള്‍ ഹര്‍ഷയുടെ ഭാഗത്തുനിന്നുണ്ടായി. ഡോമിനോ പിസയെ ആഗോള ബ്രാന്‍ഡാക്കി വളര്‍ത്തിയെടുത്തത് ഹര്‍ഷയുടെ നീക്കങ്ങളായിരുന്നു. അമ്പതിലേറെ രാജ്യങ്ങളിലെ പ്രമുഖ പിസ ബ്രാന്‍ഡായി ഡോമിനോ മാറി. 1997 മുതല്‍ 2000 വരെ ലിറ്റില്‍ കെസാഴ്‌സിന്റെ ചീഫ് ഓപ്പറേറ്റിങ് ഓഫീസറായി പ്രവര്‍ത്തിച്ചതിന് ശേഷം 2004 മുതല്‍ 2009 വരെ ചര്‍ച്ച് ചിക്കണിന്റെ പ്രസിഡന്റായി. 2009 വരെ ഫ്രണ്ട്‌ലി ഐസ്‌ക്രീമിന്റെ സി.ഇ.ഒ. ആയി പ്രവര്‍ത്തിച്ചുകൊണ്ടിരിക്കെയാണ് ഓറിയന്റ് എക്‌സ്പ്രസിന്റെ ഇന്‍ഡിപ്പെന്‍ഡന്റ് ഡയറക്ടറായി ചുമതലയേല്‍ക്കുന്നത്. ഇക്കൊല്ലം അദ്ദേഹം ക്വിസ്‌നോസിന്റെ മേധാവിയായി ചുമതലയേറ്റു. ഇതിനുപുറമെ, ഒട്ടേറെ സ്ഥാപനങ്ങളുടെ ഡയറക്ടര്‍ബോര്‍ഡില്‍ അംഗമായ ഹര്‍ഷ, നിരവധി സര്‍വകലാശാലകളിലും മറ്റും ബിസിനസ് വിദ്യാര്‍ഥികള്‍ക്ക് ക്ലാസുകളും എടുക്കുന്നുണ്ട്. rgirishkumar@gmail.com

മലയാളം പഠനസഹായി